موضوع للنقاااااش . راتبج او مصروفج الشخصي

ياني فضول من قريت موضوع عن المعاش وانه ما يتم شي ما اذكر اسم الموضوع بالضبط بس كان يتكلم عن بنت تشتري هدايا حق ربيعها بمعاشها

من قريت الموضوع وانا في بالي موضوع وااااااااحد لا غييييييير:

اللي تشتغل: على شو تصرف راتبها؟ وهل يتم الراتب عندها ليييين اخر الشهر ولا يخلص من البداية؟

واللي ما تشتغل (يعني ابوها او امها الله يحفظهم يعطونها): يتم عندج المصروف ولا يروووح كله وما يتم شي؟

عن نفسي انا كملت في شغلي شهر وشي وبعدني حيه الحمد لله لوووول وعن راتب الشهر الاول الحمد لله بقى منه مبلغ مممم يعني زين مب وااايد بس زين للطوارئ عسب استفيد منه

وعلى ايام مصروف الوالد الله يحفظه ويخليه لي ياااااااااااا رب الصراحه اييي شي حاولت اني اجمع ولو شوي ما قدرت لاني كله كنت اصرفه على الكليه وايام التدريب ههههههههههههه

يلا انتظر ردودكم ^__^

مصروفي قليل مرات وهالمرات نادره يبقى منه شي واغلب المرااات ما يتم منه شي وعلى آخر عشر ايام اطلب من ريلي المزييد .. بس الحمدلله انا من النوع الغير مسررف ويوم اشتري اشتري اخلص اموري كامله ..

ويووووم كنت عند اهلي .. الصراحه يبقى من المصرووف لاني مثل ما قلت انا مب مسرررفه فكنت ايمع من مصروووفي

ووووبس

تبين الصراحة

ماعرف لو يزيد ولا ينقص

خخخ

بقولج ليش

لان دوم احصل زيادات مني مناك من امي وابوي واختي واخوي

عندي حساب في البنك مرات اسحب منه وماحسب كم سحبت !!

بس عموما انا مقسمة مصروفي صح اتوقع

انا صرييييفه نبر ون الصراحه ,,,

ومايتم من مصرووفي شي ,,
اتمنى اتعلم كيف يقسمون مصروفهم ,, وكيف يحاسبون ع الفلوس ,,,

صراحه وايد اصرف ع اشيا ما استخدمها لين ماتنتهي صلاحيتها ,,,><

اختي اكبر دلوعه ترومين تسلمين نص مصروفج او مصروفج كله لامج مثلا واتقولين لها اتيمعه بدالج واذا احتجتي شي اتروحين اتقولين لها انج تبغين الشي الفلاني عسب تعطيج وامج بتشوف اذا ها الشي لمصلحتج ولا لا عسب اتوافق تعطيج او لا ^__^ ماعرف بعد

اذا تعرفين بان المبلغ البسيط يستطيع ان يطعم اسرة كاملة لمدة شهر … واحنا نصرفه على اشياء تافه

{ وكُلُواْ وَاشْرَبُواْ وَلاَ تُسْرِفُواْ إِنَّهُ لاَ يُحِبُّ الْمُسْرِفِينَ }الأعراف31

فلواحده مايقول الا …………

((اللهم لا تؤاخذنا ان نسينا او اخطأنا ))