الوسم: المطلقات

خواتي المطلقات فالعين استفساررررر

السلام عليكم ورحمه الله وبركاته شحالكم خواتي عساكم بخير وصحه ونعمه ربي يوفقكم وايسعدكم دنيا واخره بغيت اسالكم اذا وحده مطلقه تقدر اتمسب امورها بدون خلاصه القيد مثل معاش الشوونه ولاشيا الباقيه او لازم فكل المعاملات الخلاصه لانه خالتي ريلها مب راضي يفصلها للحين وبغيت اعرف يطلع لها بيت او لا ومعها اعيالها الصغار واذا يصير اتقدم على اي شي وين فالعين والسموووحه طولت عليكم بس حبيت اساعدها وساعدوني ربي يحزيكم كل خير

الغالية في البداية مب لازم يفصلها اصلا … هي تروح وتفصل عمرها تودي نسخة من الخلاصة وورقة الطلاق واثبات حالة طلاق ( بصراحة مب متاكدة من الاوراق ) وتفصل عمرها ويعطونها خلاصة قيد جديدة وتنفصل وهو حتى ما يدري ان عندها خلاصة جديدة ..

وعقب ما يكون عندها خلاصة تقدر تقدم على كل شى مساعدة أو شؤون أو بيت .

بس بخصوص البيت اذا كانت تملك نص بيت ترى ما يعطونها حتى لو كانت مطلقة ..

هيه سارت ولكن قالو لها لازم هو يفصلها كيف اما بيت فهي ماعدها لانص ولاربع يااختيه تسلمين ماقصرتي

الله يعينــــــها..

كل المعاملات تطلب خلاصة القيد سوء طلب بيت او شؤونه لانها الخلاصه تثبت طلاقها

اللله يسهل عليها يارب

المطلقات إلي يستلمن شووووونه،،،تعالن،،

السلام عليكم ،،،خواتي بغيت أسألكن عن الشونه،،،أنا يديده فيها،،،اليوم سرت أستلم الحمدلله،،المهم سمعت إنه في الأعياد يعطون عيديه،،،صح؟؟؟بس المبلغ نزل نفس كل شهر يعني مافي درهم زياده،،،،جاوبوني لو سمحتوا ،،،ومشكوووووورات،،،

ماشاءالله عليكن،،،،60مشااااااهده. ولا رد واحد،،،،

لا ماعتقد يعطوا عيديه

انا بيعطوني شؤونه لو قدمت سمعت انه الي أبوها يشتغل ما يعطونها صح ولا

هيه اختي صح يعطون عيديه السنه اللي طافت نزلوا ف حسابي 1200 او 1300مب مذكره .. بس السنه والله ماعرف اذا بيعطونا او لا

يزاهم الله خير شيوخنا مايقصرون

ما عندي فكرة

همسه لكل من الارامل المطلقات العزوبيات ~

بسم الله الرحمن الرحيم…~

هلااااااااااااا وغلااااااااااا ….خشمكن يا الطيبات…. اليوم لنا سهره حلوة مع خواتنا المنفصلات عن ازواجهن….والبنوتات الحلوات الي للحين ما انخطبن….والارامل بشكل عام…~

حبيت نتجمع في هالموضوع ونسولف… وين الطيبات نبي قهوة….~ خلونا نقعد قعده ونهذر….

قبل انخمد واشوخر…لا تصدقون عاد اشوخر اقص عليكم عن اقص نصيبي احين هع هع هع… خلونا نفتح خواطرنا….وقلبونا لبعض…البنات الي ورى قلنا خواطرنا موب حلوجنا بدى التثاؤب ياليلي ليلاه من هالبنات كل وحده حلجها اكبر من الثانيه ولا يبن يعرس….تعقبن على هالحلوج خخخخخخخخخخخخخخخخخخخخخخخخخخخخخخ~~~

لا لا يالله خلونا نبدأ بالجد….وما بطول عليكم….هي معضم الناس تقول عنها كلمة من القلب للقلب…<<< ياليل الي تتفلسف اخلصي زوعي

انا عاد وخروا عني بقول انها همسة من القلب للقلب…<<لله درك يا نيوتن…

:
:
:

