الوسم: المطلقات

طبعاا هو مكلف انه يعطيها المؤخر و غير الصرف ع بنته و انتي بعد تقدرين اطالبين بـ بيت

و خدامه على ما أظن و سواالف واايده تشرشح الريال و تخليه يعرف ان الزواج مب لعبه

المحكمه تلزمه فيهن

خدامه
وبيت او ممكن بدل بيت
ونفقه ع البنت
واذا انتي فالعده نفقه لج
وسياره

تكرر للاسف السموحه

خايفة يقول شي يفاجئني مع اني الحمدلله الحق كله معاي و انا اتحملته و صبرت كثييير بس هو عنده خبرة لأنه مطلق قبلي أخاف يسوي نفسه مسكين
علما أن نحن ما عندنا عيال
أسئلتي كالآتي :
المطلقات شو المواقف اللي صارتلكم في المحكمة ؟
هل في شي ندمتو انكم ما قلتوه او شي ندمتو انكم قلتوه؟
كيف الجو العام مريح ولا يوتر؟
هل تحسون أن الطلاق سهل ولا الواحد أو الوحدة لازم يكذب و يماطل عشان يخلص نفسه؟
شو الأسئلة اللي طرحوها عليكم؟
كيف الإجراءات كم المدة اللي اطلقتو فيها شهر شهرين سنة سنتين؟

ادري أسئلتي وايد بس ما عندي غيركم و هالشي غامض عندي ما اعرف شو اقول شو اسوي احتاج محامي ولا ولا أعرف شو الإجراءات
ابغی تفاصيل و ابغی استفيد من خبرتكن

يزاكن الله ألف خير

ليش تخلعينه ؟ لو خلعتي لازم تتنازلين عن شي و هو المؤخر
مب تخلعين و انتي مب مستوعبة السالفة لان ربيعتي خلعت و زوجها قال تخلعني مقابل الحضانة
فتأكدي شو المقابل للخلع ؟

و اطالبين بنفقة كاملة و حضانة و مسكن

اختي قصدج التوجيه الاسري والا المحكمة؟؟؟

يعني خلصتوا الجلسات في التوجيه؟؟؟

التوجيه ممنوع يدخلون المحامين
بس لو مافي فايدة وماصار صلح والزوجة مصرة على الطلاق تتحول محكمة وانا افضل توكلين محامي

والحين ماشي خلع القوانين تغيرت
بس تطلقين منه للضرر (اذا تبين التوفيق لا تجذبين)

قال رسول الله صلى الله عليه وسلم: أيما امرأة سألت زوجها طلاقاً من غير بأس فحرام عليها رائحة الجنة.

البأس ممكن الزوج زاني او يغصبها على ارتكاب المعاصي او سكّير او مايصلي او يضربها "ضرب غير تأديبي"

وحطي كل طلباتج في ملف واحد لأنهم بيسألونج شو طلباتج
فإذا طلبتي شي وعقب تذكرتي اشياء ثانية بتكون دعاوي منفصلة وبتتبهدلين
فأحسن لج جمعيهم كلهم مرة وحدة كتبيهم في ورقة وقدميهم

طبعاً في حال ضررج يحق لج الطلاق مع أخذ كامل حقوقج بدون تنازلات

المؤخر

حق المتعة (لأنه دخل بج واستمتع)

نفقة العدة

واذا بينكم اطفال تطلبين زيادة:

نفقة حاضنة

نفقة الاطفال

سكن او بدل سكن، يعطيج كاش وانتي تأجرين، حتى لو بتسكنين بيت اهلج عيالج ابوهم مسؤول عن سكنهم ولازم يدفع أجار سكنهم

يدفع فواتير الماء والكهرباء وخط التلفون الأرضي والإنترنت

رسوم المدارس الخاصة في حال هم من الاساس مسجلين في مدارس خاصة

تكلفة استقدام و راتب خادمة ، تحتاحين خادمة للغسيل والكوي والتنظيف لأنج انتي تتفرغين لتربيتهم و تدريسهم

تكلفة استقدام و راتب سائق

سيارة او بدل نقدي (وانتي تشترين السيارة) اذا سألج السبب قولي محتاجة سائق و سيارة يودي اليهال المدارس والمستشفيات

الله يجدّم لج اللي فيه خير و صلاح

والحياة الزوجية يبالها صبر

واذا مابينكم عيال غالباً يطلقون بسرعة مب مثل اللي عندهم عيال

ونصيحتي

سؤال ؟؟؟؟؟

وردوا بكل صراحه

هل النفقه تكفي عيشتكم وتكفي مصرف العيال ؟؟؟!!!!؟؟؟؟!!!!؟؟؟

اعرف وحده تطلقت لان زوجها كان يضربها ضرب كل يوم والحين تزوجت من واحد ثاني وعندها عيال

اعرف وحده تطلقت بعد سنة بسبب البلاك بيري زوجها ماكان يباها تنشغل على البلاك بيري وهي كانت معانده وتطلقت وهي عروس

اللهم اني اعيذ نفسي وزوجي وابني بكلماتك التامة من كل شيطان وهامة ومن كل عين لامه

اليوم موضوعي يابنات الي دفعني اني اكتبه هو شكاوي اغلب السيدات عن ازواجهن والمطلقات

