بسم الله الرحمن الرحيم
السلام عليكم ورحمة الله وبركاته
شحالكن خواتيه ؟ عساكن مرتاحات ؟
حبيت اطرح هالموضوع نتعرف من خلاله على قصكن مع النقاب
متى تنقبتي وكم كان عمرج ؟
وشو كانت ردة فعل اهلج وربيعاتج يوم تنقبتي ؟
وليش تنقبتي ؟
يوم لبستي النقاب لبستيه بقناعه شخصيه منج والا بضغط من الاهل ؟ ومنو اللي ضغط عليج ؟ اخوانج امج ابوج …الخ ؟
ندامانه انج تنقبتي والا مرتاحه ؟ ولو كنتي ندامانه ليش الندم ؟
تفكرين تشلين النقاب ؟ متى ؟ وليش ؟
تشجعين خواتج وربيعاتج اللي مب منقبات على النقاب والا لا ؟
في بعض الدوائر والمؤسسات يمنعون توظيف المنقبات ، انتي شو رايج بهالتوجه ؟ تأيدين مثل هالقوانين والا ترفضينها ؟ مع ذكر سبب التأييد أو الرفض .
لو كنتي منقبه وعاطله عن العمل وادورين وظيفه ، وحصلتي وظيفه واااااايد زينه وبراتب خيالي بس طلبوا منج تشلين النقاب ، بتقبلين هالوظيفه والا بترفضين ؟
لو كنتي منقبه وتتمنين الاستقرار العائلي ، وتقدم لج شاب فيه كل الصفات اللي تتمنينها بس الريال وايد متفتح وطلب منج تقلعين النقاب وموووول ماتلبسينه ، بتوافقين على الزواج من هالريال والا بترفضين ؟
من وجهة نظرج الخاصه هل هناك اقبال على النقاب ام هناك تراجع عنه ؟ << ماعرفت اصيغ هالسؤال بالعاميه 
لو كانت ربيعتج منقبه وخلاف قلعت النقاب ، شو تكون ردة فعلج ؟
وبتقاطعينها لانها قلعت النقاب والا بتحترمين رغبتها ؟
البنت اللي كانت منقبه وخلاف قلعت النقاب ، هل هالشي يأثر على شخصيتها واحترام الناس لها ؟
السموحه منكن طولت عليكن بالاسئله 
ندااااء لكل زوار وعضوات سيدات الامارات
ادعولي بالوظيفه اللي اتمناها عاجلاً غير آجل
المشاركة الأصلية كتبت بواسطة ميميه88 