ابي اهمس للي انفصلت عن زوجها سواء بسبب مشاكل او غيرها من الامور الحياتيه… (( أعلمي اخيتي…ان الحياه لا تقف امامه موقف…او شخص…ومهما حصل…سترين ان الحياه مازلت تستمر…وتمدك كل يوم بطاقة …فأنتي وحدك من يستطيع اكمال طريق سلكتيه حتى وان تعثرتي فيه…وتألمت…سيمضي الألم….ويشفى الجرح…فثقي بالله تعالى….وابدئي بعهد جديد يتجدد باشراق كل شمس في كل يوم…وارسمي عالم يشملك انتي وحدك مع منهم مقربون الى قلبك…واغلقي هذا العالم ليمتنع من جرحوك في يوم من الايام من التفكير للبحث عنك))

:
:
:
:
وابي اهمس للي تأخر عنها نصيبها او زوجها في هالدنيا …(( ثقي بالله….بأن الحياه وهذه الايام ستمضي…وسترزقين بزوج صالح بإذن الله ….وسترجعين بذاكرتك الى كل يوم هممتي فيه تأخر زواجك….وستبتسمين كثيرا عندما تتذكرين ذلك….وربما يكون لاولادك نصيب في ان يسمعوا منك بعض ما قلقتي من اجله في هذه الحياه…يكفي ان يكون لنا عالم خاص…يرعانا فيه الله….ويسمع شكوانا وبثنا اليه…فلا تهمي الامور الحياتيه اكثر من همك لرضاء الله تعالى…اولا يكفيك فخرا ان الله لربما اجل او اخر زواجك قليلا حتى تعبديه اكثر وتتقربين اليه اكثر…شعور جميل والله حيث لا يكون بثي وحزني وفرحي الا مع الله ))

:
:
:
:
:

وهمسه لخواتي الأرامل…(( لربما يكون الألم اكبر من ان اقول به بعض الكلمات التي لربما تكون لها نوع من انواع الشفاء لهذه الارواح
التي احبت واخلصت وبدون سابق انذار …. ذهبت الى البعيد…ولك ثقي اختاه…بأن لك لقاء مع من احببتيه وقدر الله اخذه…في جنة من جنان الرحمن بإذن الله تعالى…فلا تضعي تلك النقطه التي توقفك وتسبب لك عائقا كبيرا في ان تكملي مسير طريق سلكتيه مع من كان معك ذات يوم وذهب…))

:
:
:
:
:

وهمسة للمتزوجات…(( خواتي الغاليات الرائعات…الله يحفظكم ويسعدكم اسمع صوت يهال يتصايحون…حق شو سهرانات هني.؟؟؟ يالله يالله يا الحلوات عن يقومون رياييلكم وتستوي معركه القادسيه على غفله هني…ما فينا ع المشااكل….بس مو منكن….من اللقاااافه يااا بوي منكن….)))) فددددددددددديتكن والله ترى مزوح السالفه مابي حد تاخذها بمحور الجد….والقلب صافي بإذن الله

:
:
:
:
وبيني وبينكم احين اتثاائب واعرفت انه انا شرااتكم حلجي عود…هع هع هع ~

تصدقون والله من شفت هالفيس حسيت بالجووووع <<<< خيبه تخيبك من وين اييب انا اكل هالحزة؟؟؟
:
:
:
:
المهم يا الغاليات استودعكم الله الذي لا تضيع وداااائعه….واهم شي الاخلاق وحب الوطن….~
خل ننخمد حق نقوم نصلي الفير قبل يتكسر باب حجرتي من بابا الطيب….ههههههههههههههه اكيد الي تعيش نفس حالتي فهمتني هع هع هع
:
:
:
ولنا عوده ان شاء الله بموضوع اخر…~

كلامج موزرن وفي محله، وهالشي عن تجربة، الحياة ماتتوقف على حد، وإذا الوحدة منا ماسعت لنفسها محد بيفتكر فيها حتى أقرب الناس لها، صدقوني ف هالدنيا كل الناس اللهم نفسي إلا ما ندر، والوحدة منا لازم تواجه صعوبات الحياة علشان تقدر تعش بسلام داخلي مع نفسها تكون راضية ومستقرة وتقدر تسعد نفسها بنفسها علشان تقدر تساعد نفسها وتساعد غيرها، وماتنتظر من حد أي شي، لازم تتحرك وتنمي من نفسها سواء بدارسة أو شغل أو دورات، تتعلم كل شي ماتعرفه، لأن أكيد بيمر عليها وقت بتحتاج هالمعرفةوهالخبرة.
السموحة ع الإطاله
مشكوووورة ويزاج الله خير حبيبتي روزليندع الطرح المميز

مشكورة الغلا كلامج صحيح

ويا بنات خلونا نكثر من الاستغفار والدعاء

والله كريم يفرجها ان شاء الله على الكل

تسلمين ع الموضوع الرائع

جزاج الله خير ومشكورة على هذا الموضوع المميز.

