الوسم: الظالم

لو انا ريااااال كنت سويت طاف وما همني بس ليش الناس تحب تظلم

ليش الناس مب تاركيني في حالي

لا اعتدي على حدوالا اغلط على حد وحتى حقي اسكت عنه لاني ما ابا مشاكل مع حد

وفوق كل هذا يطلعون عني اشاعة انا رياااال

حسبي الله عليهم دنيا واخرة

من القلب ادعي عليهم الله يورني فيهم يوم

المشاركة الأصلية كتبت بواسطة nasaim

اهم شي انج وااثقه من نفسج وهم برايههم هم الخسرانات ولا تضايقين نفسج فديتج ولاشي

تسلمين اختي

بس قههههههههههههههههههههررررررررررررررررررررررر

حراااااااااااااااااااااااااااااااااااااااااااااام والله

حرااااااااااااااااااااااااااااااااام

لاتعوريــن راسج ..

اللي تعرفج وواثقــه منج ..ما بيهمها كلامهم

واللي ما تبا تتعرف عليــج وشاكــه .مشكلتهاا ..انتي مب محتااجــه لها

كيف الحال؟

بس حبيت اطرح موضوع موظف كان يزعجني ايام ماكنت اشتغل وكان سبب من اسباب تركي العمل

كان يستفزني بالكلام وماستحي مني رغم انه متزوج

وبالشغل اقل من العادي بس يحارب مني ومناك

مر على القصة وقت طويل

ولكن مرات اقول ليش انا طلعت من العمل وهو لا

صح انا طلعت بالاخير براي بس بزعل بعد منه

الناس قالوا لي ان شخصيتي ضعيفه لاني ماكنت ارد عليه بس انا ارد عليه مرات

كان يطالع العفو منكم بجسمي ويعلق حتى على لبسي

المشكلة الحين يوم مرة وقت على الموضوع وكبرت الحين عن زمان

اريد اشوفه وضربه واخذ حقي بكل مابقى لي من قوه

اقول كيف كنت ساكته عنه زماااااااااان كيف؟؟؟؟؟؟؟؟؟؟؟؟؟؟؟

زين شو اسوي

المشكلة هو كان ربيع اخو المدير وكان يدعمه كثير

حتى يوم طلعت من الشغل كان اخو المسؤول يستفزني به

وماخبرتهم بالي يسويه بس خبرتهم بشي واحد يوم قال لي

ان شغلك مايسوى وتعدى على عملي وجي

فشكلهم ردوا عليه بقوة

بس للحين مابرد خاطري منه

اعرف ان الله يهدي من يشاء وجي ولكن معقول ماخذ حقي

؟؟؟

معقول هو عادي وانا انضر زين انا اخذت جزاي وطلعت من الشغل وتبهذلت حتى حقي بنهاية الخدمه ماحد اعطاني ياه

هو عادي ؟؟؟

زين

وهو اصلا لي حق؟

اعرف اني سبب وقاحته لاني مارد عليه بس بعد هو ماله حق يسوي جي

بس اريد اعرف وينه عشان

اهد البيت عليه

فقط لا غير

اريد اهد ذاك المكتب بالي فيه

بس مادري كيف؟!

السموحه حبيت افضفض

بس نصيحة ماحد يشغل بناته عند رياييل الا اذا واثق انها انسانه قوية والمكان محترم

بس مايقولون ان الله مايسكت على الظلم والظالم عقابه في الدنيا قبل الاخرة ؟؟؟؟؟

زين ليش ماخذيت حقي ؟؟؟ ليش انا الظالمه وهو لا

اعرف ان الله مايحب الضعيف بس بعد الضعيف ماله حق ؟؟!

حبيبتي دعوة المظلوم في الدنيا سهام على الظالم

ويمكن هو نجح في شغله بس ابتلى بشي ثاني
او ان نجح في شغله بس عقابه في الآخرة عسيير

اهم شي انتي صفي نيتج وانسي اللي مضى عسب تعيشين
فكري بالحاضر والمستقبل

نحن يوم واحد من حياتنا ما نقدر نرجعه
فليش ما نفكر بالأيام الياية
أكييد بتكون أحلى وأحلى

بس المسألة محتاية لها صبر

المشاركة الأصلية كتبت بواسطة نونة الدلوعة

انتي مشكلتج للحينه تفكرين في اللي مضى
خلاص اللي فات مات
ونحن عيال اليوم
والريال اللي ظلمج ترى حقج محفوظ عند رب العالمين
واذا هو خذ حقه في الدنيا انتي بتاخذين حقج في الآخرة وحق الآخرة غيير غيير

