الوسم: المدرس

كيف الحال؟

مااعرف وين اعرض المشكله ومااعرف اذا لها حل

عندي مشكلة اخت ربيعتي

هي الحين في الصف الثاني الثانوي ومب شاطره واااااايد بالفيزياء بس ببقية المواد طيبه يعني بالثمانيات والتسعين وجي

وهي بمدرسه خاصة ويدرسهم مدرس

المشكله ان المدرس دوووووووووم يفشل البنت بين البنات

يعني مثلا في الامتحان يقول لها

انتي حاليتي المسالة ولا غشيتيها

انتي شو فاطره الصبح بلاليط !!!!!!!

يوم ماتعرف تحل المسالة

واذا حلت المسالة يقول لها حلك طويل وجي وتلفي وتدورين

هي متفشله وااااايد وماتحب الماده

وماتقدر على الدروس الخصوصية

واهلها مب متابعين وااااايد ومرة خبرت امها وكان امها كلمته بس هو هو ماتغير!

اعرف ان في ناس اسلوبهم مستفز

بس هي مب فاهمه منه ولا فاهمه من نفسها زين شو تسوي؟!

واستفزازه مخلي البنات يضحكون عليها

شو الحل؟

على فكرة مرة هربت من الحصه اتخبت وحليلها في الحمام!

يعني شو خانة المدرس – /ة في المدرسة هو يشرح للكل

والمفروض تكون في متابعة من البيت

شو بنستفيد من هالدروس اذا عيالنا خذوا دروس في قلة الحيا وضياع الشرف

ياما وياما سمعنا قصص عن بلاوي المدرسين الخصوصيين

لكن من يسمع

تلقين بعض المدرسين اييبون لعيالهم مدرسين عسب يعلمونهم

عنهم ما تعلموا

يعني ينشون من الصبح حال باقي الطلاب ويحضرون 7 حصص

بعد شو هالغباء والله هذا دلع ع الفاضي

واذا ما في حد يعلم العيال ويذاكر لهم ولالالازم مدرس الافضل معلمة واذا ماشي – وهذا مستحيل لانهم وايدات –

المفروض الام او الابو يقعدون مع عيالهم ويشوفون طريقة تدريس المعلم

نصيحة

حتى مطوع ويحفظ القران لاتخلونه مع بناتكم

النفس امارة بالسوء

اخواتي انا بنتي تدرس في مدرسة خاصة في بوظبي في الصف السابع ..
و بنتي اشوي مرتاحه شوي مربربه فالموضوع بدا من سنه انا اشوف بنتي ما تبي اتروح المدرسه و دائما تطلع اعذار و عسب اتغيب ..
المهم و بدا مستواها التعليمي ينقص مع انها كانت من الأوائل في صفها و دائما تروح الاولى في الصف من حيث الحضور ..
و للاسف رسبت و عادت الصف السابع بدون ما اعرف اي سبب و كنت اكلمها انا و ابوها لكن ما ترد و تعصب لما اسئلها ..

المهم قبل شهر صارحت ابوها انه في مدرس مادة معينه كان دائما يقولها سبه ( باسم حيوان ) و البنات مسكوها عليها و يلاحقوها في الصف و برع الصف و يقولون لها الكلمه و للعلم المدرس كان يدري و يضحك احيانا بدال ما يسكت البنات ..

فزوجي قال لبنتي عندك شهود قالت هيه عندي صديقاتي و اثنين شهدوا انه الموضوع صج صار ..

راح يشتكي زوجي لمدير المدرسة .. و انصدم ان المدير يقوله شو انا اقدر اسويلك بنتك انت وايد اتغيب و بدا بالهجوم عليه .. فرد زوجي و قاله السبب كذا و كذا .. قاله المدير حتى لو الكلام صحيح ما اقدر اسويله شىء ايش فيها هالكلمه .. فقاله زوجي المدرس دوره تربوي مب اهانة للطلاب و يسبب تعقيد للطلاب .. و طالب زوجي بان المدرس مثل ما سب البنت قدام البنات يعتذر لها ..

فرفض المدير و قال لزوجي انا ما بسويله شىء فزوجي قال انا بوصل الموضوع لفوق..
المهم نادا المدير الشاهدتين الي يعرفوا بنتي .. و قالهم ليش بتشهدون على المدرس لان لو شهدتوا راح نفصله و بتحطون هذا الشىء في ذمتكم .. فالبنات قالوا لبنتي هالكلام انه المدير يقول انه حرام نشتكي عليه و ايش يخصنا في الموضوع .. شوفوا الحقاره لوين وصلت من المدير ..

فزوجي يفكر يشتكي للمنطقة التعليميه .. و انا ابي شوركم يا اخواتي لانكم دائما تعطوني الشور الزين ..

احسن اشتكوا عليه عشان يكون عبره لغيره