الوسم: الشخصي

كـــيف أحطلي صورة رمزية في ملفي الشخصي ؟!

اممم مرحبا شحالكم امم ابا اعرف كيف احطلي صورة رمزية او شخصية في ملفي الشخصي
و شكـــرا

هلا ختيه

اول شي دخلي على لوحة التحكم عقب اختاري من العمود في الجهه اليمين تعديل الصورة الرمزيه وختاري من القائمه اي صوره بغيتي

اختي ام مايد ما قصرت

ڷآ آڷهُ آڷآ آڷڷهُ وحڍهُ ڷآ شُريڲ ڷهُ ڷهُ آڷمًڷڲ وڷهُ آڷحمًڍ وهُو عڷۓ ڲڷ شُي قڍير


قال الله تعالى:فى سورة الأنبياء

وَذَا النُّونِ إِذْ ذَهَبَ مُغَاضِبًا فَظَنَّ أَنْ لَنْ نَقْدِرَ عَلَيْهِ فَنَادَى فِي الظُّلُمَاتِ

أَنْ لَا إِلَهَ إِلَّا أَنْتَ سُبْحَانَكَ إِنِّي كُنْتُ مِنَ الظَّالِمِينَ ﴿87﴾ فَاسْتَجَبْنَا لَهُ وَنَجَّيْنَاهُ مِنَ الْغَمِّ وَكَذَلِكَ نُنْجِي الْمُؤْمِنِينَ

تم الرد

ربي يوفقج اختي

الملف الشخصي لاحدي العضوات

السلام عليكم و رحمة الله و بركاته

حبايبي ممكن تساعدوني؟

ادور الملف الشخصي لاحدي العضوات و لكن ما احصله..

في طريقة ممكن احصل؟

مشكوووووووووووووووووووورة

يعني من اسم العضوة اقدر اشوف الملف الشخصي مالها,,,,,بعد طريقة ثانية ماجربت!! ان شاءالله البنات يفيدونج

جزاج الله خير غاليتي

تم فديتج

رقم نارمان الشخصي منو يعرفه

سمعت ربيعتي بدوام تقول نرمان تشتغل بروحها من غير ما تعرف هيفا واسعارها حلوه صح الكلام واذا صح ممكن رقمها بليييز

احذفي الموضوع حرام قطع الارزاق الكل يدش المنتدى شو لو وصل هالكلام لهيفا ويمكن ما يكون
صحيح

صح يمكن الكلام مب صحيح وعلى فكرة ناريمان مكياجها موووول مب حلو لا ينقص عليج

سبحانك اللهم وبحمدك أستغفرك وأتووووووب اليك

ليش احذف انا حبيت اعرف اذا بروحها ابا رقمها لانه مستحيل بكون سعرها نفس هيفا وشو يعني هيفا عرفت شو هي شارتنها من بيزاتها الله يهديج

ما أعرف الصراحه
بس انصحج فيها
ميكبها روعه
اتمكيجت فعرسي وللحين الناس ترمس
عن مكياجي

الله يوفقج

واذا حصلتيه طرشيلي اياه

مصووووره محترفه فالتصوير الشخصي

اخواتي بغيت مصوره محترفففههه

فالتصوير الشخصي اللي تعرف تساعدني

اعرف وحده مواطنه من راك تسوي البومبات وتصوير شخصي

للررررفع

كم اسعارها الغاليه

وممكن رقمها

up upu pu

ڛبُحآن آڷڷهُ وبُحمًڍهُ •• ڛبُحآن آڷڷهُ آڷعظيمً
ڷآ حوڷ وڷآ قوة آڷآ بُآڷڷهُ

سبحان الله وبحمده
سبحان الله ربي العظيم

الملف الشخصي لظبيانيه

السلام عليكم و رحمة الله و بركاته
اشحالكم بنوتات؟ عساكم بخير ^_^
حبوبات.. من كم من يوم أدور الملف الشخصي لظبيانية الماكيرة
و حصلته ف الدوام

بس ف الدوام.. الصور ما تظهر -.-
فبغيت ملفها الشخصي لو سمحتوا = )
و شكرا مقدما
لكل اللي بتساعدني ^_^

للرفع

فوووووق ^_^

حصلت رقم تلفونها

ظبيانيه من بوظبي 0503143419

تسلمين فديتج.. بس انا ابا اشوف شغلها قبل ^_^

فوق فوق

دورت امس ما لقيت

في بنات تعاملو وياها اساليهم

شوفي قسم المكياج اذا وحده تعاملت وياها اساليها

كيف ادخل بمواضيعي ماعرف اتغير الملف الشخصي ؟؟

خواتي كيف ادخل بمواضيعي وين اسير عسب اشوف كل مواضيعي وبارك الله فيكن

ما يباله شي الغاليه ..