شـكــ وبارك الله فيك ـــرا لك

ربي يجزيك كل الخير دنيا و اخره

قروب المطلقات ج1

صباحوووووووووو

شخباركم ؟؟

كل ما ادخل هالقسم ايني احباط و سلبية ..

اليوم الصبح يلست مع عمري امخمخ ، و جان بنات أفكاري يعطوني فكرة حلوة ، بخصوص قروب المطلقات ..

فكرة هالقروب ان نشجع بعضنا البعض من ناحية التفكير بالماضي و الحسرة ..

لازم نحط اهداف لازم نحققها ..

اول شي انا حابة ابتدئ ..

أنا كنت متزوجة سنة و نص و الحمد لله ما في عيال ..

عندي هدف أني أخسر ٤٠ كيلو ان شا الله من وزني ..

أبا اتوظف ..

حاليا أخذ دورات xxx

و بث ..

افا وينكم ؟

المشاركة الأصلية كتبت بواسطة Ch3nel
اول شي انا حابة ابتدئ ..

أنا كنت متزوجة سنة و نص و الحمد لله ما في عيال ..

عندي هدف أني أخسر ٤٠ كيلو ان شا الله من وزني ..

أبا اتوظف ..

حاليا أخذ دورات xxxx

و بث ..

ياسلام خاطري آخذ دورات xxx كيف خذتي الدورات

انا اطلقت من شهرين وعمري 20 واحاول انسى واركز على اهتماماتي بدراستي من الهم ياني انذارين وحاليا شاده حيلي وايد ولازم اركز بالمضمون واتمسك به
ابي ارفع راس اهلي شجعوني

وحمستيني بالقروب صراحة

والله يسر امورنا انشاءالله

المشاركة الأصلية كتبت بواسطة مويز
ياسلام خاطري آخذ دورات xxx كيف خذتي الدورات

عن طريج موقعها دخلي و بتشوفين كل المعلومات ..

المشاركة الأصلية كتبت بواسطة mini_bunny
انا اطلقت من شهرين وعمري 20 واحاول انسى واركز على اهتماماتي بدراستي من الهم ياني انذارين وحاليا شاده حيلي وايد ولازم اركز بالمضمون واتمسك به
ابي ارفع راس اهلي شجعوني

وحمستيني بالقروب صراحة

والله يسر امورنا انشاءالله

حبيبتي لازم نوقف عريولنا من اول و يديد..

الحياة ما توقف عندهم ..

صح بالبداية صعب بس كل شي مع التعود و الايام تنسي ..

الله يوفقنا بحياتنا اليديدة ..

المطلقات و المحكمة

السلام عليكم ورحمة الله وبركاته
خواتي انا عندي اول جلسة في المحكمة مع ريلي لاني طالبة الطلاق ربي يعوضني خير ان شاءالله
وايد خايفة و متوترة خايفة ما أخذ حقي و ما اقدر أتكلم خاصة اني انا من النوع الخواف

خايفة يقول شي يفاجئني مع اني الحمدلله الحق كله معاي و انا اتحملته و صبرت كثييير بس هو عنده خبرة لأنه مطلق قبلي أخاف يسوي نفسه مسكين
علما أن نحن ما عندنا عيال
أسئلتي كالآتي :
المطلقات شو المواقف اللي صارتلكم في المحكمة ؟
هل في شي ندمتو انكم ما قلتوه او شي ندمتو انكم قلتوه؟
كيف الجو العام مريح ولا يوتر؟
هل تحسون أن الطلاق سهل ولا الواحد أو الوحدة لازم يكذب و يماطل عشان يخلص نفسه؟
شو الأسئلة اللي طرحوها عليكم؟
كيف الإجراءات كم المدة اللي اطلقتو فيها شهر شهرين سنة سنتين؟

ادري أسئلتي وايد بس ما عندي غيركم و هالشي غامض عندي ما اعرف شو اقول شو اسوي احتاج محامي ولا ولا أعرف شو الإجراءات
ابغی تفاصيل و ابغی استفيد من خبرتكن