حبيبتي دعوة المظلوم في الدنيا سهام على الظالم

ويمكن هو نجح في شغله بس ابتلى بشي ثاني
او ان نجح في شغله بس عقابه في الآخرة عسيير

اهم شي انتي صفي نيتج وانسي اللي مضى عسب تعيشين
فكري بالحاضر والمستقبل

نحن يوم واحد من حياتنا ما نقدر نرجعه
فليش ما نفكر بالأيام الياية
أكييد بتكون أحلى وأحلى

بس المسألة محتاية لها صبر

ورب العالمين قال في كتابه
[ وبشر الصابرين ]

مشكورة اختي

تعرفين اني كنت خايفه اقرا الردود

تدرين ليش؟

عشان الكل بيقول اني زودتها كثير وانتي تفكرين بالماضي

وان كل انسان له اختباره في الدنيا وانتي هذا يمكن اختبارك وجي

بس تعرفون اني مب قادرة انسى عشان جي اكتب في المنتدى الماضي عشان اطلع الي في خاطري في اشياء مااقدر اقولها

لكل الناس يفكرون في غلط بس هي اقول افضفض وجي واسمع كل الاراء حتى لو مزعجة بس سهل ابلعها

صح كلامك كل انسان له جوانبه انا يمكن افكر بموضوع الوظيفه عشان كان شاغلني وايد وقتها والحين يوم ما لقيت وظيفه انقهرت منهم

ومن تصرفهم رغم اني عندي مسؤولية

بس جي

فضفضة واعبر عن افكاري

هو انا بصراحة ماحبيت المكان صح الشغل اريده بس المكان ماحبه

والاخ كملها علي

بس صعب تقعدين في مكان يوصل التطاول فيه لهذي الدرجة

!

بس مب مهتمه يمكن احصل شي احسن منه حتى لو بعد اربعين سنه

مب كل شي نسمعه نصدقه …

واذا صدق وينها من رب العالمين تدعي الله لين نهار بسجودها والله مايرضى بالظلم على عباده والله أحن من أي مخلوق على وجه الأرض

الله ييسر امورها ويفرجها عليها يارب ,,, هي ولية نفسها اذا تجاوزت السن القانوني لكن اذا عمرها صغير

لها ولا لغيرها

صبرٌ جميل والله المستعان

والله مايدري الواحد شو بيقول من هالبلاوي الي نسمعها الحين

بنات المنتدى الغالين اتمنى مساعدتي في هذا الموضوع لان فعلا انظلمت انا اشتغل في شركة في العين وعندي مدير رئيسي ومشرف علينا قدمت اجازة لمدة اسبوع وخذيت راحتي فيها بعد مارجعت نزل الراتب اكتشفت انهم قاصينه علي هذا غير الراتب اللي قبل قصوا علي يومين عذرهم اني غبت يومين وماقدمت بعذر وانا مقدمة وكل شي وعقب وحدة خبرتني من صووبهم انه مامقدمة بعذر ومتى خبرتني بعد مانزل الراتب والاجازة الطويلة اللي خذيتها قصوا راتبي منها مع انها اجازة سنوية واستحقها بس شو عذرهم كان يقولون ان السب ان مشخبطة في دفتر توقيع الحضور هم كانوا مشخبطين على مكاني عسب مااقدر اوقع عاد استغيضت ووقعت فوق الشخبطة وهذا اللي غايضنهم الحين اريد رسالة اعبر فيها عن مدى غضبي على مسؤلي ارجوكم ساعطوني غضب وظلم اريد رسالة تعبر ارجوكم +-

شو عرفج أنه الرسالة راح توصل ؟؟؟

او راح يقرونها أصلا ؟؟؟

فديتج أدخلي عند المدير و كلميه ولاتسكتين عن حقج

جدّدت عهدي بالوفا لأجل أخونك
وأشفي غليلي عن قسا ضيم الأيام

لازم أجدّد كل جرح بطعونك
وأذكّرك باللّي مضالي من أعوام

لازم أشوف الدمع يغسل عيونك
حتى تحس إحساس عاشق ومنظام

وأتركك حاير تحترق في ظنونك
بين التجافي والوصل تبني أحلام

ما قلت لك أقدر أنا أعيش دونك
وإن الوفا ماهو تخاريف وأوهام

شو فيك ذابل ؟ منخطف ليش لونك ؟
تضحك قبل منّي إذا جيت بهيام

جرّب طعم مر السهر في جفونك
جرّب تبدّل لذّة النوم بآلام

خل القساوه والغدر ينفعونك
وأنا على فعلي بشرواك ما أنلام

لا خنت قلبٍ بالمحبه يصونك
قول لي دخيلك كيف يهنالك تنام ؟

وسلامتكم

اعتذر المشرفه لوضع مشارركتي بالقسم العام لسبب حبي للقسم

صدجج والله كيف الظالم يهناله شي

خواتي انا في ناس سووولي مشاكل وظلموني وانا ساكته الهم ….احسني قمت اتعب من العيشه والعياذ بالله ..استغفر الله العظيم ….استغفر الله العظيم…