ادخلي على ملفج الشخصي …

بتحصلين مكتوب معلومات عني – الاحصائيات – الاصدقاء – معلومات الاتصال

انتي اختاري الاحصائيات ..

وهناك بتحصلين مشاركاتج

بتحصلين فالصفحه فوق (( لوحة التحكم )) دشي بتعرفين الباجي

يزاكن الله خير

اليوم حصلت مواضيعي مكتوبه نفس قبل في الملف الشخصي والبارجة ماكان مكتوب

الحمدلله ومشكورات خواتي ^^

الملف الشخصي للعضوة حنايا

هلا والله
في تاجرة فضية من متى ادور ملفها الشخصي
اتبيع عبي
اسمها حنايا حد عنده

اسمها

7ـنايـا

مشكورين وايد

انشالله لقيتيها

؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

وين راااح رايي الشخصي ؟!

السلااااام عليكم ورحمة الله وبركاته

وين رااح راااي الشخصي .بديت اسال نفسي هالسؤال ما لقيت له اجابة
ما عندي راااي اصلا ..كلما حد تكلم وبغيت اعطيه رايي يقنعني برايه وعقب اسكت
ومرااات لما يكون عندي رايي واطرحه ما عندي ادله اقوويه فيه راايي..
ومناقشة عندي زيرو على الشمال .. ما اناقش حد لان مناقشتي دايما تفشل
مثلا ذاك اليوم انا كنت بناقش وحدة عن تلفوون انا ماخذتنه ..وتميت اتمدحلها واقولها فيه هالمواصفات ..وبعدين هي سكتتني بلحظة وقالت هالتلفون مب ذاك الزود فيه احلى منه ..وحبطتني وما قدرت ارد عليهااااا …

وشي ثااني فنون الرد ..بعد عندي زيرو ..عندي وحدة من ربيعاتي لساانها طويل وتعق كلام كااش ..هي كارهتني ودوم تعق عليه كلام وانا دووم اسكتلها لاني بالاساس ما عندي جواب لها ..وتبون الصراحة من كثر ما هي تسكتني وتعق علي كلام اخاف منها ..اخاف اقولها شي وترد عليه بدال واحد عشششر … اتجنبها مع انها وحدة من ربيعااااتي

وهذي هي معاناتي ، كيف اقوي من قابليتي للنقاااش ، لان وايد مرااات بعد ما اخلص من النقاااش احاسب نفسي اقول لو انا قلتلها جي جان سكتها .بس شو بعد فوواااات الاواااان

على قولة ربيعتي انتي ما عندج سرعة البديهة

استويت ششرااات صم بكم عمي ..ومحد ياخذ براايي مثلا لو اقول حق وحدة عليج بهالصالون تقولي خيير ..ولو خيتو تقولها عن صالون اللي انا اقترحته ..على طول يقتنعووون

اوجدولي حل مع هاي الازمة

انتي مثلي انا قبل جذااا كنت
عقب برووحي عوة نفسي عسبت افهم غيري وحتي كنت انااقش باشياااء تافه لين ما عودت نفسي ^^

خخخخخ

اعـآني من هالموضوع ><

حتى اخر مرة انقـآلي
فيج برؤد وما تاخذين حقج من سكؤتج

المشكلة
مااعرف كيف اتغيــر
وموضوعج يـآ في وقـته

ان شاء الله الخؤات يفيدؤنـآ . .ِ

الغالية التجربة هي اللي تعلم،، وما بتقوى شخصيتج إلا لو حاولتي،، يعني مثلا ،،
لو تعرفين فلانة لسانها طويل،، قبل لا تتلاقين وياها قول "اللهم اشرح لي صدري و يسرلي أمري و احلل العقدة من لساني" ورددي "الله يهديج " أو مثلا "ها رايي الشخصي ولج رايج الشخصي" يعني دربي نفسجي، وكوني على استعداد، واحفظي الكلام اللي تبينه تقولينه… عشان يوم تشوفينها تكونين حافظة ردج وما تترددين،،
شوي شوي و بتقوى شخصيتج،، بس حبوبة ترا الاحترام بعد واجب،، ^_^

شوفي حبوبه اختاري كلماتج بعنايه يعني اذا ربيعتج تبربر وتقول كلام انتي تقدرين تقولين لها كلمه تسكتها
على حسب الموقف حتى لةو تميتي ساكته لاتفكرين بلامها فكري بالكلمه الي بتقولينها وجي روحج بتتعودين وقولي الكلمه بصوت مسموع وبثقه وطريقة النظر و الوقفه يلعبون دور مهم ويوم بترمسين لاتتلفتين يمين ويسار جنج تبين حد يكمل كلامج لا طالعي البنت فعينها …

