السلام عليكم خواتي العزيزات
اباكم تساعدوني بخبراتكم والتجراب الي مريتو فيها وخاصه الولاده الأولى
انا حامل في الشهر التاسع وموعد الولاده حسب الدورة والسونار 10/06/ علما بان اتيني آلام من يوم كنت اسبوعين في الثامن تروح وترد واحيانا تزيد واحيانا تختفي
ويوم كملت اسبوع في التاسع ياني اسهال وزواع وكان طبعا عندي شويه الام،،، ورحت المستشفى عشان الاسهال والزواع ويوم حطو التخطيط قالو عندج ويع ولاده وسولي فحص العنق وقالولي فاتح 2 سانتي مع اني ما احس بالام كانت خفيييييييفه
المهم رقدوني وثاني يوم الظهر فحصوني مرة ثانيه وقالو اتسكر ورخصوني
والحين مر اسبوعين على هالكلام يعني انا الحين في نهاية الاسبوع 39 باقي اسبوع عن موعد الولاده الي عطوني اياه
ومشكلتي هي الحين اني خايفه انه يطوف موعدي وما اربي او اني احتاج طلق صناعي
والشي الثاني انا اتيني آلام فجاه قويه لدرجه اني اذا كنت واقفه ما اقدر امشي الين يبدا يخف واحيانا اذا كنت قاعد و وقفت فجأه الام اليني وما اقدر اتحرك او اغير وضعيتي والالم هذا تقلصات مع شد وطعنات حاده في الظهر بس مع مرور الوقت يروح وما ريرجع
هذي الحاله مريت فيها خلال هذا الاسبوع مرتين او 3 مرات في اليوم يوميا بس يوم خلال هالايام ما ياني لا الم وحتى حركة البيبي ما احس فيها نفس قبل
طبعا انا الحين محتارة وخايفه لاني احس اني بتاخر عن الموعد لاني تاقلمت على الويع انه يروح ويرد ويزيد بدون ما تتطور المساله
وطبعا خلال هذي الفترة ما نزل شي ابد لا ماي ولا دم ولا شي معناته ماشي ولاده قريبه اللهم افرازات عاديه وحتى خلال فترة الحمل كانت الافرازات اكثر والحين خفت عن قبل مره صفره فاتحة ومره بيضه شفافه ومره بني فاتح والله انا في حيرة وخوف
ابا منكم ياخواتي تفهموني شو الحاصل معاي والله امس تميت طول الليل احاتي واتجلب ع الفراش وما رمت ارقد وكنت اقول في خاطري لا يكون فيني عين
لانه الكل يتكلم عن ولادتي ويتريا ولادتي من يوم كنت في الثامن يسالوني ما ربيتي ما ربيت متى بتربين بتى بيطلع هالولد ولدج فيه وفيه
ولان بعد الي من اهلنا وربو قبلي باشهر يايبين بنات وكانن يبن اولاد
والدكتورة الي اروح لها كل مرة تقولي كل شي اوكي وزنه وحجمه وصحته وانا واراس نازل حتى آخر مرة رحت لها توقعت ان ولادتي بتكون قبل الموعد بس انا والله خايفه وما اعرف شو الحاصل احس اني خلاص ياست ما ابا امشي ولا ابا اسوي اي شي من الي يقولونه بتريا موعدي وبشوف شوراح يصير
بس الي خايفه منه الطلق الصناعي او العمليه
ادعولي خواتي اني اربي وارتاح من الي انا فيه والله انا تعبانه بس محد حاس بالتعب الي انا فيه كلهم يشوفوني يتحروني ما فيني شي ولا اتعب لان انا الحمدلله اتحمل التعب واصبر وما ابين حق حد هالشي بس الناس ةالاهل الله يهديهم ما يرحمون يعني الوحده لازم اتم طايحه على فراشراشها عشان يبين اهنا تعبانه
الله كريم
واسمحولي خواتي ادري طولت عليكم وااااااااااااااايد وما اعرف كيف كتبت الي كتبته بس شي في خاطري وحبيت اطلعه لاحد غير اهلي
اتمنى ان حد منكم يفيدني ويفهمني شو الحاصل معاي
