الوسم: الجامعة

انا طالبة جامعية ويالسة في السكن الجامعي
وغرفتنا صغيرة نوعا ما يعني سريرين والكبت من اليدار لليدار
وباب مجابلنة بلكونة صغيييييييرة
انا ما اطلب الترتيب
الغرفة بيضة بس احب ازينها ما اعرف كيف واحب واضيف بعض الالوان
بس ما ابا اغراض تضيق من الغرفة اكثر >> طرارة وتتشرط

المهم ابا مساااااااااعدة بلييييييييييييييس

السلام عليكم ورحمة الله وبركاته

أنا أدرس فيها حاليا

بس بعدني Pre-MBA

وإن شاء الله قريب ببتدي الـ MBA

حسيت النظام عندهم حلو والدراسة حلوة

وعسى الله يوفقنا يميع

1. الجواتي (( للأطفال اذا بتاخذين لازم اسود اوابيض عشان الرياضة ^^))
2. زلاغات (( اذا تبينه اسود او ابيض او ملون ))
3. أقلام (حبر ( أسود واحمر واخضر وازرق .. ورصاص ..وفسفوري.. واقلام ملونة عشان دفتر الماث او الانجلش .. )
4.مساطر
5. ممحاة
6.براية
7.ستكر ودفتر للنوت والملاحظات
8. لزق (شفاف او اوهو او جاف )
9.كريكتر
10. مقص
11. مشرط
12.الشنطة والمقلمة
13. دفاتر (( كبيرة وصغيرة ودفتر مربعات للرياضيات)) بأسلاك او بدون ..
14. ملفات ( عقم لليهال في الكيجي .. أسلاك .. شفافيات ))..
15. طوابع للكتب والدفاتر
16. اوراق شفافة (( شفافيات )) للملف
17. جلاد (( شفاف او ملون حسب ذوقج ))..
18. مستلزمات للتربية الفنية مثل دفتر فن وألوان خشبية او مائية او باستيل واكريلك .. ))

نصييييحة :
لاتاخذين ادوات الفن إلا بعد مايمر يومين او 3 في المدرسة .. يعني الطلاب والطالبات يعرفون استاذ/ة الفن شو يبون .. لانه مثلا في المرحلة الابتدائية يطلبون منهم الوان خشبية ودفتر صغير بس في الاعدادية يطلبون الوان مائية ودفاتر كبيرة وغير الفوط والمقص ولبس الفن وفرش وغيره .. فلاتشترين لين مايسجلن العيال شو المطلوب منهم ..^^
عشانج يا الأم خذي للاحتياط الخرامة والدباسة الخ……

19.الة حاسبة
20. علبة هندسة
21. أوراق حلوة بإطارات للتقاير والبحوث
22. فلاش عشان تسيفين الملفات الخاصة بالمدرسة او بوكس سيديات عشان تسيفين فيه بوربوينت او موفي للمس ..
23. شباصات بيضة وسودة وطوق (( منعا للمخالفاااااااات)) ..
24. ساعة (( للي يعتبرون الوقت من ذهب )) ^.*
25. من الخياط .. الملابس (( المريول )) ..
26. بنطلون أسود وقميص أبيض (( للرياضة))
27. ع مكتبج الخاص في البيت يكون محطوط خرامة + دباسة .. (( الدباسة مهم جدا جدا جدا ))..
28. أوراق A4 سواء الأبيض أو الملون ..

جذي بنتج تكون جااااااااااااااااااااااااهزة باذن الله ومب ناقصنها شي ..

http://www.albetaqa.com/cards/albums…awasel0030.gif

ثانيا:

مستلزمات الجامعة او الكلية ..

1. جواتي ونعلان
2. زلاغات
3. أقلام
4.ستكر ودفتر للنوت والملاحظات
5. شنط بحيت تكون مناسبة للابتوب او الكتب سواء ماركة او لاء (( يعني الشنط الصغيرة ما بتفيدكن وايد الا اول سنة ^^ ))
6. دفاتر (( كبيرة وصغيرة ))
7. ملف
8.الة حاسبة
9. أوراق حلوة بإطارات للتقاير والبحوث
10. فلاش عشان تسيفين الملفات الخاصة بلجامعة او بوكس سيديات ..
11. خيتو كانت تقولي انه البنطلون والقميص ( جينزات ) وايد كان مريح لها في الحركة .. اما أنا فما أحب البس جينزات .. (( فكل وحدة حرة .. المهم خذيلج بناطلين وقمصان مريحة وطبعا طبعا العباة تكون مسكرة .. ما اريد اخذ اثم .. وتنانير واشتري قمصان شتوية عشان الشتاء ))
12. قفازات بيض .. عشان ايدينج ما تسمر وتسود من الشمس
13. مظلة (( شي بنات يستخدمون مظلة .. فبراحتج ^^))
14. واقي شمس
15. نظارة شمسة (( اذا تبين ))..
16. منظم الشنط .. (( عشان بطاقة الجامعة .. والليسن.. …الخ او بوووك ))
17. عباة سااادة وغشووة اذا كنتي تستخدمينه..
18. أوراق A4

نصيحة لوجه الله ..
ماله داعي هالاكسسوارات والالواااااااااان والقوس قزح للعبايات والشيل .. لانه الجامعة فيها رياييل سواء الاساتذة او العمال .. فالنهاية القرار بايدج .. بس تذكري ربي العالمين ويوم الحساب .. لانه اللي بتقولج OMG ستايلج واااااااااو .. باجر ما بتنفعج في شي ^^ وحتى بالنسبة للي يحطون الميكب .. الجحال يكفي والله ^.* )) أتمنى محد يتحسس لانها مجرد كلام من قلب لقلب اخر ^^

وشي مضحك انه السنة الاولى الكل يتكشخ ويتعدل او حتى اول اسبوعين بس مع الأيام يتغير كل شي .. فكوني من البداية مثل ما انتي وبعدي عنج الرمسة .. فلانة وفلانة وفلانة ^^

وبس

اي وحدة عندها اضافات تذكره لنا ^^

سبحان الله العظيم وبحمده واستغفر الله العظيم

http://www.noorfatema.net/up/uploads/13068614992.png

بس بنات الجامعه يقولون انهم يستخدمون دفاتر