ومووول لا تستخدمين السب كوني راقيه و تقدرين يوم هي ترمس تبتسمين ابتسامه انج مب مهتمه وجي بتنقهر

يعني على حسب الموقف …

تدربي عالكلام بينج وبين نفسج

خللييج وااثقه من كلامج ومن رااايج وحاولي انج تثبتين للكل انه راايج هو الصح قد ما تقدرين واذا بغيتي ترمسين ارمسي بصووت عاالي..ههههه احيد قبل يوم كنت ارمس محد يسمعني بس الحمدلله قمت هالاياام اتفلسف وااايد وارمس بصوووت عالي عسب يخاافوون مني,, وبس

الله المستعاااان ،، وأنا بعد شراااتج وإن شاء الله البنات يفيدوننا

موضوع للنقاااااش . راتبج او مصروفج الشخصي

ياني فضول من قريت موضوع عن المعاش وانه ما يتم شي ما اذكر اسم الموضوع بالضبط بس كان يتكلم عن بنت تشتري هدايا حق ربيعها بمعاشها

من قريت الموضوع وانا في بالي موضوع وااااااااحد لا غييييييير:

اللي تشتغل: على شو تصرف راتبها؟ وهل يتم الراتب عندها ليييين اخر الشهر ولا يخلص من البداية؟

واللي ما تشتغل (يعني ابوها او امها الله يحفظهم يعطونها): يتم عندج المصروف ولا يروووح كله وما يتم شي؟

عن نفسي انا كملت في شغلي شهر وشي وبعدني حيه الحمد لله لوووول وعن راتب الشهر الاول الحمد لله بقى منه مبلغ مممم يعني زين مب وااايد بس زين للطوارئ عسب استفيد منه

وعلى ايام مصروف الوالد الله يحفظه ويخليه لي ياااااااااااا رب الصراحه اييي شي حاولت اني اجمع ولو شوي ما قدرت لاني كله كنت اصرفه على الكليه وايام التدريب ههههههههههههه

يلا انتظر ردودكم ^__^

انا متزووجه وما اشتغل

مصروفي قليل مرات وهالمرات نادره يبقى منه شي واغلب المرااات ما يتم منه شي وعلى آخر عشر ايام اطلب من ريلي المزييد .. بس الحمدلله انا من النوع الغير مسررف ويوم اشتري اشتري اخلص اموري كامله ..

ويووووم كنت عند اهلي .. الصراحه يبقى من المصرووف لاني مثل ما قلت انا مب مسرررفه فكنت ايمع من مصروووفي

ووووبس

ومشكووره على الموضوع

انا ادرس ^^

تبين الصراحة

ماعرف لو يزيد ولا ينقص

خخخ

بقولج ليش

لان دوم احصل زيادات مني مناك من امي وابوي واختي واخوي

عندي حساب في البنك مرات اسحب منه وماحسب كم سحبت !!

بس عموما انا مقسمة مصروفي صح اتوقع

^^

خخخخخخ

انا صرييييفه نبر ون الصراحه ,,,

ومايتم من مصرووفي شي ,,
اتمنى اتعلم كيف يقسمون مصروفهم ,, وكيف يحاسبون ع الفلوس ,,,

صراحه وايد اصرف ع اشيا ما استخدمها لين ماتنتهي صلاحيتها ,,,><

وهـ الشي مضايقني وايد ,,

أنا معرسة ^^

مصروفي من ريلي طبعا ^^
أخسره اكيد فسوالف الحريم ^^

لكن الحمدلله عندي حصالة ماتنفتح ,, وشهريا 2 في المية من المصروف أحطه فيها ^^

ومرات يتم من الباقي لين الشهر الي بعده ,و مرات مايتم حسب الطلعات والزيارات والمناسبات ^^

مشكووورييين عالردود وحده وحده ^__^

اختي اكبر دلوعه ترومين تسلمين نص مصروفج او مصروفج كله لامج مثلا واتقولين لها اتيمعه بدالج واذا احتجتي شي اتروحين اتقولين لها انج تبغين الشي الفلاني عسب تعطيج وامج بتشوف اذا ها الشي لمصلحتج ولا لا عسب اتوافق تعطيج او لا ^__^ ماعرف بعد

انا ناااادر كنت اجمع مصروف الوالد بس مرات يوم كنت اقسم بيزاتي احط شوي من البيزات في مكان في البوك بعد فتره طوييييييييله انسى سالفه هاك المكان المخشوش لوووول فاتم البيزات عندي لين الشهر الياي واتشوفيني شاقه الحلج حتى لو كان المبلغ بسيييط لاني مرات كنت احتاج لبيزات اكثر في الشهر اللي بعده خخخ

