الوسم: fingers

خواتي من فتره…. كان عندي بسكوت…..Lady fingers ومب عارف كيف استعمله …….. و يوم سالت الخوات يزاهن الله كل خير …. ما قصرن و قالولي سوي التيراميسو…

و قمت و طبقتها …. و طلعت النتيجه يا حلوات…………….. رهييييييييييييييييبه

و الحين حابه افيدكم مثل ما استفدت انا ..اوكيك؟؟

قبل كل شي حابه اقول ان هذي طريقة الاخت هند الله يجازيها كل خير…..

المقدير:

بسكوت Lady Fingers

1 قشطه مثل (نستله)
1 قيمر
2 جبن كيري ( حبتين)
2 دريم ويب (كيستين مب تحطون علبتين)
2 ملعقه كبيره حليب نيدو بودره
نص فنجان حليب نيدو سائل
ماء مذوب فيه نسكافيه و قليل من بودرة الكاكاو للزينه..

الحين الطريقه:

اولا:

اخفقي القشطه + القيمر+ مكعبين الكيري+ ملقتين النيدو البودره+ بودرة الدريم ويب + الحليب السائل

ثانيا:

غمسي اصابع البسكويت في النسكافيه المذوب بس تغميسه سريعه يعني بسرعه لان اذا غمستيه وايد راح يخرب المهم==========> صفي طبقه واحده من البسكويت في البايركس ثم صبي جزء من الكريمه فوقه ثم كرري العمليه صفي البسكويت بعد تغميسه في النسكافيه و صبي عليه خليط الكريما الى ان تنتهي الكيمه و اخيرا رشي عليه بودرة الكاكاو و انتهينا .

( احلى شي في هالحلا انه البسكوت يصير كيييييييييييييييييك )

جربوها راح اتحبوها ههههههههه

تحياتي لكن

مع السلامه