السلام عليكم
كلنا كأولياء امور نعرف متى يبدأ وقت الدوام ومتى ينتهي
لكن بعض الامهات الله يهديهن يروحون يوقفون على الباب قبل الموعد علشان يفتحون لهم الباب الخاص بصفوف الروضة
يعني لاحظت انه خصوصا الحريم يضاربون الهندي اللي واقف على الباب علشان يفتح لهم الباب / طيب في قوانين من المدرسة لازم نلتزم بها وما له داعي الضرابة / ترا الهندي موظف وعندهم تعليمات من الادارة
يعني شو بيستوي لو انتظرنا الجرس
انا اشوف الامهات يتحرطمون طول الوقت
خلو شوي عندكم ثقافة احترام الوقت واحترام الاخرين حتى لو كان هندي او وافد
صددددددددقتى اختى والله
صدقتي بس عندي ملاحظه على مدرسه ولدي يقفلون الباب ومايخلونج تسيرين تشلينه اوكي تبون تنظمون بس مب تخلونا نخيس..اسير مكتب المديره اطلبه بالاسم ويبولي اياه بس هما ماعندهم الا عاملتين ييبن الصغاريه بالاسم بس تخيلي معايا مكتب المديره شقايل كله زحمه اولياء الامور يبون عيالهم انا يايه قبل وسارت كم عايله بيتها وانا حليلي اتريا نص ساعه!! كانا يالسين بمزاد!!!
وسلامتج حبين اشتكي خخخخ
صدقتي خيتوووووووو
تسلمين ع النصيحه القيمه
شو بيستوي لو انتظرنا الجرس؟؟
بيستوي عباس على دباس ويختلط الحابل بالنابل
وخصوصا للي في الروضه…بيهجمون الصغاريه على الباب وبيعقون في طريقهم اللي اصغر عنهم
انا كنت اخذ بنتي قبل نهاية الدوام بربع ساعه تجنبا للزحمه.