نصيحة ؟؟ اتبعي طريقتي .. الحمد لله مستواي عالي بالمدرسة و يمكن الموضوع يساعدك .. و أي سؤال أنا هنا
أول شي في المدرسة .. لازم يكون معك دفتر notes أهم من كل الكتب و الدفاتر الثانية
بعد كل كلاس اكتبي في الدفتر اسم المادة و اليوم و التاريخ و من وين لوين درستو و لو في أي ملاحظات عن واجبات أو امتحانات سجليها
و صراحة أنا أوقات ما أركز في الحصة لأسباب متعددة .. يعني أوقات الحالة النفسية ما تساعد خاصة لو كنت مضغوطة في البيت أو استوى مشاكل في حياتي و كلنا نمر بهالظروف
و أوقات أكون تعبانة و مو مركزة أبداً
بهالحالة لا تزعلي ولا تشيلي هم .. كل شي عليكي تسوي إنك تسمعي كل شي بينقال بالحصة و مو مهم تفهميه
لإنك أول ما بترجعي البيت و تقرأي الكمية اللي أخذتيها مجرد قراءة مع تركيز شوي بتفهمي كل شي و بتتوضحلك الصورة .. لو لأ .. اليوم الثاني اسألي صديقاتك عن النقاط اللي ما فهمتيها
أثناء الدراسة : طبعاً تردي البيت تتسبحي و تاخذي بريك كم دقيقة لوقت الغدا .. و الصلاة أكيد ما بتاخد منك وقت كتير هي أشياء رئيسية ما بتأثر على وقتك أبداً ..
بعد الغدا بتروحي الغرفة " أنا عن نفسي أدرس عالسرير و أوقات أدرس في المطبخ يعني يعتمد عالنفسية " و طلعي الكتب اللي في الشنطة " اللي أخدتيها اليوم .. و الكتب اللي بتاخديها اليوم اللي بعده ..
ابدأي بقراءة الملاحظات اللي في الدفتر .. شوفي لو في واجبات هي اول شي سويه.. بعدها انتقلي للكوزات و الامتحانات .. حطي الكتب اللي عليكي فيها امتحان أو كوز على جنب .. لو حسيتي إن الكمية كبيرة و تخافي إنو ما يكفيكي الوقت لتدرسي باقي المواد ادرسي الامتحان و ما عليكي من الباقي
لو ما كان في امتحانات أو كوزات و حليتي كل واجباتك بننتقل للمراجعة و التحضير .. التحضير شي مهم للدراسة
خاصة للمرحلتين الاعدادية و الثانوية .. لإنه بيعطيكي فكرة عن اللي راح تاخديه و راح تكوني مستعدة و عارفة عن شو الدرس و بتحسي إنك بتفهمي كل شي بالحصة
بعد ما تحضري كل المواد .. سجلي على دفتر النوتس إنك انتهيتي من التحضير
ننتقل للمراجعة .. و هي الأساس في النجاح و التميز .. الحلو بالمراجعة إنك لو ما لقيتيلها وقت خلال أيام الأسبوع ما في مشكلة .. لإنك كنتي تحضري دروسك أول بأول .. و بإمكانك تخلي المراجعة للويك إند ..
كيف تتم المراجعة ؟ كتير منا بيراجعو المواد بطريقة غلط و بيضيع وقتهم عالفاضي ..
المراجعة بتكون أول خطوة إنك تقرأي الكمية اللي أخدتيها بس بتركيز .. يعني افهمي كل كلمة بتقرأيها .. و خلي عندك دفتر دراسة لكل مادة .. الدفتر هاد خلي عندك بالبيت .. يعني لإلك مو للمدرسة
كل ما تمري على مصطلح حسيتي إنه صعب أو حبيتي إنك تراجعيه سجلي الصفحة و المعلومة اللي حابة ترجعيلها عالدفتر ..
بس تخلصي قراءة الكمية كلها ارجعي للدفتر .. شوفي الملاحظات اللي سجلتيها .. أوقات بتحسي إنو ما في داعي ترجعي للمعلومات لإنها بتتوضح بالآخر عادة .. لكن لو رجعتيلها لتأكدي عالمعلومة او لتحفظيها بيكون أفضل
هي لأيام الأسبوع .. نيجي للويك إند
عن نفسي كتير بتمر أيام ما براجع فيها ولا كلمة و السبب ضغط الامتحانات
فبحس إنو الكمية تراكمت علي بشكل كبير و هالشي بيضايقني
بس بالويك إند كل شي بينحل ..
حطي الكتب كلللها أمامك .. و ابدأي بالمادة اللي تحسي إنك ما عطيتيها حقها خلال الأسبوع .. اقرأيها و ادرسيها و خلي هالدراسة كإنها دراسة لامتحان
هييك لحتى تخلصي كل المواد اللي عليكي
بهالطريقة بنكون خلصنا جانب الدراسة
وووو في كتير عن المشاريع و التقارير لكن أحس إني تفلسفت زيادة ههههه
اعذريني حبوبة
موفقة و خلينا نسمع عن أخبارك الحلوة