يزاكن الله ألف خير

ربي يهدي النفوس عزيزتي
ان شاء الله تلاقين الجواب من الاخوات

خلج قوية و هادية ولا تخافين
دامج بتتطلقين الحضانة عندج ان شاء الله

ليش تخلعينه ؟ لو خلعتي لازم تتنازلين عن شي و هو المؤخر
مب تخلعين و انتي مب مستوعبة السالفة لان ربيعتي خلعت و زوجها قال تخلعني مقابل الحضانة
فتأكدي شو المقابل للخلع ؟

و اطالبين بنفقة كاملة و حضانة و مسكن

انا اللي اعرفه في وحدة سارت المحكمة تقول لي:
ريلي مجهز ورقة كاملة يشرح فيه سوالف بايخة و يبغي حاضنة وما ادري شو
فجهزي نفسج لكل شي اخاف انج داشة ع ويهج ولا مجهزة شي وما تدرين شو السالفة

حبيبتي ليش ما تخليه هو يطلق جيه بتكونين انتي خلعتيه 
عادي يطالب بالذهب والخساير اللي حطها في العرس لانه انتي اللي تبين الطلاق مب هو حاولي تحلين المشكلة وتدخلين احد من اهلج يا امساك بمعروف او تسريح باحسان

وعليكم السلام والرحمة

اختي قصدج التوجيه الاسري والا المحكمة؟؟؟

يعني خلصتوا الجلسات في التوجيه؟؟؟

التوجيه ممنوع يدخلون المحامين
بس لو مافي فايدة وماصار صلح والزوجة مصرة على الطلاق تتحول محكمة وانا افضل توكلين محامي

والحين ماشي خلع القوانين تغيرت
بس تطلقين منه للضرر (اذا تبين التوفيق لا تجذبين)

قال رسول الله صلى الله عليه وسلم: أيما امرأة سألت زوجها طلاقاً من غير بأس فحرام عليها رائحة الجنة.

البأس ممكن الزوج زاني او يغصبها على ارتكاب المعاصي او سكّير او مايصلي او يضربها "ضرب غير تأديبي"

وحطي كل طلباتج في ملف واحد لأنهم بيسألونج شو طلباتج
فإذا طلبتي شي وعقب تذكرتي اشياء ثانية بتكون دعاوي منفصلة وبتتبهدلين
فأحسن لج جمعيهم كلهم مرة وحدة كتبيهم في ورقة وقدميهم

طبعاً في حال ضررج يحق لج الطلاق مع أخذ كامل حقوقج بدون تنازلات

المؤخر

حق المتعة (لأنه دخل بج واستمتع)

نفقة العدة

واذا بينكم اطفال تطلبين زيادة:

نفقة حاضنة

نفقة الاطفال

سكن او بدل سكن، يعطيج كاش وانتي تأجرين، حتى لو بتسكنين بيت اهلج عيالج ابوهم مسؤول عن سكنهم ولازم يدفع أجار سكنهم

يدفع فواتير الماء والكهرباء وخط التلفون الأرضي والإنترنت

رسوم المدارس الخاصة في حال هم من الاساس مسجلين في مدارس خاصة

تكلفة استقدام و راتب خادمة ، تحتاحين خادمة للغسيل والكوي والتنظيف لأنج انتي تتفرغين لتربيتهم و تدريسهم

تكلفة استقدام و راتب سائق

سيارة او بدل نقدي (وانتي تشترين السيارة) اذا سألج السبب قولي محتاجة سائق و سيارة يودي اليهال المدارس والمستشفيات

الله يجدّم لج اللي فيه خير و صلاح

والحياة الزوجية يبالها صبر

واذا مابينكم عيال غالباً يطلقون بسرعة مب مثل اللي عندهم عيال

ونصيحتي

صلي استخارة قبل ماتروحين واقري المعوذات و سورة البقرة

المشاركة الأصلية كتبت بواسطة Cobon
خلج قوية و هادية ولا تخافين
دامج بتتطلقين الحضانة عندج ان شاء الله

ليش تخلعينه ؟ لو خلعتي لازم تتنازلين عن شي و هو المؤخر
مب تخلعين و انتي مب مستوعبة السالفة لان ربيعتي خلعت و زوجها قال تخلعني مقابل الحضانة
فتأكدي شو المقابل للخلع ؟

و اطالبين بنفقة كاملة و حضانة و مسكن

انا اللي اعرفه في وحدة سارت المحكمة تقول لي:
ريلي مجهز ورقة كاملة يشرح فيه سوالف بايخة و يبغي حاضنة وما ادري شو
فجهزي نفسج لكل شي اخاف انج داشة ع ويهج ولا مجهزة شي وما تدرين شو السالفة

