الوسم: الفتي

بقولكم سالفتي يا خواتي

يتني الدوره ف 8-11- يعني بداية حملي الحمدلله عرفت اني حامل وانا ووايد تعبت ف حملي من الصداع والدوخه وجي
المهم رجعت من السفر اليوم وعقب يومين كان عندي موعد وكان الياهل الحمدلله بخير وقالولي انتي ف الاسبوع 22 بس انا ع حساباتي اكثر وطمنوني ع كل شي وعقب يومين من هالموعد ياني ويع فضيع ف اسفل البطن مثل التقلصات سرت عياده خاصه عند الدكتوره اللي اراجع عندها جيكت شافت الرحم متبطل عندي 2cm وها انا بعدي ف هالاسابيع ع طول حولوني مستشفى الوصل وسولي ربط ف الرحم غرزتين وكان راس الياهل نازل ع الرحم يعني شعره وبينزل والحمدلله سويت وربي حفظه اسبوعين ف بطني وها انا ممنوعه من الحركه ف المستشفى وكنت احس بتقلصات فضيعه وويع فضيع يوم شافو التخطيط كان ايني الطلق كل يوم صح ما كان يوصل 100 بس لانه حجم الياهل صغير انا احس باليوع يعني غير عن التخطيط المهم جيكو علي شافو الرحم اتبطل 3cm وانا حالتي كانت فضيعه يعني الكل كان يشوفوني يقول مستحيل هاي اتعيش يعني كانو يقرون علي ويظهرون مايبون يصيحون يدامي .. عقب ما قدرت استحمل قلتلهم خلاص سولي عمليه يعني قيصيريه قالولي الياهل رفع راسه وبيطرون بطني من صدري لسرتي يعني بطول مش بالعرض وقالولي ماشي احتمال اتعيشين ولو عشتي الياهل بالحالتين بيموت ومابتيبن غيره لانه اذا حملتي يوم بطنج بيكبر بتنفتح العمليه انا وريلي قلنا عادي ووقعنا خلاص عشان العمليه اني اسويها مع انه كل اطباء مستشفى الوصل ايون عند ريلي يقولوله حرام عليك حرمتك صغيره 19 سنه خطره عليها يقولهم ما اقدر اتحمل اشوفها تتعذب بس اتعذبت اسبوعين … ودش علي ريلي قالي يا شروق اخر كلام شو فكرتي بتسوين العمليه ولا ؟ سبحان الله والله جي من الله قلت لا خلاص مابسوي مع انه الويع اللي فيني محد يعلم فيه غير ربي قلت خلاص بتريا
والحمدلله الحمدلله الحمدلله كل ما يزيد الويع ينفتح عندي لين ما وصل 5 ونص cm مفتوح وها كل الصبر الحمدلله ربي ريحني ودخلوني غرفة الولاده وولدت طبيعي والياهل طلع من قاعدته فديته وربي يحفظه لي والله يقومه بالسلامه ان شاء الله
وربكم الكريم خلاني اتريا اتريا اخذ ابر الرئتين وابرة الالتهاب عقب اولد شوفو قدره والحمدلله

والحينه ولدي ف المستشفى وبعده حالته مش مستقره ابي دعواتكم له كل ما تذكرون ادعوله لانه دعواتكم بتفيده واااااايد …… والسموحه طولت وياكم خواتي

والله يحفظ ولدي محمد

ما أدري إذا حد مر في نفس مشكلتي ..

أنا كنت أدرس في جامعة عجمان فرع بوظبي وأستوتلي ظروف غصبن عني وطلعت من الجامعه بس سويت وقف ..

وألحين أريد أكمل دراستي ويوم رحت جامعة عجمان الفرع الرئيسي قالو والله أنتي عندج مديونية بقيمة 5 آلاف درهم على مساقات وأنا ما خذتهن ولا سجلتهن في نفس الكورس ألي طلعت فيه من الجامعه يعني أنا طلعت بعد الصيفي وهالمساقات مسجله لي حق الكورس ألي بعده وأنا ما سجلت ولا مساق والمعروف فالجامعه سجل وأدفع .. بس كيف سجلولي هالمساقات ما أدري ويوم كلمت القبول والتسجيل قالو لي دفعي مديونيتج وخذي أوراقج ..

وأنا في بوظبي وما أقدر أدق درب لعجمان فطرشت ألهم فاكس وخبرتهم السالفه كلها وأتصلت ولا حد يرد علي ..

وأريد آخذ أوراقي قبل ما ينتهي الدوام ..

فما أعرف شو أسوي ..؟؟؟

والله متوهقه وحايره ..

ألي تعرف تخبرني شو أوسي ..

مالي غيركن والله ..

أنا مش قصدي منو اييب لي الأوراق أنا عندي وايد ربيعات من دبي والشارجه وعجمان بس سالفتي مع الجامعه ما طاعو يعطوني أوراقي لين ما أدفع الفلوس وأنا ما سجلت عشان أدفع ..؟؟؟

أنا كلمت المدير المالي الاستاذ مهند ..