كثرت الشكاوي في هالقسم وكثرت المشاكل والخيانات والقهر والحالات النفسيه السيئه لدرجة ان بعض الملقوفات ((فديتهن )) صارن يخافن يتزوجن او يشكن بالزوج او الزواج

صاير عند بعض البنات الي بعدهم ما تزوجو مثل نظرة التناقض للحياة وكأن صاير لخبطه عندهم لأن المعروف ان الزواج راحه وسكينه وستر واحترام وتفاهم وغيره وغيره وغيره من الاشياء الجميله الي ذكرت في القرأن والي فهمناها من ديننا الحنيف ولكن الواقع والمشاكل الي نسمعها زادت بشكل مخيف وصاير كأن الحلم الوردي الي نحلمه ونحن بنات شيئ مستحيل

انا الحين حابه اقول ولاز الكل يفهم قولي :

يا معشر النساء افهمو ان الرجل مش كل شي بالحياه ولا هو كل اسباب السعاده والتعاسه لنا

ليش سعادتنا نخليها بأيد الزوج وتعاستنا بأيده
والله الي تنقهر وتحرق نفسها واعصابها وتحس انها بتموت ومخنوقه وكارهه الكل وحابسه عمرها عشان زوجها خانها او تزوج عليها ماعندها سالفه ^_^
صدقوني السعاده بقرب الانسانه من ربها
تبيع الدنيا والي فيها عشان ربها
مافي احلى من السعاده بقرب الله ولا في احلى من احساس الطهاره والنفس المرتاحه بذكر الله

تعالو اعطيم خطوات تساعدكم في تخطي الازمات : ((قبل كل شي موضوعي هذا انا ما اتهجم على الرجل ولا اوصل رساله لكم انكم تعاندون الزوج او تعصون اوامره , بالعكس الريال له احترامه ومكانته ولازم نعمل واجباتنا على اكمل وجه كي نصل لرضا الرحمن))

هذي بعض الخطوات او الحلول لبعض الازمات والمشاكل الي بتصير في اغلب البيوت :
اولا : عزيزاتي لازم تفهمون ان الريال مب كل شي في حياتنا , هناك امور لازم نهتم فيها واول شي مثل ما قلت التقرب من الله سبحانه وتعالى

ووالشي الثاني الي لازم نهتم فيه هو نفسنا ؟ليش بعض او اغلب الحريم يهملن اعمارهن ؟
عمره ما كان الاهتمام بالنفس باللبس للزوج ولا اغراء الزوج ولا وضع المكياج للزوج ..
غلط هالشي
كل وحده لازم تلبس وتكشخ لنفسها ,, ترضي نفسها قبل ما ترضي زوجها
لما الانسانه تستشعر براحه في شكلها وكشختها هالشي بينعكس لمظهرها الخارجي وبيأثر علىالي حوليها

بظرب لكن مثال : انتو اكيد تشوفن ان اغلب الرياييل يركضون ويا حريم مافيهن جمال و اغلبنا يقوا
((واااااااااع شيبي منها لا عندها خشم ولا بوز ولا شي فيها حلو صج ما عنده ذوق))

تعرفون هالنوع من النساء كيف يجذبن الريايل لهن ؟؟ ثقتهن بنفسهم يجذب الرياييل ..
يعني يلبسن ويتكشخن واحيان كشختهن عادي لكن من داخل يشوفن نفسهن حلوات ويقدرن يجذبن منو ماكان
هالشي يأثر على شكلها الخارجي ولما تكون واثقه من خطاها تقدر توصل للي تبيه
طبعا هذا سبب واحد من الاسباب الهائله لهن ..

ثانيا : الي تتشكى وتقول ريلي خاني وريلي عنده صور بنات خرابيط وانا حامل وما يقدرني …………….الخ
ليش تتشكين جي وتحرقين عمرج واعصابج
صحيح هالشي صعب ولكن تقدرين تتجاوزينه

شوفي هالمشهد معاي :
وحده ريلها عنده سوالف وخرابيط وبنات اشكال واولوان وبلبس واوضاع مخجله وغيره وغيره وغيره ………
اهني الحرمه تنقهر وتصيح وتحس بظلم وتشك بريلها وحالتها النفسيه تسوء وتكره كل الي حواليها وتكرهه بالذات وتكره قربها

تهمل نفسها خلاص همها الوحيد ان بتتخبل اذا ريلها استمر على هالشي بتموت كيف ريلها جي يسوي..
الي بتسويه هالسيده انها بتراقب ريلها
بتواجهه
بتصير مشكل ,,يا انه الرجل يعتذر ويبكي وعقب فتره بيرد لسوالفه او بيعاند بيقول بخاطره تولي منو هي عشان تتحكم فيني او توقف بوجه وناستي ؟!!!1
في هالحاله الزوجه بتمرض نفسها وبتعيش بكآبه ما بتحس بضحكات الي حوليها وا بتشارك ي الافراح لأن همها الاول والاخير زوجها وخياناته ..

