السلام عليكم
بنات بليزززز بغيت اسالكم بس منو جربت دواء الثيروكسين 50 لخمول الغده الدرقيه ؟
وهل ينزل الوزن هذا الدواء مع الاستعمال ؟ وشو فايدته هالدواء بالضبط
والي تعرف مكان زين او دكتوره زينه بليييييييييز ماتبخل عليه وابا تجاربكم مع الغده الدرقيه وشو اسوي علشان مايزيد وزني بلييييييييييز
السلام عليكم
هلا اختي اذا انتي من ابوظبي روحي مستشفي امبيريل كلج على ما اضن انه في شارع الدفاع ما متاكدة هذا المستشفي متخصص في الغدد الصماء
وكل الدكاترة استشارين غدد وروحي عند احسن استشاري عندهم الدكتور علي باقر واحد اسمه بعد علي بس مواطن هاذيله الثنينه الكل يحجز عندهم
والغدة الخاملة تمتن والغدة النشطة تضعف والحبوب تنزل الوزن بس لازم الدكتور هو اللي يقرر جسمج كم جرام يتحمل مثل بنتي صغيرة في الثنوية سمنت
جي فجة وكان مزاجها خايس وكله زعلانة وتصيح من ابصط شيء ورحت موعد السكر وشليتها ويايي وعملت لها فحص الغدة وقال الدكتور الغدة الدرقية
خاملة وعطاها حبوب 25جرام والحمد لله تحسن حالها
ماتشوفين شر
سلامااااااات ما تشوفين شر
مشكوره اختي فوعه والله يعافي البنوته يارب
بس للاسف انا مب من بوظبي 
وانا استعمل حبوب 50 التيروكسين
شو الفرق بينه وبين 25 الي تستعلمه بنتج والدوا اساسا شو يسوي ؟
مشكورين MAYAT و دبي 2024 يزاكم الله خير
سلامات اختي
انا كنت اخذ 50 و لما حملت زادوا الجرعة لـ 75
الدوا وظيفته يرجع مستوى الهرمون بالجسم لطبيعته
لانه لو نقص بتشوفين الاعراض المعروفة اكتبي في جوجل اعراض قصور الغدة الدرقية
و كل ما اقترب مستواه للطبيعي بتخف الاعراض
و منها الوزن الزايد ممكن تقدري تنزلي وزنك اذا كان اكلك و حياتك صحية
بالنسبة لاختلاف الدوز من 25-50-75 معناه
كل ما كان النقص اكبر في مستوى الهرمون بيعطوكي بالمستشفى جرعة اكبر
لذلك في حالة الحمل زادولي الجرعة عشان ما يحصل نقص عند البيبي
لان التوزيع يصير للام و البيبي
ان شاء الله تكوني استفدتي
المشاركة الأصلية كتبت بواسطة زنوبية 
