السلام عليكم خواتي و رحمة الله و بركاته
اليوم تفاجئت مسج من مجلس أبوظبي للتعليم بتمديد دوامات المدارس لحد 2/7!!!!
عن نفسي وباقي خواتي تخطيطنا الخميس هذا 4/6 آخر يوم
خلصوا كل شي اللي في صف سابع سلموا كل مشاريعهم وقدموا امتحاناتهم
الصغار دواماتهم قصيرة
وزين تخطيطاتنا اللي مخططينها بشهور قبل اليوم؟؟!!! هذي اجازة الصيف!!!!
حد بيداوم لين 2/7 ؟؟!!!
خواتي العزيزات بغيت رقم تلفون سايقه توصل المدارس والدوامات
ارجوكم اللي تعرف اطرش لي على الخاص
وتقبلو فائق احترامي
ماعرف الغالية
ان شاء الله البنات يفيدونج
فديتج أفتحي جريدة الوسيط او الاعلانيه بتحصلي واااايد
للرفـــــــــــع،،،
اذا انتي في ابو ظبي اعرف حرمة توصل اتصلي على الخاص
السلام عليكم ورحمة الله وبركاته
بغيت استفسر وين اقدر احصل نعول حق العيد ؟ بصراحة في اماكن احسها ما تستاهل حق العيد …
ووين اقدر احصل نعول مريحة حق الدوامات وبنفس الوقت تكون شكليا حلوة وكعبها معقول
اتمنى اني احصل تفاعل ^^
والسموحة
هووووووووووووووب
سبرينغ .شومارت ,ميلانو ,فينسي ,ألدوو ,دوموند اظني اسمة ,وواااايد اماكن
وهيه في محل بس ما اذكر اسمه بس اسمة مكتوب بالبرتقاالي موجود في صحارى سنتر كبير وكللله نعوووول بعد عنده اشياء حلووه
اللهم انك عفو تحب العفو فاعف عنا
شومارت
وعليكم السلام ورحمة الله وبركاته
بتلقين عند ميلانو , ناين ويست , شومارت , الدو ^^
هلا خواتي .اللي تدخل رجاء حار منها ترد علي لو بترفعلي الموضوع يزاكن الله خير .انا ادور ع حرمة توديني الدوام واتيبني .بس شرط تكون هب عربيه .ورخيصه .ودقيقه فمواعيدها.وربي يرزقكن الجنه .ويوفقنا يارب
مووووفقه عزيزتي
موفقة
بالتوفيق
موفقه
انا بعد اريد رقم رحدة
أنا بعد أبا رقم وحده فالعين توصل للجامعة
السلام عليكم ورحمة الله وبركاته
شحالكم؟؟
بغيت اعرف شو العبي الدارجة في الدوامات ؟؟ بغيت افصلي بس احترت لاني ما عرف بهالسوالف …دوم افصلي ساآدة خخخ 
بس بغيت انوع هالمرة
هل اسويلي عباة ويا فصوص ؟؟
ولا اخلي قصاات حق العباة ؟
ولا كيف ؟
اتريا ردكم^^
الموضة الحين العبي اللي ما فيها شغل وايد
يعني الدارج القصات ع اليد مثل القصة اتكون مربعه او مثلثة او دائرية وتكربين شرايط او ليسات
للرفع
للرفع
thnx
.
.
