الوسم: الشبت

المكونات

للعجينة
كوب ماء
ملعقة كبيرة خميرة
4 ملاعق كبيرة سكر
كوب حليب بادور
نصف ملعقة صغيرة ملح
بيالة شاي من زيت ( 100 مل )
2 كوب دقيق أبيض منخول ( قد يزيد عن هذه الكمية حسب الحاجة )
للحشوة
2 حبة بطاطس مسلوقة جيدا
1 بصل متوسطة بالحجم مقطعة لقطع صغيرة
نصف ملعقة صغيرة ملح
نصف ملعقة صغيرة بهارات
نصف ملعقة صغيرة كركم
نصف ملعقة صغيرة فلفل أسود
قليل من الشبت والبقدونس المفروم
للتغطية
صفار بيضه
ملعقتين كبيرة حليب سائل

التحضير
1.في وعاء ضعي الماء والخميرة والسكر واخلطيها حتى تتجانس واتركيها مدة ربع ساعة.
2.اضيفي حليب البودرة والملح والزيت واخلطي , ثم اضيفي الطحين واعجني حتى تختلط كل المكونات و يكون قوام العجينة مطاط ومتماسك.
3.غلفي العجينة واتركيها ترتاح لمدة ربع ساعة, ليتضاعف حجمها.
4.حضري الحشوة ( سخني الزيت واضيفي له البصل حتى يتحمر قليلا.
5.اضيفي الملح والبهارات والكركم والبطاطس المسلوق والفلفل الأسود , واتركيه مدة ثلاث دقائق.
6.اخيرا اضيفي البقدونس والشبت واتركيها حتى تبرد تماما.
7.قسمي العجينة لكور صغيرة ثم افرديها في راحة يدك قليلا وضعي مقدار ملعقة من الحشوة واقفليها بإحكام , ثم ضعيها فالصينية.
8.اخفقي صفار البيض مع الحليب , وقومي بدهن الوجه بهذا الخليط , ورشي قليل من السمسم أو الحبة السوداء.
9.اتركيها تتخمر ويتضاعف حجمها لمدة 15 دقيقة.
10.ادخليها الفرن على حرارة 180 درجة حتى تتحمر.
11.قدميها ساخنه وبالهناء والعافية.

المقادير:

– نص كيلو لحم عجل مفروم (مب المثلج لأنه ما بيتكور وياج)
– بقسماط
– حزمة شبت مفروم (ممكن أقل إذا ما تحبينها وايد..مثلي)
– زيتون أخضر مقطع
– ملح وفلفل أسود حسب الذوق

مقادير الصلصة:

– معجون طمام (اللي يكون في غراش مثل العلالي..مب مال البيتزا أو المعكرونة)
– ماي
– حبة ماجي
– زيتون أسود مقطع
– ملح حسب الرغبة

الطريقة:

عقب ما تغسلين اللحم, ضيفي المقادير كلها ما عدا مقادير الصلصة. كمية البقسماط والزيتون على كيفج. يعني حطي الزيتون لين ما تحسين إنه كفاية. مب وايد ولا شوية. والبقسماط ينحط لين ما تقدرين تكورين الكبة بدون ما تتفتفت وياج. اعجني المقادير كلها واضيفي الملح والفلفل الأسود وكوري الكبة.

ييبي جدر وصبي ماي فيه وحطي صلصة الطماط لين ما تشوفين لونه شوي غامج وطعم الطماط ينطعم في الماي. خليه يفور شوية وحطي الماجي والزيتون والملح إذا يحتاج. وبعدين حطي الكبة حبة حبة داخل الجدر وخليها تطبخ. كمية الماي لازم توصل لين نص مستوى الكبة. عشان يوم ينشف الماي شوي, الصلصة تكون غليضة شوية. قدميها ويا الخبز عقب ما تستوي وبالهنا والعافية.