الوسم: المفيدة

نبا التفــــــاعل و ردود المفيدة

شحالكن بنات عساكن ابخير يارب

ومبارك عليكن الشهر واعاده الله علينا وعليكن بالخير والصحة يارب

خواتي الغاليات هذه اول مشاركة لي في هذا المنتدى الراقي والهادف واتمنى ان تقبلوني كضيفة خفيفة الظل وياكن

قريت موضوع على النت عيبني وايد قلت انزله هنا بما انه يدور في بالي من زمان واخذ رايكن بخصوص غلاء المهر والزهبة …

اتمنى منكن التفاعل ولا تبخلن علينا بالردود المفيدة افادكن الله … (المتزوجات طبعا عندهن تجربة وعسى يشاركن ويانا)

وهذه هي الاسئلة الي ابا اسالكن بخصوص المهر والزهبة

1-هل غلاء المهر دليل على مكانة الانثى؟
2-كم حددتي لج مهرا إن كنتي متزوجه وكم ستحددين في المستقبل لو كنتي فتاه ؟
3-هل تتدخل عائلتج في تحديد المهر؟ وكيف؟
4-هل تريدين زواجا فخما يتحدث عنه الجميع؟
5-هل تريدين السفربعد الزواج الى اجمل الدول بغض النظر عن سعرها ام تحاولين السفر الى دول جميله بسعر رخيص؟
6-لو خيرتي بين عرس فخم او رحله سفر تشمل عدة دول لتستمتعين بها انت وريلج فما تختاري؟
7-اخيرا هل احصيت يوما من الايام مصاريف العرس؟؟

يالله ابا تفاعلكن يا بنات

الحمدلله نحن خلينا ريلي هو اللي يحدد المهر والزهبة اللي يقدر عليها

(اقلهن مهرا اكثرهن ببركة)
وبعدين المهر والزهبة ترا بتنصرف اهم شي ريال زين تعيش ويا باقي عمرها

1-هل غلاء المهر دليل على مكانة الانثى؟ ما اعتقد لأن اقلهن مهرا اكثرهن بركه
2-كم حددتي لج مهرا إن كنتي متزوجه وكم ستحددين في المستقبل لو كنتي فتاه ؟ بعدني فتاة ادعولي بالزوج الصالح ان شاء الله ان شاء الله بيكون 20 الف3-هل تتدخل عائلتج في تحديد المهر؟ وكيف؟ نعم , و هو انه يكون 20 الف فقط
4-هل تريدين زواجا فخما يتحدث عنه الجميع؟ لا طبعا ابي زواج عادي مب فخفخه لأن لو شو سوينا ما يترس عيون الناس غير التراب اهم شيء راحتي و راحت ريلي ^^
5-هل تريدين السفربعد الزواج الى اجمل الدول بغض النظر عن سعرها ام تحاولين السفر الى دول جميله بسعر رخيص؟ احاول السفر الى دول جميلة بسعر رخيص ^^ المبذرين اخوان الشياطين و نحن بنسئل يوم الحساب عن البيزات اللى فرفرناه 6-لو خيرتي بين عرس فخم او رحله سفر تشمل عدة دول لتستمتعين بها انت وريلج فما تختاري؟ بختار رحلة سفر ^^
7-اخيرا هل احصيت يوما من الايام مصاريف العرس؟؟ اكيد يوم اختي كانت بتعرس ^^
و مشكوره اختي على الموضوع النايس ^^

1-هل غلاء المهر دليل على مكانة الانثى؟

* ما ادري أحس مآ يخصه والبعض عند النآس يقول
لآزم مهر اغلى عسب يعرف إن البنت هب رخيصة

2-كم حددتي لج مهرا إن كنتي متزوجه وكم ستحددين في المستقبل لو كنتي فتاه ؟

* بعدي مش معرسه بس المهر بحددهـ 30 ألف أو 25 ألف

3-هل تتدخل عائلتج في تحديد المهر؟ وكيف؟

* شي طبيعي مرآت الأهل يدخلون يعني مثلآ لو البنت حددت مثلآ
يقولون لهآ هآ شوي وما بيسد التجهيزآت أو البعض يقول نقصي
لأنه وآيد ع المعرس ونحن اهلج بنزيدج بس في عوآئل الاهل هم
اللي يحددون مش البنت ..

4-هل تريدين زواجا فخما يتحدث عنه الجميع؟

* ما ابآه فخم وآيد يسد الحسد اللي بيصير ابآ زوآج حلو وبسيط
والمهم بالموضوع اكون مع ريلي ومستآنسة ويجوفني حلوة بعيونه
واجوف اهلي ومعآرفي معآي يفرحون لي ..

5-هل تريدين السفربعد الزواج الى اجمل الدول بغض النظر عن سعرها ام تحاولين السفر الى دول جميله بسعر رخيص؟

* عن السفر أترك هآلشي للمعرس هو اللي يحدد المكآن بكيفة
وع حسب ميزآنيته وما نفترق بالمكآن المهم نستآنس و نكون
مع بعض ..