انا ما بخلعه انا طالبة الطلاق
و ما عندي منه عيال اصلا
و فعلا انا داشة علی ويهي ولا عارفة شو هو بيسوي
الله المستعان

لازم محامي
اذا انتي من النوع المتردد الي يخاف يتكلم جدام الريايل

حل حق الارامل والمطلقات كل وحده تفكر بعمرها ليش لا

اللهم إرزق جميع بنات ونساء المسلمين أزواجا وأبنائا بارين صالحين
"اللهم آآآآآآآآآآآآآآآآآآآآمين"

الله يوفق الجميع انشالله

:rad عزيزتي أشـــواق بدو ..
أنا معاج بالراي . لكن للأسف وأقول للأسف لأن هذي التجربة مرت فيها وحدة من الأقارب وزوجها توفى الله يرحمه وهي تزوجت بعد وفاته بكذا سنه والمشكله انه أي شئ غلط أو سوء خلق ايصير من عيالها , أكييييييييييد أهل الزوج يرجعوا السبب لزواج الأم . على الرغم أن أطباع الأبناء هي نفسها قبل وفاة والدهم ولكن كانت لهم أعذار لما والدهم موجود مثل ( تعب أبوهم من ينصحهم، أبوهم ما مقصر عليهم لكن هم شذيه ، يهال بيكبروا وبتعلموا….الخ )
لكن بعد زواج الأم اتغيرت الرمسه مثل ( امهم خلتهم مع العلم انها كانت عايشه معاهم وأهل الزوج المتوفي طفروها ، ما صبرت على عيالها ، وكلام واااااايد ايعور القلب وما زاال )

المشاركة الأصلية كتبت بواسطة I don’t no
اللهم إرزق جميع بنات ونساء المسلمين أزواجا وأبنائا بارين صالحين
"اللهم آآآآآآآآآآآآآآآآآآآآمين"

انا اعرف وحده تزوجت صغيره واتوفى زوجها وهي حامل

والحين بنتها بتتزوج…شو استفادت؟؟؟

في بنات ينصدمن في الزواج وشخصية الزوج (خاصه اذا حبته)في حالة الطلاق فاتفضل انها تغلق على نفسها وترفض هالباب وتشغل عمرها بامور ثانيه كالدراسه والشغل

والارمله موقفها اصعب خاصه في حالة وجود اطفال..لانها تحس بمسؤوليتهم اكثر

عالاقل المطلقه اتقول ابوهم موجود ويشل مسؤوليتهم

مادري هاللي طلع معاي من اللي شفته من تجارب صديقاتي
وبالنسبة للاسئلة:
السؤال الأول : رد الخطّاب الأكفّاء ومقاطعة الزواج وقرار العيش للأبناء هل هو قرار صائب ؟؟؟
بالعكس خاطئ الزمان مايوقف ولاحد بيتملها حتى عيالها..

السؤال الثاني : قرار تأخير الزواج برد الخطّاب إلى أن يكبر الأبناء هل تضمن تكرّر فرص خطبتها مستقبلاً وهل تضمن قدوم خطّاب أكفاء مثلهم – كتقديرمن عندها طبعاً بِناء على سنها وحسب حال بيئتها لأن العلم عند الله سبحانه – ؟؟؟
الابناء سيكبرون ان قدمت او اخرت..لكن الخطيب الكفؤ مابتضمنه كل مرة يتقدم

السؤال الثالث : متى السن الذي تحدده المرأة إن أبنائها هم ليسوا بحاجه كبيره لها وأنه قد آن لها الزواج ؟؟؟

مافي سن مايحتاجونها فيه بس زواجها مابيمنعها عنهم ومتابعتهم

حركات بعض المطلقات اللي صدق اتنرفز

السلام عليكم

خواتي انا بصراحه لاحظت في بعض المطلقات الله يهديهن يحرمون الاب من شوفة العيال ويحاولن ينقلون للأطفال افكار ومعلومات غير صحيحه عن الأب لتشويه صورته جدام عياله – ليش الاب مب انسان ما يبا يشوف عياله وفي هالحالة تي الحرمه وتنتقم بتحريم شوفة العيال.

صح القانون يسمح ان الاب يشوف عياله في اسبوع مره – بس بعد حرااااام يمكن العيال يكونون متولهين على ابوهم او العكس شو المشكله لة اتساهلت الام بدل ما اتصعب الامور.

