السلام عليكم ورحمة الله وبركاته
كيف حالكم حبيباتي
ما ادري من وين ابدا بس انا معي ورم حميد في الغدة الدرقيه معي 3 عقد في الجهه اليسرى و4 في اليمنى بس اليمنى صغار اما اليسرى حجم عقده وحده 3.5
انا لين الحين ما عطوني ولا دواء ولا شي صار لي سنتين في مستشفى الاتوام بس ارجعهم , وكل مره يخذون مني خزع ومن غير ان اوقات تكون الخزعه مش كافيه ..اخر مره رفضت اسوي خزعه الانها تسبب لي الم وحتى صوتي تغير من بعد الخزع وطلب الدكتور اسوي خزعه للمره 4 بس انا رفضت بس هو اصر وقالي ان الي فيني ورم حميد بس ع شان يطمنون يسون لي خزعه
انا قريب موعدي في المستشفى ومحتاره اروح او لا
اخاف ان ما رحت يتحول الورم الحميد لخبيث وبعدها ما ينفع الندم
ومن جهه ثانيه تعبت من الخزع الان يجيني الم منهم والالم مستمر معي لين يومكم هذا
نصحوني شو اسوي ؟؟!!
انا سمعت ان تايلند تعالج وسنغفوره بس انا ما ديتي مش ذاك الزود ومعي دين في البنك..ولا اعرف كم هناك بيكون علاجي
نصحوني اتعالج وين وفي اي بلد وكم تكاليف السفر وشو احسن مستشفى
اكمل علاجي او اوقف ؟؟!! ساعات اقول بتركه وبتوكل على الله ..
التوكل حبيبتي يكون بالأخذ بالأسباب ثم الثقة برب الأسباب
أما بترك وأتوكل فهذا تواكل وتخاذل .. واتبعي تعليمات الطبيب الحياة كلها ليس لها قيمة اذا فقدت الصحة ..
الله يحفظج الغلا ويشافيج عاجلا وعليج بالصدقة
بالتوفيق اختي
اختي انا مريضة غدة اتواصلي وياي عالخاص واقولج قصتي كلها والحمد الله انا الحين الحمد الله
كنت محبطة نفسج .. انا عندي خبرة وبدلج على أفضل دكاترة في الدولة ورا وأسعارهم حلوة
المشاركة الأصلية كتبت بواسطة love rak 
كنت محبطة نفسج .. انا عندي خبرة وبدلج على أفضل دكاترة في الدولة ورا وأسعارهم حلوة
هلا اختي
ليش ماتنزلين تجربتج وقصتج ويا المرض والعلاج هني
عشان الكل يستفيد
ولج القرار
إختي love rak
ممكن ع الخاص للضروره
صدق كلام الاخت نزلي قصتج وتجربتج علشان الكل يستفيد انا الوالده فيها غده