6-لو خيرتي بين عرس فخم او رحله سفر تشمل عدة دول لتستمتعين بها انت وريلج فما تختاري؟

* أكيد رحلة سفر .. العرس بيكون يوم وآحد والتوتر موجود
أمآ السفر انا مع ريلي وهآلشي احلى بالنسبة لي .

7-اخيرا هل احصيت يوما من الايام مصاريف العرس؟؟

* مرآت أيلس أعد واحسب فلوس العرس ههههه ملقوفة
يعني أحسهآ بحدود الـ 200 لو كآن بسيط ( 30 مهر + 70 زهبة + 70 قآعة + 10 تشمل البطآيق والتوزيعآت والزفآت)ولو غلت الاسعآر اكثر عن جي 300 .. رآك صآلآتهم رخيصة ..

.
.

وتسلمين ع الموضوع الغآوي


1-هل غلاء المهر دليل على مكانة الانثى؟

لا طبعاً

2- كم حددتي لج مهرا إن كنتي متزوجه وكم ستحددين في المستقبل لو كنتي فتاه ؟

المهر حسب قانون الدولة ~ 20 ألف
والزهبه ~ 40 ألف

3-هل تتدخل عائلتج في تحديد المهر؟ وكيف؟

في المهر لا .. لأن ابويه قال بناخذ حسب المعترف عليه واللي هو 20 ألف .. اما
فلوس الزهبه قاله اللي بتعطونه اياه نحن ما بنقول لا .. وانا شفت ان 40 ألف اوكي

4-هل تريدين زواجا فخما يتحدث عنه الجميع؟

اباه يكون شي راقي في حدود المعقول . .

5-هل تريدين السفربعد الزواج الى اجمل الدول بغض النظر عن سعرها ام تحاولين السفر الى دول جميله بسعر رخيص؟

مب شرط اجمل المدن . . لكن يكون مكان حلو وهادئ

6-لو خيرتي بين عرس فخم او رحله سفر تشمل عدة دول لتستمتعين بها انت وريلج فما تختاري؟

اكيد سفر ^___^
وهاللي كنت ابا اسويه . . بس محد من الأهـل رضى

7-اخيرا هل احصيت يوما من الايام مصاريف العرس؟؟

تقريبا المهر + الزهبه + الباقي من ترتيبات العرس = 170 ألف

ومشكوره على الموضوع عزيزتـي

..
….

الله يوفقكن ان شاءالله ..

1-هل غلاء المهر دليل على مكانة الانثى؟

لا ..

2-كم حددتي لج مهرا إن كنتي متزوجه وكم ستحددين في المستقبل لو كنتي فتاه ؟

انا مهر اباه 20…وزهبتي 60

3-هل تتدخل عائلتج في تحديد المهر؟ وكيف؟

هيه للأسف.. اذا انا قلت اباه مبلغ فلاني عادي يبلعوني ><

4-هل تريدين زواجا فخما يتحدث عنه الجميع؟

لا ابا عرس مرتب مب شرط يكوون فخم

5-هل تريدين السفربعد الزواج الى اجمل الدول بغض النظر عن سعرها ام تحاولين السفر الى دول جميله بسعر رخيص؟

احاول اسافر مكان حلو ورخيص
6-لو خيرتي بين عرس فخم او رحله سفر تشمل عدة دول لتستمتعين بها انت وريلج فما تختاري؟

مممممم يمكن اختار عرس فخم لأنه هي ليله وحده في العمر
7-اخيرا هل احصيت يوما من الايام مصاريف العرس؟؟

هيه يمكن ان شاءالله عرسي يكوون 300 الف او اقل وان شاءالله اقل ^_^

أكلااات المفيدة بعد الولادة

:

rad

:
هلاااا بطااات أقصد بنات بما ان حامل بلأشهر الأخير حبيت أدور شو الأكلات الي تفيد عقب الولاده.. للأم علشان تقويهااا وتعوضهاا وتسوي حليب وايد حق النونو,,ولقيت بعض الأشياء:1 لوز وفستق2 التمر 3 وطبعا حلبه 4 عصير البرتقال 5 طحينيه (الرهش) 6 البطيخ 7 شوربة الدجاج..
هذي بعض الأشياء..والي عندهااا أشياء وتعرفهااا لا تبخل علينا..أكيد بفيد واايدين..شو رايكم الي تعرف شي تكتبه..

الينسون زين وبشكل عام الخضراوات والفواكه

واتمنى اتفيدوناااااااا

قالولي الحلبة اتسوي حليب واااايد

للرفـــــــــع

للرفع

ّّآللهم لآتدع لنآ ذنباً إلا غفرتهْ , ولآ همآ إلـآ فرجتَهّّّْ