وفي مطلقات فيهن خير متساهلات ولا يدمجن مسألة الانفصال بمسألة العيال وتحترم شعور اطفالها لو يبون يشوفون الاب او أهله (يدتهم – يدهم .. الخ)

ادري يمكن الموضوع مب جديد بس حسيت لازم افضفض حرتي

في انتظار تعليقاتكم

حبوبه يعتمد على عقليه الحرمه اولا اخيرا لانه اللحين محد يمنع العيال من شوفــة ابوهم في حاله الانفصال عاادي جدا ….

يعتمد على حسب اديش الحرمة زوجها معذبها مشان شي تنتقم منه

اللهم ان في تدبيرك مايغني عن الحيل , وفي كرمك ماهم فوق الأمل
وفي حلمك مايسد الخلل ,وفي عفوك مايمحو الزلل
اللهم فبقوة تدبيرك وعظيم عفوك وسعة حلمك وفيض كرمك
اسألك ان تديرني بأحسن التدابير وتلطف بي وتنجيني مما يخيفني
ويهمني
اللهم لا أضام وانت حسبي ولا أفتقر وأنت ربي ,
فأصلح لي شأني كله ولا تكلني الى نفسي
طرفة عين ولا حول ولاقوة الابك
اللهم صل وسلم وبارك على سيدنا محمد وعلى اله وصحبه

الغلا صح البعض يسوون جيه
لغرض انها تنتقم من ريلها خص لو كان معذبنها او شي ثاني

و في بعض الحريم يحرمون اليهال من ابوهم تحميهم منه
خص لو كان مثلا سكير و مدمن ولا زير او ممكن تكون فيه حالات نفسيه صعبه
فهالحاله انا ويا الام مليون فالاميه الصراحه

ما نقدر نقرر و نفكر ليش يسوون جيه
بس الفئه لي انا ما اتعاطف وياها
هي الحرمه لي تطلقت بسبب اغلاطها وعنادها و اسلوبها و فوق هذا
تحرض العيال على ريلها و تشوه سمعته لو هو ريال زين والنعم فيه بس لانه طلقها هاي فعلا مذنبه و اليهال ضحية

ان شاء الله حد يفيدج حبوبة
للرفع

أنا أعرف وحده تمنع ريلها يشوف عياله لأن الصراحه أهله مب ناس وحوش يضربون عيالها والأبو مب مهتم ويخلون اليهال يطلعون برع ويضربونهم الخدامات كل هذا ف يوم ليش نلوم الحريم إذا يخافون ع عيالهم

بس ما أعمم شيء بعضهم زينين بس الأشيا اللي صارت بين المطلق و طليقته تجبرهم يتصرفون بأنانيه

فيه مصروف حق المطلقات من الشؤون الإجتماعية و لا لأ ؟

فيه مصروف حق المطلقات من الشؤون الإجتماعية و لا لأ ؟و إذا فيه كم ؟ هي مواطنة و هو مواطن بس طلقها

هيه حبيبتي فيه وبالنسبه للمبلغ ما أعرف بالضبط بس عندنا وحده من قرايبنا عندها ولد وتستلم 7000 درهم ويعطونج ميرة رمضان والله يوفقج

انا ربيعتي ما عندها عيال يعني بيكون أقل

إللي اعرفه 4000

اذا كنت من اهل أبوظبي والعين والغربية بيكون على حسب العمر وشو تمتلكين من الدولة يعني عندج ارض او بيت او موظفة واذا عندج عيال او لا وبعديييييييين يخبرونها اذا تستحق او لا وكلما زاد عمرها فوق الثلاثين زادت شوونتها حبيبتي لا ٧٠٠٠ ولا ٤٠٠٠ درهم على حسب الشروط فديتج لاني أنا قدمت وما عطوني ليش لان ابوي عنده فيلا استثمارية من الدولة فرفضوا طلبي لانه هو اللي يصرف علي ابوي وهذي ربيعتج منو حاليا يصرف عليها وتطلع الشوونه بعد ستة اشهر اذا كانت تستحق والله يوفقها.