الحل :
الي تكتشف ان زوجها يخونها شو تسوي ؟ اولا تحاول تهدي نفسها وادري هالشي صعب ,,مافيها شي لو دشت مكان وتمت تصيح على الاقل بالصياح شوي تهدى النفس ..
تقوم تصلي ركعتين لوجه الله وتبكي بالسجود وتشتكي للي رحمته وسعت كل شي

ثاني شي تفكر بالاسباب الي خلت زوجها يخونها ؟
بعض االاسباب هي: احتياج الزوج لشيئ جديد في حياته !!
ثاني سبب : ان المرأه ما عادت تهتم بنفسها وشكلها ومو بس الشكل حتى اسلوبها ما عادت تهتم فيه وياه .. الريال يجي بأسلوب ,, الي يجيب راسه الاسلوب الحلو الغامض والدلوع واسلوب الواثقه من نفسها ..
ثالث سبب: الربع والشباب الي حواليه وتأثيرهم عليه
وطبعا غيره من الاسباب كثيره

ثالث شي : على الزوجه انها ما تحسس زوجها بشي تخلي الامور طبيعيه لكن عليها ان تراقب حركاته وتكون نبيهه عشان تقدر تجمع الادله وبعدييييييييييييييييين على اخر شي تواجهه

………………………………………..
الزوجه في هالمرحله لازم تهتم بنفسها ةتشغل عمرها شوي
تروح للصالون طبعا بعد الاستأذان من الزوج بس ابدن لا تقوله ليش رايحه >>خليها مفاجئه

تصبغ شعرها تقص غرتها نعمل مانييكور وبديكور كأنها وحده توها بتتزوج وتعيش كل لحظات سعادتها لنها بذلك هي بتجدد حياتها مع زوجها ولكن بمراحل ,, وحلو انها تروح ويا ربيعتها او انسانه ترتاح لها ..
ايضا على الزوجه انها تقوم بواجباتها ولكن تكون غاااااااامضه ..
يعني لما بتقدم له الشاي ابتسامه غامضه ولا لما تقعد وياه على التلفزيون تكون هاديه
المهم لازم توصل لمرحله انها تحسس زوجها بتغيرها ولكن لازم يتلحفه الغموض ..
تدرون ليش الغموض مهم ؟!!!!!!
لأن الزوج وطبيعة الرجل يحب الاكتشاف ف لما بتكون الزوجه غامضه هالشي بيشغل زوجها عن كل شي كل شي كل شي بس عشان يكتشف سبب التغير المفاجئ لزوجته وشو وراها وشو مخبيه

على الزوجه ممارسة هواياتها ولا تنسى ضحكاتها ودلعها وغنجها واكيد لازم تونس نفسها ولكن تعطي زوجها حقوقه

الرجل بسبب غموض زوجته بيترك كل شي مث ما قلت وهالشي الي بيشغله ..
ولازم المرأه تفكر بخطه جهنميه عشان ترجع زوجها لها ولكن تلعبها صح ,, اطلبي من زوجج انه يساندج في شي تحبيه
حاولي انج من بعد ما تحسينه انه بدا يكتشف سبب غموضج حاولي تشركينه في اهتماماتج انتي

مش كل ما يدلعج زوجج او يتغزل فيج تتجاوبين له واطيرين من الفرحه وتقولين صدق حبيبي انا جي ؟؟

لما يدلعج اكيد بعد تغيير لوكج واسلوبج ناظريه بكل ثقه ودلع وغموض وقوليله ادري فديتك اني انا حلوه
وروحي عنه

لازم تخلين زوجج يشتاق لج وهو بانشغالج عنه في امورج وخصوصياتج
لما الزوج بيعرف اهتماماتج وهواياتج صدقيني هو بروحه بييج ويطلب منج انه يشاركج بشي تحبينه
انتي عاد لا تردين له خاطر وفي نفس الوقت لا تتحمسين زياده ….

اذا بيوم الزوج سألج اوه هالكشخه عشاني
شوفيه بنظره بريئه وابتسامه حلوه قوليله يمكن عشانك واسأليه شو رايك يعني عشان منو ؟
اذا جاوبج بكلمة مادري او جاوبج بكلمة اكيد تكشخين عشاني
ابتسمي له وروحي عنه ,,,يعني اسكتي عنه وخليه بحيرته >>لازم تشغلين ريلج فيج ……

عموما عزيزاتي لي تكمله ان شاء الله بس انا مشغوله شوي
وباجر او بليل بكمل لكن ان شاء الله ^^

بنات التكمله في الصفحه الثالثه ^_^

واذا بغيتي الصدق ذيلا اللي يشتغلن فالشونه وربي ماينزلن لي من حلجي ابد
الي يقول يدفعن من جيوبهم ترا الا من مال الدوله مب من عندهم ماعليها منهم
خلها تقدم طلب للديوان وترفع شكوى انه الشونه ماسولها شي لين يومها هذا
وتراجع الديوان افضللها وانا عندي لو تقدم على طلب بيت شعبي ولا ارض ولا اي شي من هذا افضللها من مذلة الشونه ومصيرها بعد بتنقطع يوم بتعرس