حق الدوام لا تسوين فصوص و بعدين احس الفصووص و اللمعه مال اول
الحين حق الدوام سوي لج عباه بحرينيه ساده
و سوي لج عباه فيها حركه يعني القصه تكون في العباه نفسها ممكن تكون الحركه في الايد
بس ابتعدي عن الاوان و عن الاشياء يلي تلفت النظر لأن انتي في الدوام ف كل ما كنتي ابسط كل ما كان شكلج ارقى
تقبلي مروري
لاتستخدمين الفصوص خليج على القصات او الشرايط انتي اشتري الشرايط وخلي إلي بيفصلج العباه يحطها وإلي يميز الشرايط انج ما بتلقين حد مثلج الا نادرا
اخواتي حبيت استفسر عن موعد دوامات المدارس الحكومية في رمضان في منطقة الفجيرة يعني ساعة جم بالظبط واترياكم اخواتي
راجعي التربية ياختي
ويالتوفيج يارب
مشكووووووووووورة الغالية عالمرور
أنا بعد أبي أعرف
أتوقع يا 8 أو 9
على حسب فيه مدارس 9 و فيه 8
كل الدوائر يداومون 9 في رمضان
الكل بدا دوامات وعلى الاسبوع الياي دور المدارس
واذا حالج من حالي لا وظيفة ولا دراسة لاني خلصت ولا ريل وعيال
تعالي نتشارك ونشجع بعض كيف نستغل وقتنا بما يفيد لان ها الوقت فرصة ممكن ما ترجع
الكل من يشوف ويهي يسالني داومتي؟؟؟ ليش ما قدمتي؟؟؟ماعندج واسطه؟؟؟
اسئلة تبط الجبد……….ولو انهم يسالون من حسن نيه
انا قدمت وللحين محد رد ومالي واسطه غير رب العالمين
وبصراحه انا اشوفه نعمه مش نقمة ولو اني احتاج اشتغل ماديا
هاي فرصه اني اغير من نفسي واسوي الاشياء الي كنت دوم احلم اني اسويها
اتعلم اشيا يديده تفيدني في بيتي او وظيفتي او الحياة بشكل عام
انا وزني 90 للاسف يعني اول هدف لي اني اتزل وزني …بديت بالمشي
ابي اراجع و احفظ القران لاني صدق مقصره في هذا الجانب
الحمدلله اخذت التوفل بس لازم اقرا احسن انجليزيتي واتعلم فارسي و اسباني …لاتسؤلوني ليش بس جي هفه لول…………….بصراحه احس الواحد لازم يعرف لغة ثالثة
عندي مجموعة كتب اقراها الحين يالسه اقرا كتاب اسمه كيف تجتاز مرحلة الخطوبة بنجاح
وبس ……………….يلا بنات لازم نستفيد من يلسة البيت ونفيد بعض
مرحبا فدييتج انا شراتج عندي شي واحاول ارتب وقتي واستغله مع الاهل واني اهتم بنفسي والرقااد والله كريم
واكبر دليل ان نحن بطاليات انه للحين سهرانين هههههههههههههههههههه
والله ياختي انا لي تقريبا سنتين وداخله على الثالثه عطاليه
تركت الشغل في 3/ والحمد لله حسيت نفسي احسن
عسى ان تكرهوا شيئا وهو خيرا لكم
المهم
التحقت / بدورة تحفيظ قران حفظت جزء تبارك وشوي من عم
بعدين من بعد شهر 5/ وانا لا شغله ولا مشغله غير النت
قريت بعض الكتب
انا كاتبي المفضل باولوا كويلوا
سجلت اتعلم سباحة ورياضة بس ماكملت اسبوع مليت المدربة ماشجعتني وااايد
بعدين حابه اقوي نفسي في مادة الحساب قمت اقرا فيها اكثر
بعدين انا احب الانجليزي كثير بس محتاجة فيه تقوية شوي دخلت مدونة انجليزي
الحين قاعدة احاول اتعلم اطبخ
الحمد لله اتعلمت شوي اشياء
زودت معلوماتي الدينية شوي الحمد لله
بس
الحين مادري شو اسوي
ههههههههههههههههه حلو موضوعكم انا بعد معاكم ف الهوا سوا
شو نسوي ..الله كريم
اذا تعرفون مكان فيه دراسه ودورات خبرونا نستفيد …شرات توطين وغيره
والله يتوا في وقتكم انا بموت من الملل ما ادري شو اسوي خاطري اتوظف في مكان ودوم احلم فيه بس مافي شاغر من 7 سنين نفس الكلمه وانا اترياهم نفسي اكون شخصيتي واكون مستقله بس هذا ما بيصير الا بالشغل وهالشغل وينه الله كريم شو رايكم نسويلنا تجمع
كلنا ي الهوا شوا من الملل من نعرف شنسوي الله كريم والله يرزقنا الزوج والوظيفة ياااااااااارب
دعوااااااااتكم
السلام عليكم ورحمة الله وبركاته
شحالكم ؟
انا و2 من ربيعاتي نداوم في مؤسسسة شبه حكومية حق الوورك بلسمنت، ولين الحينه كملنا شهر فترة تدريب ..بس بصراحة أشوف العجب في عجب …نحن مالنا خص في حد في الدوام ..وقسمنا مزيج من المهندة والمواطنين …وطبعا في بداية الآيام ما كانوا يعطونا شغل ..فكان المسؤول دوم يقولنا لازم انتوا تبادرون وتقوولون حق الموظفين انهم يعطونكم شغل ولو شي بسيط …المهم تجرآنا والحمدلله قاموا يعطونا آشغال ..بس لاحظت وايد اشياء غريبة في القسم ..يعني القى مرات الهنود ما يدانون المعاملة ويا المواطنين ودوم يحطون عالمواطنين يوم يرمسون من بينهم…والمواطنين بعد نفس الشي يطنزون على المهندة ..بس يوم تي ع المعاملة بين الهنود والمواطنين اشوفهم يجاملون على بعض وينافقون …استغربت وايد من هالشي ..يعني من ورا كل حد يتكلم عن الثاني ومن جدام ما في احسن من معاملتهم ويا بعض .!!!
