الوسم: المتكيسات

هذا التجمع فقط خاص للمتكيسات

و نبغي كل وحدة تسولف لنا عن رحلتها ف العلاج
و شو تشرب و شو تأكل يعني من ها
السوالف

يا ريت الكلام يكون واضح عسب يكون سهل للقراءة

اخذ جلوكوفاج 500 حبتين ف اليوم
فولك اسد حبة ف اليوم
صار لي شهرين من بديت اخذ الادوية

اقروا عنه ومابتندمون جدا مفيد

مستمرة عالجلوكوفاج … من ^^..

حملت بعد سنتين زواج…

كملت بنتي 9 شهور حملت مرة ثانيه بس ابد ما توقعت … ^^

ولله الحمد …

كنت هالفترة خلال السفر وبعده أريد أريح من العلاج وكانت في نيتي أبدأ في الصيف العلاج
من يديد واحتمال كبير في توام.

بس فكرت أأجل الموضوع شوي وراح أروح للدكتورة السودانية الي في البريمي + أم سيف الي تمسح
ما راح أخسر شي أولاً : لأن الدكتورة ما تعطي إلا الأشياء الطبيعية الي فهمته من الي تعالجوا عندها
وخصوصاً المتكيسات وبعد تعطيهم نظام غذائي وبالفعل الأشياء الي تمنعها عنهم تكون مضرة وتزيد نسبة التكيس
خصوصاً الدهون والسكريات.
أما بخصوص أم سيف فهي راح تمسحني بالكاسات الهوائية وقالت لي بإذن الله راح ترتب لي الدورة
من غير حبوب طبية ولا حتى أعشاب بس من مجرد الكاسات الهوائية.

الحمدلله الله مدخل علي الاطمئنان وراح أجرب هاي التجربة.
ونصيحة استمري على الشي لا توقفين وموب زين تكثري من الدكاترة
لأن كل واحد بيطلع لج برمسة وأنا أشوف علاج التكيس من الناحية الطبية هي ( تنظيم دورة + كلوميد للتنشيط + إبر)
طبعاً مع الإستخدام اليومي ( للـ كلوكوفاج ) لتنظيم افراز الأنسولين .
بعدين صح الله يهداها الدكتورة فوفو دايماً تحكم على بويضاتي من اليوم 12 للدورة
وما اتابعهن إذا كبرن أو لا !!!
لأن في ناس تكبر عندهم البويضات في اليوم 16 لحد 19 الي سمعته.
وخصوصاً من تجربة حملي كانت في الأيام الأخيرة قبل الدورة !!

فلالمرض ماله علاج بمعنى علاج .. التنظيم خطوة زينه .. نظمي الدورة … بس أنا ما أأيد الهرمونات و الكلوميد و هالاشياء اللي أحس انه مضارها أكثر من منافعها ..

ز نصيحة لكل أخت عندها تكييس و الله راد و حملت .. اترضع أطول فترة ممكنة ..

المشاركة الأصلية كتبت بواسطة حبيته بجنون

الغاليه انا تعالجت عند الاخت ام سيف وماقصرت معايه بصراحه بس بحكم دوام زوجي يعني ماقدر اتواصل معاها دوووم وهي حليلها ماتقصر وصحيح انه علاج الدكاتره كله ابر تنشيط ومن هالامور …بس شو اسوي احس اني صج تعبت وربي … يعني الحين انتي ماتنصحيني اني اروح توام؟؟؟ لاني اشوفه اقرب لي واقدر اروح له متى مابغيت…

في انتظار البقيه

عزيزتي حبيته بجنون..
أنتِ وايد ملخبطة فلازم تحددين أنتي شو تبين ؟!
لا تبنين رايج علي أنا، بمعنى أنا جربت الابر والكلوميد والتنظيم
وأكيد علاج توام بكون نفس الشي بس أنا هالمرة حابه أجرب أم سيف + الدكتورة نبيلة.

دوم ادش هالقسم , أشوف وايدات يعانن من التكيس ،سواء كانن متزوجات أو غير متزوجات …
حبيت أفيدكم بتجارب بنات أعرفهم كان فيهم تكيس وعاد سألتهم كيف علاجكم ..إلخ وبالإضافة إلى قراءتي ومطالعتي في النت ،الواحد يستفيد وياخذ خبرة, المهم ما شاء الله خاز عنهن و المتزوجات حملن ما شاء الله والعزوبيات خف عنهن وراح
المهم قلت بفيد خواتي ,
العلاج كالآتي :
1-فحص دم ثاني يوم ولا ثالث يوم . الطبيبة هي إلي بتخبرج هالأجراءات.
2-لازم تعرفين حجم البويضة في 14 او 15 يوم من الدورة . إذا كانت صغيرة الدكتورة على حسب حالتج بتعطيج كولوميد او أبر للتكبير.ومن تاخذين الحبوب او الابر لازم اتابعين حجم البويضة بسونار على حسب حالتج وكلام الدكتورة .
2- جلوفكاج (وايد اوكي يخفف التكيس وحتى لدرجة ممكن يزيله كامل بإذن الله—-> كل وحدة على حسب جسمها وكيف يتفاعل معاه إلي أعرفهن كل وحدة تفرق عن الثانية في شهور )(اهم شي تاخذونه بإستشارة طبية وعلى حسب الحالة .
3-شرب مرامية مع بردقوش وغليها 10دقايق في ماي ,وشربها ثاني يوم دورة لمدة 5 او 6 أيام —-> يساعد في تكبير البويضات (لان البويضة اتكون صغيرة يوم يكون حوالينها بويضات متكيسات فما تعطي مجال للبويضة تكبر ) فهلوصفة وايد اوكي (لاتقولون إلا عشب ،للتذكير المخدرات هي عبارة عن حشيش يعني أعشاب يأثر على المخ ويسبب أشياء وايد )
4-الرياضة والتخفيف من الدهون .
5-للعزوبيات الدكتورة بتوصفلها حبوب منع الحمل وهذا بعد يساعد على تخفيف التكيس والشعر والحبوب .
6- متابعة مع الطبيبة .
7-في قريت معلومة إن كي البويضات المتكيسة أتسبب إلتصاقات والعياذ بالله ،فالوحدة أتعالج شي وعقب بترد اتعالج شي ثاني والمشكلة أكبر .فالأفضل العلاج بالأعشاب والحبوب
8-أولا وأخيرا الدعاء ثم الدعاء والرجاء والتفنن في الدعاء بالذرية الصالحة ،وتسهيل الأمور ,والله هو الرزاق الرحيم الكريم .
للملاحظة ما تاخذون أي حبوب بدون إستشارة طبية .
الحمدلله هذي الأشياء فادتهم

الله يعطيكم الصحة والعافية ,وربي يرزق كل وحدة تنتظر الحمل .
وإلي عندها تجارب لا تبخل على خواتها . سواء متزوجة كانت تنتظر انها تحمل وحملت ولا عزوبية .