هي من العين و عمرها 22 و ما أدري إذا أبوها يصرف عليها و لا لأ لأنه مطلق أمها بعد و أمها متزوجة ريل ثاني

وشو تمتلكين من الدولة يعني عندج ارض او بيت او موظفة واذا عندج عيال او لا وبعديييييييين يخبرونها اذا تستحق

بسأل أبوها إذا عنده أرض و لا شي لأنه هو متزوج و ما يصرف عليهم أوكي لأنه يصرف على أسرته اليديدة مب موظفة و لا عندها عيال مثل ما قلت و هي حاليا تدرس

الله ييسر أمورها

خواتي المطلقات

السلام عليكم

خواتي المطلقات

ابيكم تخبروني كيف حياتكم بعد الطلاق وليش تطلقتوا

الصراحه انا ريلي ياهل ومن عرفته وهو يسويلي مشاكل وما مخلي سر بينا ووصلت لمد الايد بعد وما حفظ لي كرامتي وجذاااب ويهيني جدام اهله مااقدر ارد له والحين انا مصره عالطلاق لانه يرمس في اخلاقي مب كأني حرمته هو طيب صح ومصلي

بس مب قد مسؤولية العرس انا تعبت وايد تعبت وصبرت وايد

لاني أكثر من مره سامحته ويرد اسوأ من قبل

ابي اعرف كيف حياتج مع اهلج وكيف حياتج جدام الناس كيف واجهتي كلام الناس
احس بتعب مب طبيعي انا واثقه انه الطلاق انسب حل مع واحد ماعنده احساس وضمير

شوفي فديتج انا مطلقه ونفس الشي استوا لي ريلي فعلا اسلوبه ياهل ودلووع امه وكل شي بس ما مد يده علي يعرف شو بيستوي له<<< اوني عاد خخخخ والحمدالله ع كل حال والله حياتي عاديه صح نا استويت حساسه واتحسس هالشي طبيعي ومع الايام عادي صح احسهاا كلمه صعبه وثقيله بس شو اسوي هب ع كيفي اختي ها قسمه ونصيب من رب العالمين والحمدالله ع كل حال والله يعوض

زين مافكرتي تعقلينه؟
انا المشكله كنت ياهل وما اعرف شي يعني ساعات اقول ليش جيه بس اتم استغفر ربي بس ها قسمه ونصيب ولو تميمت اسمع ما بعيش وليش جيه النسا ف الحالتين ما تسكت بس اضعف واتشجع

والحمدالله ع كل حال وربي يعوضنا بكل خيير ياارب
حاولي وياه يمكن يكون اوكي

الله يهديه

حبيبتي انا حاولت وايد

وقمت اهدده بالطلاق للعلم هو كان يهددني بالطلاق قبل

تخيلي ايي يراضيني ونفس اليوم يسوي شي غلط ويراضيني بغش مو بصدق نيه

وايد حاولت ودخلت اهلي بس ماشي فايده

من كثر جذبه مافي ثقه بينا احسه حطمني استويت عصبيه شوي بوصل للجنون عشان جي ابي اطلق

استغفر الله العظيم

يـــاربــي ليييش زاااادت حالات الطلااااق

رياييل هالزمن كلهم ما قد المسؤولية

اختيه حاولــي تصلحي اللي بينكم واخر شي تفكرين فيه هوو الطلاق

دام الريال مصلي ذكرينه بدينه وحاولي تعطيه نصايح دينية

لا حول ولا قوة الا بالله

لا تتسرعين وتطلقين منه .. عقب بتندمين يوم بتطلقين لان الطلاق شي مب عادي !!

لو مافاد وياه شي دخلي اهلج .. وين اهلج ؟؟ الله يهديه بس .. مادري شو استوا بالشباب يتحرون الزواج وبنات الناس لعبه بأيدهم .. ياخي يوم انت مب قد الزواج والمسؤوليه لا تعرس وتعذب البنت وياك ..

أنا تطلقت..كنت مالجه بس مب معرسه..

ريلي ظلمني..هو اللي طلقني مع اني مافيا شي والحمدلله (مليوووووون واحد يتمناني وبشهادة الكل وانا واثقة من عمري فيا المواصفات اللي كل ريال يتمناها )

لكن هو اتعذر لنا بأسخف الاسباب ( المشاكل اللي تستوي من بينا ) يقصد الزعل والعناد الخفيف وهالخرابيط..!!
اتوقع لو كل ريال بيسوي هالاشيا مشاكل وبيطلق عشانها جان كل الناس تطلقو..
حتى ما حاول يتفاهم ويايه بس طرش لي مسج.. ما افاهم ويايه ولا ناقشي ولا شي..حطاني جدام الأمر الواقع..!
حسبي الله ونعم الوكيل عليه…

شكله الريال ما يبا يكمل ويصدع راسه بالعرس قال دام بعدنا ماعرسنا خل اطلقها وارتاح واعيش حياتي..