نطري لان مرات الياهل يعدل نفسه سبحان الله

والله هالاطباء حيرونا كل مره شيء

الله المستعان

بس انتي لاتستعجلين

والله يفرجها عليج وعلى الجميع ان شاء الله

وربي يهونها علينا وعليج …

خواتي بغيت نصيحتكم و شوركم،،
صار لي مالجه تقريبا شهر و أكلم زوجي تقريبا مرتين أو ثلاث باليوم و أشوفه مرة أو مرتين بالاسبوع، المشكلة إني أستحي أمدحه و أقوله كلمات مثل حبيبي و حياتي و عمري.. هو دايما يقولي حبيبتي و الغالية و يمدحني ف كل شي، أنا ممكن أكتب له هالكلمات فمسج بس إني أقوله بالتيلفون أو بوجهه أحسها واااايد صعبه..

نصحوني كيف ممكن أبعد الخجل عني فهالشي لأني خاطري أقوله عن حبي له بس أستحي و هو بدى يلمح فهالموضوع؟؟

لكن تجرأي وقوليها أول مره

صدقيني بتتعودين.. وعقب بيستوي الموضوع عاادي

ترى الرياييل يتخبلوون ع الحرمه اللي تدلعهم وتقولهم هالكلااام

في البدايه كنت احسها واااايد صعبه

بس الحين اتعودت عليه

انتي شوي شوي بتتعودين عليه

اول شيء بديت بالمسجات

حتى لين الحين استحي اقول احبك

اقولها بصوت واطي في التلفون

حتى جدامه نفس الشي بس اقولها

الله يتمم لنا على خير

انشاءالله البنات فادوج ……….

عـــيـــمـــيـــه دبــــــــــــــي

كتبت قبل موضوعي مع ربيعيتي وهاي الوصلة:
http://forum.uaewomen.net/showthread.php?t=502836

انصدمت منهااا وااايد وافكاري راحت من كثر مانصدمت باللي سمعته

طلعت عني إشاعة

هيه نعم طلعت وماسويتلها شي وانقهرت اكثر يوم سمعت

ذاك اليوم كنت فالمارينا مع امي واختي كنا في محل مانغو وشفت خالتها <<مرت يدها

وسلمنا عليها وعقبها هي روحت واحنا روحنا وقلت حق امي بروح بسوي كم من شغلة وبيلكم قالتلي اوكبه روحي

تخيلوا شو خالة ربيعتي راحت عندي امي وقالتلها فلانة انخطبت؟ امي من كثر مانصدمت ماقدرت اترد عليها وعقب الصمت قالتلها لا

وامي خبرتني بالسالفة في السيارة وانا انصعقت

امي بروحها تقولي هي كيف اطلع اشاعة نفس هاي ومن كثر ما انا خلاص افكاري مش ع بعضها ماقدر اتكلم

ويوم واجهتها قالت انا مايخصني ماتكلمت بالموضوع قلتلها لا والله يعني خالتج بس بطلع كلام وتمت اتبرر عمرها وانا من كثر ما كنت منقهره سكرت في ويها وماقدرت اتكلم وياها مرة ثانية الا بعد فتره

وفي بنات ماعرف كيف عرفوا بالسالفة وقالولي سوي نفس الحركة باللي سوته وانا مارضيت ماتنازل اسوي هالحركة

صدق مقهروة منها … ربيعتي من كم من سنة واطلع اشاعه عني لا بعد انخطبت لمنو لولد خالي اللي مش من البلاد من قطر اتخيلوا يعني لوين وصلت

صدق مقهوره

قولولي شو اسوي في هالانسانة انا خلاص تعبت منها من كثر المشاكل اللي تستوي من بينا … عادي تتمادى واطلع اشاعات اكثر ياما اتكلمت وياها ولا في فايده

وخالتها دوم يوم اشوفها صدفة اتقولي مانخطبتي كأنها تطعني ويالسه ع قلبها وتبا تفتك مني

ساعدوني في المشكلة ابا رايكم دخيلكم

والسموحه

هاي وااايد تمادت وان تميتي تسكتين عنها يمكن تزودها

بنااااااات عطوني حل ابا اوقف هالشهية الي جاستني من اسبوع تقريبا

يمكن اكل 20 مرة

واااااااااااايد اكل ما اشبع واترس معدتي واريح اشوي ساعه تقريبا وارد اكل واحس بجوع فضيع وشراهة

عطوووووووني حل لانه وزني بدا يزيييييييييد يوم بعد يوووووم

حتى لاحظت كذا وحدة يستويلها جذه قبل الدورة

ما تركب اكيد بتسوي تاتو هع

الدوفاستون معروف اذا في حمل يثبت واذا مافي تنزل الدوره من ثاني يوم الا اسبوع تقريبا

اذا خلصتي الاسبوع اعتقد توكلي على الله وسوي فحص الحمل