الله المستعان

اذا تعرفين بان المبلغ البسيط يستطيع ان يطعم اسرة كاملة لمدة شهر … واحنا نصرفه على اشياء تافه

{ وكُلُواْ وَاشْرَبُواْ وَلاَ تُسْرِفُواْ إِنَّهُ لاَ يُحِبُّ الْمُسْرِفِينَ }الأعراف31

فلواحده مايقول الا …………

((اللهم لا تؤاخذنا ان نسينا او اخطأنا ))

(( ربنا لاتحملنا مالا طاقة لنا به واعف عنا .. ))

., درس كيفية وضع الشريط للمناسبات في التوقيع الشخصي ,.

مرحبا صبايا .. وايد بنات طلبوا كيف نسوي هالشريط اللي نحط في تواقيعنا ..
وبناء على طلب الاخوات حبيت اسوي هالدرس شرح كامل بالصور ( بالتفصيل ).

..

., درس كيفية وضع الشريط للمناسبات في التوقيع الشخصي ,.

1- تفضلي هذا هو الموقع : http://daisypath.com/

2- اختاري من بين الصور الموجودة : Wedding

..

3- في خيارين , طبعا اخترت الخيار الثاني ع اليمين واللي هو: Full Size Ticker
اضغطي على كلمة: Next

..

4- في هذي الخانة : Choose a sceneتختاري الشكل اللي تبينه يكون في توقيعج الخاص.
وتتحكمين في الارقام اللي فوق : 1 2 3

..

والشكل اللي تبينه اضغطي عليه وبيطلع معاج في هذي الخانة : Preview
وبعدين اضغطي على : Next

..

5- في خانة الـ Slider options تختارين الشكل اللي تبينه واضغطي ع الصورة اللي تبينها
وفي خانة الـ Preview بتجوفين الشكل بالصورة وبعدين اضغطي على : Next

..

6- في صفحة الـ Add details

Event date = تاريخ المناسبة
اليوم + الشهر + السنة

..

Optional settings
Optional text to display above the ticker:
هالكلام اللي راح تكتبينه بيكون فوق صورة الورود.
ومب شرط تحطين كلام على راحتج اذا تبين.
واذا حابة تكتبين اضغطي ع المستطيل اللي تحت وبينمسح الكلام اللي فيه وتكتبين اللي تبينه.

..

Information below the ticker:
هالكلام اللي تكتبينه بيكون تحت صورة الورود.
على راحتج لو تبين تستخدمين هالخانة ولا لأ مب شرط تحطين شي

..

Personal picture on the left hand side:
صورة شخصية لو حابة تحطينها بتكون ع جهة اليسار من الصورة
واذا بتحطين صورة لازم صيغة الصورة او امتدادها يكون ( jpg )والحجم : اقل عن 100KB , او , اقل عن 600 pixels wideومب شرط تحطين على راحتج.

..

background color:
اذا حابة تختارين خلفية ملونه للصورة بدل اللون الابيض ^_^

..

7- في خانة الـ Preview بيظهر لج الشكل النهائي للصورة
وبعدين اضغطي على : Next

8- Ticker code snippets
Your ticker
جيه بيظهر معاج بالنهاية :

..

9- انزلي تحت واختاري خانة : Forum signatures:الخيار الثالث اللي هو : PseudoHTML, UBBCode and BB Code
وانزلي تحت شوي وبتجوفين مربع وفيه هذا الكود :

Code snippet: PseudoHTML, UBBCode™ and BBCode. Used on most forums.

..

سوي كوبي للرابط اللي داخل وبيست في توقيعج بالمنتدى وحفظ وخلاص ^_^

واي استفسار حاضرين للطيبين ^_*
عند نقل الموضوع يرجى ذكر المصدر لانه مجهود شخصي

يزاج الله خير غناتيا ع الطرح الطيب

مشكوووووووووووووووووووره حبيبتي و يزاج الله الف خير

المشاركة الأصلية كتبت بواسطة мěмσяίěş
يزاج الله خير غناتيا ع الطرح الطيب

اوب اوب اوب منو قدي اشق الحلج يوم اجوفكم متواجدين في موضوعي المتواضع

تسلمين على تواصلج الدايم معانا حبوبه ^_^

للرفع

المشاركة الأصلية كتبت بواسطة 88 so sweet
مشكوووووووووووووووووووره حبيبتي و يزاج الله الف خير

العفوووو فديتج .. حياج الله ^___^
نورتيييينا

المشاركة الأصلية كتبت بواسطة غرام العشق
للرفع

مشكورة حبوبه لرفعج للموضوع ^_^