أهلين بنات شخباركم؟
أنا حزينة شوي لأن زوجي أحسه حريص على الفلوس مرات أحسه فيه نوع من البخل
هو شخصيته طفولية شراتي والحمد لله متوالمين بس سالفة حرصه الشديد على المصروف مضايجتني
أحسه وايد حريص على التوفير هو كريم ما يقصر في العزايم والطلعات و أنا أشتغل و يعطيني مصروف
بس في أمور كثيرة يمنعني منها على سبيل المثال
ما يخليني وايد أروح أتسوق حده بس مرتين في الشهر يقول لا تصرفين وايد حتى لو عندج راتب و انا مرات أمصخها أصرف راتبي و مصروفي اللي يعطيني و نص الشهر ما عندي شي أتسلف أو أطلب منه و يعطيني ويقولي خففي طلعاتج ومصاريفج
و أحين صار وايد يحاسبني على كل شي كل ما أطلب شي يسألني عن السعر و كيف بستخدمه سواء بشتري من راتبي أو من فلوسه اللي يعطيني
اللي تقدر تفيدني وتنصحني ويزاكن الله خير
الغالية لا تزعلين بس صدقه مب سالة بخل
بس مرتين في الشهر تتسوقين ما يحتاي
لازم ترتبون اموركم وتحاسبون على جدام شوي
حق المستقبل .. اذا ما عندكم بيت والعيال بيكبرون ومصاريفهم بتكثر
وماله داعي الصرف الزايد
صدقه لا تصرفي وايد اهو خايف عليج فكري فالمستقبل
انتي كم عمرج
مممممممم ما احسه بخل كثر ما هو حرص..
لانج تقولين انه يعطيج مب انه مقصر ..
فديتج حاولي تقتصدين ويمعي لج مبلغ حلو في البنك حق اليوم الاسود 
انا اشوف ريلج عاقل الصراحه
هو مب مبخيل بس فعلا حريص وحمدي ربج …لان ما تعرفين شو يصير فالمستقبل الواحد يمعله كمن بيزه الصراحه تنفعه
ولا تنسون الصدقه من هالفلوس بمبلغ بسيط
اختى انا اشوفه حريص موبخيل وصدفينى انا احترم الريال الى بها الشكل لانه مايخليج تحتاجين لاحد وكله لمصلحتج
مو احسن عن الى ييذر كل اموالكم ويخليج تداينين الله يهديج بس فكرى بايجابيه ولا تسمعين للى يقولن لج بخل
نحن فى زمان الله يستر علينا والله لاتحاتين طالما مايبخل عليج ولا على بيتج انتى بس حاولى تتفاهمين وياه بلطف مهب عصبيه انه مايزودها عشان اوقات الشوبينج يروق النفسيه لكن مرتين فى الشهر وايد اسمحيلى
والله يسعدكم
المشاركة الأصلية كتبت بواسطة الياسيه20 