مرحبا الغاليات
حبيت استشيركم بشي
انا ولدي عمره 7 شهور وحابه اعطي ولدي
حليب فرش يعني ابقار العين وهالسوالف
يستوي وإلا يضره
لاني اعطيه حليب صناعي والسبب ان صدري ما يسوي حليب وايد
يعني يدوب رضعتين فاليوم وينشف
فقلت الفرش احسن من الصناعي وإلا شو رايكم؟؟
اللي عندها فكره يرررررررررريت تفيدني
أنا أنصحج أختي تعطينه الحليب المجفف المناسب لعمره لانه ولدج بعده صغير, لانه الحليب الفرش ثجيل علية واذا تبين تتاكدين سالي دكتور أطفال.
تسلمين ام عيالها ع النصيحه
بس بغيت حد مجرب
وينكم يا امهات ؟؟
لاااااااااااااااااااااا
الحليب الفرش ""حليب البقر"" ما يتحملوونه اليهال الي اقل من 11 شهر. هذا الي قاله لي الدكتور وقريته فكتاب بعد…….
يوم كمل ولي سنه استشرت الدكتوور اني اعطييه قال اذا بتعطينه لازم تعطينه فيتامينات معاه لان الفرش فيه فيتامين اقل من المجفف…
لان المجفف يحطوون فيه الفيتامينات والمعادن الي يحتاجها اليهال..
استشيري اي دكتور وتوكلي ع الله
تمي على الحليب المجفف .. انا سألت الدكتور وقالي الحليب المجفف احسن لنه فيه فيتامينات وايد … ومناسب للطفل … والكالسيوم فيه احسن للطفل … ولدج صغير على الفرش … وبيكون ثجيل عليه …
اذا تبين تعطينه حليب فرش عطيه من عقب السنه … انا ولدي عمره سنه وشهرين .. اعطيه الصبح حليب فرش قليل الدسم لنه خفيف … وفليل اعطيه مجفف بيبيلاك 3
حبيبتي على خط الامومه اللي مسويته مدينة دبي الطبيه يسجلونج من تحملين اليييييييييييييين يكمل ولدج 3 سنوات تتصلين الهم على الخط المجاني يردن عليج اخصائيات تغذيه يفيدنج باي استفسار ومن بعد ما تسجلين يتصلون لج بين فترة وفترةواذا كمل ولدج 6 شهور تتصل وتقولج شو تطعمينه واطرش لج كتيبات تفيدجويوم يكمل سنه اطرش له هديه وتخبرج شو تاكلينه
وانا سالتها لما كمل ولدي قراب السنتين هل اعطيه حليب المراعي البقر فكان الرد نفس ماقالت اختي كل الرقه
سجلي وصدقيني ما بتخسرين وهذا رقمهم 80099384
لا تنسيني من الدعاء
اختج ام وافي
لا تستعملين الحليب الفرش
الطفل ما يتحملة بالفعل
مثل ما قالوا الاخوات
انا في ولدي نفس الشيء ما كان يمسك الصدر ابدا
فقمت اعطية حليب سيميلاك
اسالي الدكتور او الدكتورة اللي تراجعين عندهم
شو الحليب الافضل
مشكورررين عالمرور