الوسم: الكاسر

مرحبا الساع جميعا

ويه خوفتيني اتحراج اكتشفتي شي مب زين فيه … برجع آكل منه لأني من زمان ما كلت وبخبرج كيف يسوونه.

من دبي ما جربته ^_^ خبرينا يوم بتعرفين

ذكرتيني بايام الكاسر والكشري قبل الزواج ااااااااااااااااااااااااااااااااااااااااااه

ذكرتينا باحلى ايام ..كنا تونا امعرسين وريلي ايبني عند هليه ف بوظبي ولازم ايوديني الكاسر ولازم ناخذ كشري من الكاسر .. وعصير من مروش …قصة حياتي ..
ختيه الطريقه : ثلاث طماطات ميلفات ومفرومات فرم ناعم ..صلصل .. ثلاث قرون فلفل ( انا احط ست ) ..زيت زيتون ..سنوت ( كمون ) ..فلفل اسود .. وخمس فصوص ثوم مهروسات والا مفرومات ..
اتحمرين الثوم ف الزيت لين تظهر ريحته وعقب اتحطين عليه الطماط واتجلبينه عدل وخليه ينهرس هراس .. ويوم بتشوفينه نظى عدل حطي الصلصل والبهارات والقرون الفلفل وحبة ماجي وخليه على نار خفيفه لين اتشوفينه غلظ وشوفي ريحته وطعمه ..
نحن انسوي كشري مرتين ف الاسبوع .. وكل حد يطلبها منا .. حتى ريلي يوديها لربعه ف الدوام من كثر ما اتعيبهم ..يوم بتين العين الغاليه بس اكتبي لي رساله وفالج طيب بسويها لج ..من اعيوني ..وبالعافيه مقدما ..

ميرووووووه

السلام عليكم ورحمة الله وبركاته

زمان كنت اخذ الكشري من الكاسر بس ما ادري بعده الريال موجود ولا لاء؟؟؟
ان شاء الله البنات يفيدنج

الكشري شكله اندثر

بالنسبه لبوفيه الشانغريلا لا تطوفينه صدق رووعه
من احلى البوفيهات اللي جربتها بس في الويك اند يستوي زحمه لانه عليه اقبال وايد فحاولو اتسيرون من وقت
اما السوق اللي عدال الفندق سوق قرية البري فهو سوق صغير فيه كمن محل وشوي كافيهات

بوفيه الشنغريلا لذيييييذ

ان شاء الله ان سرت هالاسبوع اجربه ..بس شواحلى بوفيه الريوق او الغدا؟؟

الكشري للحين موجود بس ما نسير صوبه بس شو اسم المطعم ما أذكر
وبوفيه شانغريلا يمدحونه بس في فندق حذاله يمدحون البوفيه عنده أكثر اسم الفندق فيرمونت