الله ايخليكم ادعولي الله ايفج همي وهالناس ايكفون شرهم عني ….4 سنين وانا متحمله و اقسم بالله العظيم انهم ظلموني وشوهوا سمعتي …. والين احين ايدوبرولي…ما اعرف شو السبب ..وليش …؟

بس ما اقول غير حسبي الله ونعم الوكيل عليهم

افففف من النلااس الي انفسهم ضعيييفه استغفر الله واعوووذ بالله منهم.

شوفي حطي في بالج شي وااحد ربي ويااج مهما صار

ولج رب اكبر عنهم ولج رب اقوا عنهم لاتحااولين تردين باللي سوه فيج بشي يغضب ربج

تمي ادعي ادعي ادعي

واللله انظلمت ظللم محد انظلمه في حيااته بس دعيت ربي ووربي والله وقف ويااي

وان اموري تيسرتي

اركعي لربج ادعيييه وكلي امرج له

وحطي في بالج هااي دنياا ! ورايحححهه تراهاا وماابيصيبج شي اللاا اللي كتبه ربي

وحطي في بالج هالدنيا كلنا رايحيين فيها ماشي بيدووم يعني لاتضاايجيين ياقلبي

ليش كل هالقسوة عليّ ؟ ليش دايماً يحط اللوم عليّ ؟ ليش يصعِّب الحياه معاه ؟ ليش يتغيَّر عليّ وىنا اللي أحبه وما زلت أحبه واغليه على نفسي وعمري وحياتي .. والله اني مو ناسيه أفضاله عليّ لين الموت ,, ليش يعلن أفضاله على الناس كلهم ودايماً يذكرهم بأفضاله عليهم وينكر أفضال الناس عليه ويتناساها ؟؟!!!!! موناسيه انه (ما كان) مقصِّر معاي بأي شيْ والله شاهد على كلامي وكنت أحس فيه وللحين لما ما يكون عنده فلوس وما يطلع بإيده يسوي عشان يلبي احتياجاتي عشان جذيه كنت أساعده وأحط إيدي بإيده وهذا من واجبي كزوجه مساعدته ,, خواتي : اللي نعرفه إنَّ ما فيه انسان في الدنيا ما عليه ديون سواء المراه أو الرجل المتزوِّج أو الغير متزوِّج الكل عليه دين بس دايماً ريلي يقول لي (أنا ما صار عندي ديون إلا لما تزوَّجتج) وهو كان عليه دين سيَّارته الفاخره يقولي ( كنت مرتاح لا اجار شقه ولا مسؤوليَّة بيت بس ديون سيارتي !! انتي شنو هامِّج مرتاحه لا دين عليج ولا هم يحزنون ودايماً يقول آنا ضعت آنا ادَّمَّرت . ما ادري شسوي بعمري) ويا كثر ما يتذمَّرمثل ( ما عندي فلوس , سيارتي خربانه ولا قادر أصلحها ) لا يحمد ربه ولا يشكره على كل حال … قولولي يا ناس شسوي بحالي وشنو ذنبي ؟؟؟ هذا شخص يبي يستانس ويرتاح ويتمتَّح بالحياه ويتزوَّج بدون ما يكون عليه ديون ,, يا رب رحمتك ,, العزوبي عليه ديون قد عدد شعر راسه وهو المتزوج ما يبي يكون عليه دين ؟؟؟للأسف يبيني عشان الفلوس تزوجني عشان مصلحته الحب صار بفلوس .. آآهـ يالقهر يجي عندي يتذمَّر ويشتكي وكل هذا عشان اليون اللي عليه ويدري اني بساعده وعارف اني امشي على كلام الله ورسوله .. والله كل ورثي وحلالي عطيته وما قصَّرت معاه قلت يمكن يرد له عقله ويحس فيني ويقدِّرني ويحترمني لأني دايماً وبكل شده أوقف معاه ولا أتخلَّى عنه (وكنت) أعطي أجار الشقه ومصرف البيت كله عليّ وحتى بنزين السياره عليّ وهذا عن طيب خاطر أسوي هالشي ولاّ آنا مو مجبوره اني أييبله فلوسي واصرف عليه وعلى سيارته وادفع كل شيْ عنه وأهو اللي للأسف ما يحبني مثل ما آنا أحبه ولا شاريني مثل ما شاريته وآنا اللي مغليته على نفسي وعلى كل الناس والله الشاهد على كلامي بل العكس يحب الفلوس وعمره