لكن هو نسى ان الله فوق وان الدنيا دواره,,,,
كما تدين تدان…

ونفس الشهر اللي تطلقت فيه يوني 2 بس علطول رفضت لن نفسيتي ما تسمح
ووايديييين يوني ..انا كملت سنه من تطلقت… وايوني وايدين بس انا ما أوافق ع حد..

فالبدايه كانت نفسيتي تعبااااانه عالآخر وكله اصيح وعايشه بهم… بس الحمدلله لني كنت متقربه من ربي وكنت مداومه عالقرآن وقيام الليل والدعاء والاستغفار والحمدلله نفسيتي وايد تحسنت..

صدق صدق القرآن وايد غير نفسيتي 180 درجه والله ما أبالغ من بعد ما كانت نفسيتي ززززفته وقمت وايد أقرا قرآن الحمدلله واااايد ارتحت (كلام الله راحه للقلوب )

(ألا بذكر الله تطمئن القلوب )

والحمدلله عايشه حياتي ومستانسه واهلي حولي واربيعاتي وكل الناس تحبني

وانا امشي وأنا واثقه من عمري.. يمكن فالبدايه حسيت هالشي صعب شوي (يعني بس كلمة طلاق هاي روحها كبيره ) بس تفرق عن وحده مذنبه وهي اللي تستاهل الطلاق عن وحده ماعليها كلام والكل يتمناها بس ريلها اللي مب ريال ومب كفو ياخذها عسب جيه لازم تطلق منه..

اللي مب مسويه شي ومالها ذهب بالعكس الناس تحتقر الريال اللي طلقها لنه حرام يطلق وحده جوهره ومليون واحد يتمناها..

وخصوصا يوم حد يطريلج يقولون لج انتي مليون واحد يتمناج وهذا ما يستاهل ..يستاهل واحد يعرف جيمتج ويقدرج ويحبج ويحطج فعيونه…

أغلب الرياييل فهالزمن ما منهم أمان..لعابين ومب مال زواج ويظلمون بنات الناس معاهم…

ما بنقول غير حسبي الله ونعم الوكيل….

ولا تحاتين حبوبه وارتاحي وتطمني والله بيعوضج ان شا ءالله…

بس انتي قبل كل شي لاااااازم تصلين استخاره..وشوفي ربج شو يختار لج…

والله ما بيكتب لج إلا اللي فيه خير وراحه لج …

وتوكلي ع ربج ..ودايما قولي (توكلت على الحي الذي لا يموت )

وفوضي أمرج لله وقولي دايما ( وأفوض أمري إلى الله إن الله بصير بالعباد )

ووكلي كل أمرج كله لله تعالى…. ( من توكل على الله فلا يُخاب ) (من توكل على الله فهو حسبه )

والله كرييييييييم وكبيييييييير ورحييييييييم..

الله يوفقج حبيبتي..

عندي كمن استفسار خواتي المطلقات

السلام عليكم ورحمه الله وبركاته
خواتي بغيت اعرف ادا الحرمه اطلقت وعدها عيال 7سنوات فوق شو الحل فالبيت تفرض المحمكه على الابو يوفر لهم بيت
ومصروف
بعد اباسال يقدر الريال ايب الورقه من المحكمه من غير لااتسير الحرمه
ولا لازم الحرمه اتسير عساس يتفقو بيت حق العيال والمصروف والحضانه
ويزاكن الله خير

ما عندي فكره …
للرفع

انصحج تسالين محامي بهال الخصوص

والله اللي اسمعه من المطلقات وسوالف النفقه و البييت يشييب الراس بصرااحه >> عحسب الريال لو بغى يلعوزها

لأازم يوفر لهم بيت خصوصا أنه عندها عيال منه
ومايصير يطلق حرمته بدون علمها أو ماتدري ولو صار بطريقة دبرها الزوج مثلا … تقدر تراجع المحكمه وتطالب بحقوقها

للرفع

همه اطلقو وهيه اتعرف بطلاقها وقال بيب لها الورقه ومصروف مب راضي يعطيهم اكثر عن 2024 درهم وهمه ثلاثه مااتكفيهم لكن قلنا فالمحكمه بتاخ حق عيالها لكن الي ابااعرفه عادي ايب الورقه بروحه من غير مااتسير هيه المحكمه يعني عسب يفرضو عليه يسوي لهم البيت والمصروف
ومشكورات الغاليات

مستشار احوال شخصيه موجود في المحكمه