السلام عليكم ورحمة الله وبركاته
طبعا مثل ماتعرفون رمضان ع الأبواب و الواحد وده يتفرغ للعبادة بهالشهر الفضيل ف نحب نجهز امورنا قبل رمضان او خلال رمضان بس بطريقة ذكية ..
يعني :
♡ الي تحب تجهز السمبوسة من الحين اخبرنا طريقتها المميزة وشو من عجينات تستعمل ؟
♡ الي تجهز مثلا خبز رقاق / أو خبز محمث للفتوش .. ترا صج أنا مادري و ابغي احصل من خبراتكم الطيبة ؟؟؟
♡ مثلا خلال رمضان هل ممكن إنا مثلا لو بغيت أسوي فطور لباجر كمثال أجهز البصل و الثوم و الطماطة المتقطعة من فليل و أحفظها بأكياس حفظ الطعام في الثلاجة ؟ شو رايكم ؟؟
♡ هل ممكن أغسل الدياي أو اللحم و أنظفه من فليل و أحفظه بالثلاجة حق طبيخ باجر ؟
♡ أنتي شو من تجهيزات تسوين ببيتج ؟!
♡ عطونا أفكار لحلويات لو صورة فيها اختصار للحلو سهل وسريع؟؟!
♡ أبغي أتعلم شوربات يديدة ..
♡ شاركونا سيداتي السنعآت !
الي عايتلها صغيرة تخبرنا كيف تدبرفطورهم وكيف تجهز له ..
ويا مرحبااااااااا بكل / سيدة / أنثى / ربة بيت / عاملة ♡
أتحفونا . .
وينكم بنات ؟!
مشكلة المنتديات ماصار فيها اقبال بالمشاركات نفس قبل . .
البلاك و الواتس و التويتر وغيره سرقو وقتنا وسرقونا . .
الله يهدينا ويصلحنا ويكتب لنا الخير يارب . .
=)
فوووووق
هو في حريم يبدعوووون ماشاء الله في تفريز وااايد اشياء
بس انا احب كل شي فرش .. نفس الوقت اسويه
توا الناس
اللهّم إغننا برحمتك عن رحمة من سواك ،
وبحلالـــــك عـــــن حرامـــــك ،
وبطاعتك عن معصيتك ، وبفضلك عمن سواك ،
اللهّم لا تكلنا إلى أنفسنا طرفة عين ،
اللهّـــم آميـــن .
ينقل للقسم المناسب
المشاركة الأصلية كتبت بواسطة نصابو 