وحتى مرة المس يت عندنا عسب تطمن على شغلنا وجي …فجدام المس كانوا قمة في الذوق ..ومن راحت المس ، شفت ان الشباب حاطين على كل دقة فيها …ما خلوا شي ما حطوا عليها حتى يت على ملابسها ..قالوا شو هاي لابسة ..حد يلبس أحمر ..!!
حتى بديت احس انهم يتكلمون عنا بعد … من جدامنا يكونون اوكيه بس من ورانا لااا …!
نحن اكثر واحد نتعامل معاه المدير …وحتى تكلمنا انه نحن بنسوي مشروع حق تخرج عندهم بس لف ودار ويبين من كلامه انه هو أصلا ما يباانا نسوي مشروع التخرج عندهم ..يعني حالة والله .!!
المهم مشكلتي اني طيبة وهادية وما يخصني في حد في الدوام ,,, بس ساعات ربيعاتي يقولون لي لازم ما اكون هادية ..والله حاولت اني ما اكون هادية واتكلم بس ما قدرت لاني مب متعودة على أجواء الشغل …وساعات ربيعتي تقول هالموظف مب اوكيه وهالموظف جي وجي ..مع اني مول ما احس باللي يقولونه ..احس لاني طيبة فاشوف كل الناس طييبين وياي ..!
يوم شفت مكان الشغل قلت في خاطري ما ابي اداوم لو الناس اللي في الدوامات جي ..وخاصة اني ما عرف كيف اتصرف ويا الموظفين ><..فانصحوني عسب استفيد من نصايحكم لان هالمكان كان في خاطري اشتغل فيه بعد ما اخلص فترة تدريب ..بس مترددة ..وابي اعرف كيف اتعامل ..
{ بنت الوصل ،‘
وعليكم السلام والرحمة
يسرج الحال ،‘
المجتمع اللي اشوفينه في دوام
ها نموذج مصغر عن مجتمعنا !
بالطبع مش الكل بس بعد مش الكل طيب ،،
آحسج وايد طيبة //
آحسن حل طنشي و انسي لآنج بتعورين مخج ،
والا هم هب حافلين بحد ،،
و ربي يوفجج
’
مشكورة خيتو على الرد
الدواماااااااااااااااااااات فيها اشكال وانواع الناس والمعاملات والظروف — والذكي يخلص شغله بالكامل وينتظم وما يتدخل في غيره — مهما قال او سوا اهم شي الشغل — لان اي شي يحاولون يضروونج فيه ما بيأثر اذا كان شغلج يشهدلج — فانتي دوري مكانج في الشغل اثبتي عمرج في شغلج وبها الشي بتقنعين المدراء بانج جاده — وتوكلي ع الله — صدقيني كل مجال وكل جهة عمل الا انها تصير فيها بعض التتشات لكن عقب تتعودون على بعض وتعرفين منهو الزين فيهم وتبتعدين عن الشين —
ربي يوفقج ….
وإذا عن الشباب خلي علاقتج وياهم علاقة شغل وبس لا سوالف ولا غيره
اذا كنتي حابه المكان توكلي على الله واشتغلي وإذا كانت على سالفة الأشكال اللي شفتيها في الدوام ترى ما في مكان كامل هالطفيليات بتحصلينها فكل مكان
والسموحة
مشكورين عالنصايح
السلام عليكم ورحمة الله وبركاته
شحالكن خواتي عساكن بخير ؟؟؟
بغيت منكن خدمة انسانية الدوامات مابقى عليها شي اطري دوام المدارس وانا ان شاء الله بخذ كورس تدريب وماعرف كيف ارتب مكتبي !!
طرى ع بالي احط شير صناعي شو الانواع اللي تناسب المكتب ؟ شير كوكنت ؟ ولا الشير المعتاد ؟
ابا اركز ع الشير لاني احب الخضرة حواليه شورن عليه وبكون شاكرة لكن يارب
وييييييييييينكم ؟؟؟؟
حبيت أرفعلج موضوووووووعج
ما عندي فكره اختي,, البنات يفيدوونج ان شاء الله
مشكورات خوآآآآآتي
وياريت اللي ماتعرف ترفعلي الموضوع ويزاها الله الف خير يارب
مااعرف ان شااء الله يفيدونج خواتي مابيقصرن ان شااء الله
للرفع