وحياته الفلوس ويغليها أكثر من نفسه بعد والعياذ بالله والله ثم والله ثم والله لما ( كنت ) أييبله الفلوس ( كنت ) اسمع كلام حب وغرام وغزل ووأحلى من العسل ( وكاااان ) يدلعني بشكل كبير بصراحه آنا تعبت ومليت أساعد شخص ما يِبَيِّنْ بعينه واحد بس يبي فلوس ونوم وعنده علاقات محرَّمه ويشوف أفلام إباحيه والعياذ بالله وكلما أنصحه وأييب له أحادث عن الرسول عليه الصلاة والسلام يقولي يت المطوعه المتدينه.. هذا شخص يبي يُصْرَف عليه ويوكله ويشرْبه وينام معاه وبس ما يبي شخص يحبَّه ويخاف عليه ويسأل عنه ويدعيله وما يبي يكون ريّال مسؤول عن بيت وزوجه الله يهديه ,,, والحين آنا فلوسي وحلالي صُفر !! شنو ذنبي إذا ما عندي فلوس يتصل فيني يسألني والنِّفس خايسه ( هااا ما عندج فلوس ؟) والله انقهرت لأنه من يومين بطولهم ما شفته بس يسأل عن الفلوس .. حسبي الله ونعم الوكيل .. ليش لهذي الدرجه الإنسان مو قادر يعيش إذا كان على قد حاله ؟ لااا وفوق هذا كله ما يطلعني ولا يمشيني كله محبوسه في الشقه . كل طلعاته وروحاته وحياته مع ربعه واهله وإذا ييت على باله بس عشان حلاله!! هاملني وما يدري عن هوى داري ولا يفكر بحالي وانا اللي والله أحبه من القلب وشاريته من دون الناس ووقفت معاه ولا تخليت عنَّه بكل ما أملك وهذا جزايْ ؟؟؟!!!! حسبي الله ونعم الوكيل ,, السوق نسيت مكانه لأن أكثر من سنه ما طبِّيت السوق ولا أشتري للعيد ولا أفصِّل لي عبايات غير عبايه وحده بـ300 درهم لا ويقول غاليه وااايد وعصَّب على السعر .. وصابره على ابتلاء رب العالمين لي ولله الحمد .. والله لما يعصِّب يسبني ويْسب أهلي ويطعن في شرفهم وخاصةً شرف امي .. يالله .. ويرجع ويشكيلي ( بعصبيَّه ) عن ديونه وجِنَّه هو الوحيد فهالدنيا فقير وكل الخلق أغنياء وتجار .. وما زلت صابره لين رب العالمين يفرجها عليّ وانا متأكده من هالشي ولله الحمد ,,,, المهم ,,, الظاهر الجلسه اللي فيها فلوس ومصاالح تسوى وتحلى وفيها خير ومنها فايده والجلسه اللي ما فيها فايده ولا عايده ما تسوى ولا تحلى .. وهذا مو مجرد كلام بالعكس صار معاي واللي قال هالكلام هو أقرب الناس لي ( زوجي ) إذا الجلسه معاي ما وراها فلوس يقول لي خل أقوم أروح أحسن من أقعد معاج وانتي ما مِنِّج فايده والله صار فيني القلب والسبَّه هالانسان اللي ما عنده احساس ولا مشاعر ليش يسوس فيتي جذيهوالله ثم والله يطوف عليْ رمضان وما أقدر أفطر ولا أسويلي شي من تصرفاته وإهاناته لي ولأهلي ومن المعاناه اللي عايشتها معاه والله العالِم بهالشي عايشه بروحي آكل بروحي ونام بروحي والله تدرون اني ما أروح الصالون أُهو يحف ويهي وحواجبي !!! أدري راح تستغربون وما راح تصدقون بس والله هذا الحاصل عشان ما أصرف 40 ولاّ 50 درهم .. حسبي الله ونعم الوكيل .. أول رمضان لي معاه بأول زواجنا كان متزاعل مع أهله ومتهاوشين قام يسبي ويهيني آنا واهلي وقاللي ( يا بنت ؟؟؟؟؟؟ ) عن أمي الله يحفظها ويطوِّل بعمرها يا رب ( يا بنت ؟؟؟؟ ) عن ابوي المتوفى رحمة الله عليه ( يا بنت الذين كفروا) ( يا بنت الزطوط ) آنا بتزوَّج 2 و3 و4 مثل ما قال الله ؟؟!!!! وانا أقول بقلبي انت قادر تْعيِّشني عشان تْعيِّش 4 ؟؟؟ وبعدها ردَّت اسطوانة الشكاوي وقال لي (ما عندي فلوس للأجار ولبطاقات البنك خلاص بكنسِل الشقه وروحي عند اهلج وعيشي هناك لين تتيسَّر الأمور وشكيت لاختي العوده وردَّت عليّ أفا عليه هذا ولدنا لازم نوقف معاه ) تدرون شنو سوِّت اختي باعت ذهبها كله طرِّشتله فلوس وهو عنده خبر ان اختي باعت ذهبها عشان تساعده وعلى فكره محَّد يدري عن هالسالفه إلا آنا وزوجي واختي بس هذا الكلام كان 2024 في رمضان ولين يومكم هذا ما ردهم والله ما يستحي على ويهه مع انه ألحين ومن سنه و4 شهور اشتغل في مكان راتبه قوي بس للأسف الطمع مازال وأقوى من قبل .. حسبي الله ونعم الوكيل ..
يوم من الأيام حسيت بتعب وقمت أرجِّع واايد ووداني عياده خاصه وطلعت حامل لي شهر بس توقّعوا شاللي صااار ؟؟؟؟ عصَّب عليْ شوي ويضربني وخلاني أجهضه غصبن عني بعد ما كنت فرحانه لأني حامل من أغلى انسان بالكون بحياتي وللأسف هذا الشخص ما خاف من الله ولا من عذابه لزهق روح بريئه ويقول لي حملتي عشان تبين تفضحيني وتدخليني السجن !! والله غريبه مثقّف بس بدون عقل أبد ..وفوق هذا كله صابره على بلاويه ومصايبه اللي قامت تزيد يوم بعد يوم والمصيبه الكبيره إنّه يبي يتزوّج عليْ ودايماً يقول لي الله محلل أربعه!! إنت ألحين وحده مو قايم بواجبك اتجاهها هالمرّه أربع .. طحت بالفراش أكثر من شهرين بسبّت هالموضوع والبلوه إنه دايماً يقول لي أحبّج والله أحبّج وأموت فيج وكتابه العظيم إني أحبّج من قلبي وانتي مو مقصره معاي بأي شي بس أهلي يبون يفرحون ويبون يشوفون عيالي@ الله يخليكم هذا كلام ؟؟ والحمد لله إنّه ما تزوّج وماراح يتزوّج أبد من حوبتي عليه((( موتت جوع ولا موتت قهر )))
رؤوس أقلام & تزوَّجني وهو منفصل عن أهله زعلان منهم وما يكلمهم ولا يسأل عنهم وآنا قعدت أقوله ما يجوز تتخاصم مع أهلك مهما كان هذوله أهلك وحاولت أقنعه عشان يزورهم بس ما رضى وعندها دعيت الله يساعدني إذا هالزواج مكتوب لي ولا لأ وتم الزواج وكل الناس يعرفون إلا أهله وأقاربه وربعه .. الله يهديه .. وبعد زواجي بأشهر تصالح مع أهله وكنت فرحاانه حييل وقلت له خل نزورهم رد عليّ ما قلت لهم اني متزوج ؟؟؟ سالته ليش ؟؟ رد مابي أقولهم كيفي ورد على طبعه الأوِّلي وزياده وألعن من قبل .. الله المستعان .. والحين امه تبي تزوجه بنت اختها وما يبي يعلن زواجه مني !!
وان شالله ما يتم اللي فباله لأن الحين عنده فلوس عشان جذيه مو مهتم وعشان جذيه أبشتغل ,,,,,,,
خواتي عطوني الحل واللي يرحم والديكم ويفرجها عليكم ويخليلكم رياييلكم ويبعد عنكم الحاسدين والحاقدين وبنات السوء..
للعلم / زواجي منه شرعي والحمد لله وموثق بالمحكمه وكل شي حسب الشرع والقانون ولله الحمد والشكر
والسلام عليكم ورحمة الله وبركاته

بس بما ان عندج خبر ان متزاعل ويا اهله كيف وافقتي عليه

هذا ويا اهله جذه كيف وياج ..؟ لا تقولين زواج عن حب

هلا خواتي العزيزات كيف حالكم ان شاءالله بخير
انا غبت عنكن مده طويله لكن غصب عني عندي مشكله كبيره وأبغي دعواتكن لي بالفرج القريب