الوسم: السفارة

السفارة الاندونيسية

هلا خواتي يعطيكم العافية حابة اعرف حد من الخوات اللي عندها خدامة ادونسية راحت عنها السفارة ؟؟؟؟؟؟؟؟؟؟؟ والله مب عارفة شو اسوي قمت الصبح ادورها اتحرها في غرفتها يوم دخلت ماجفتها عقب بلغنا عليها الشرطة واتصل ريلي المكتب قالو له ان موجودة هناك امطرشين بالفاكس؟؟؟؟؟؟؟؟؟؟؟؟؟؟

المهم قلنا الحمدالله ماسارت مع وااااحد ؟؟؟؟؟؟؟؟ الحين انا مب عارفة شواسوي والله محتارة حابة اخذ راااااايكم وتشورون علي من عنها زينه وانا مااعتمد عليها في اليهال اهم شي شغل البيت ؟؟

والحين رمضان ياي كيف اصرف اجرب ايبها البيت على ضمان اللي في المكتب ولا ؟؟؟؟ ومب قادرة ادور غيرها خلاص لاعت جبدي من الخدامات ؟؟؟؟

فاللي جربت وردت خدامتها اسوت زينه ولا وكيف تعاملها استوى ؟؟؟؟؟؟ ساعدوني مخي مفتر علي ؟؟

شو الحل؟؟؟؟؟؟؟؟؟؟ وكيف اصرف؟؟؟؟؟؟؟؟

لاحول ولا قوة الا بالله

حبيبتي أنا أختي صار معها نفس الشي مع إنها توها متزوجه وعندها بنوته وحده و ما تخلي الخدامه تلمسها

و غير هذا أخي بروحها تطبخ وتغسل ملابس ريلها و بروحها تسوي كل شي بس الخدامه عليها التنظيف

وهم شردت وراحت المكتب ورجعوها عندها .. بس يلست مع الخدامه وقلت لها ليش شردت

وقالت هي أصلا كانت تبي أتي عشان تكون مع ريلها

و تفاهمت معاها وقلت لها ترى ماراح يسفرونج إلا إذا إشتغلتي وجمعتي بيزات التذكرة تبين تسافرين وعقدج ماخلص

خلاص إشتغلي شهرين و خذي البيزات وسافري

وصدق ضلت في البيت ولين اليوم موجوده

تحياتي

والله مب عارفة شو اسوي يعني اتوكل على الله واردها ؟؟؟؟؟؟؟؟؟ وينكم خواتي ابا النصيحة؟؟؟؟؟

الله يعييييييينج , والله انها محنه وقلبي ويااج

هااي مشااكل الشغالات ..

انا عن نفسي اي شغاله تشرد او اتروح المكتب مستحيييييييييييييييييل اردها لانه اصحاب المكتب هم متكفلين فيها بس 3 شهور عشان جيه بيردونها لج وبيكلمونها على اساس اشتغلي واتحملي 3 شهور وعقب شردي وهم بيدفعون لج التذكره غصبن عنهم وهذا اللي يستوي للاغلبيه ………… بس انتي اذا رديتيها قوليلها انج بتحجزين قيمة التذكره وقوليلها يوم بتشردين والا تبين اتسافرين خبرينا وبنقص لج تذكره بفلوسج ………… والله يعينج الصراحه

لاحول ولا قوة الا بالله

الله يعينج

رقم السفارة في الهند

السلام عليكم
شخباركم يابنات فديت روحكن حد فيكم يعرف رقم سفارتنا في بمباي منطقة كولابا ممكن

ما اعرفه بس نحن ناخذه من الفندق

عندي رقم واحد يشتغل فالسفاره اذا تبغين بعطيج الرقم

حبوبه الرقم ماعرفه بس العنوان في تاج هحل الدور الارضي

السفارة الألمانية

بنات يوم تقدمون على فيزا شنغن… وعقب يزقرونج للمقابلة في السفارة..

شو الأسئلة اللي تنسئل في المقابلة ؟؟

ياريت تتفاعلون معاي وتفيدوني..

انا عن نفسي اسوي الفيزا في مكاتب تخليص المعاملات

الجواز مع الصور و 600 درهم ويخلص في اسبوعين لا مقابلة ولا اي شي

اللهّم اغننا بحلالك عن حرامك ،

وبطاعتك عن معصيتك ، وبفضلك عمن سواك ،

اللهّم لا تكلنا إلى أنفسنا طرفة عين ،

اللهّـــم آميـــن .

فيزه شنغل مايسون لها مقابله ، بس فيزه لندن وامركيا واستراليا

الفيزا بدون مقابله ولا وفكرية تسوينها بروحج من السفاره بيطلبون عليج اوراق وايد

سوئها من مكتب السفريات وريحي نفسح

اختي سويها من مكتب السفريات احسن ومن دون مقابله

ماشي مقابلات ..

ختم السفارة

بسم الله الرحمن الرحيم

خواتي انا مسوية تأشيرة حق خدامة بنغالية بس قالوا لازم نختمها من السفارة الي عندنا

ياليت الي تقدر تفيدني اذا شرط الكفيل نفسه الي يروح والا يقدر يطرش حد بداله وكم قيمة رسوم الختم

مع العلم اني من بوظبي

وجزاكن الله خير………..

وينكن ؟؟؟؟؟؟

اختي ليش ماتتصلين على السفارة نفسه واذا انتي من ابوظبي السفارة قريبا منج ليش ما تروحين افضل لج

السفارة البريطانية

بنات بليز أبا اعرف مركز تقديم التأشيرات باجر فاتحين ولا لأ ؟؟؟؟؟؟

ضروري بليز

أتوقع فاتحين الغالية الأحد دوامات ماشي إجازة

المشاركة الأصلية كتبت بواسطة بدر0البدور
أتوقع فاتحين الغالية الأحد دوامات ماشي إجازة

لا بس هم اجازتهم تكون السبت والاحد
يعني الاثنيين دوامهم

[ . . استخراج فيزة شنغن عبر السفارة الألمانية خطوة بخطوة.

عزيزاتي،،
حبيت أشاركم تجربة أهلي خصوصا أنه نحن خططنا فالعيد نسافر لأوروبا وبالتحديد نبدأ رحلتنا من ألمانيا ميونيخ ^_^
طبعا مب الكل عنده فيزا لذلك أتمنى أفيدكم بهالمعلومات، نحن جدمنا الفيزا الأسبوع اللي طاف والحمدلله طلعت خلال أسبوع،،
وعندي من هلي مجدمينها اليوم وربي يسهل عليهم،،

وبسم الله نبدأ ،،

الأوراق المطلوبة

(1)

Application form
استمارة طلب الفيزا

لازم تتعبأ الأستمارة الإنجليزي، وسهل تعبئتها والأشياء المطلوبة فيها أساسية اسم،تاريخ ميلاد، رقم الجواز إلخ
وتحصلون الاستمارة في هذي الصفحة: http://de.vfsglobal.ae/pdf/GermanVAF…y)0403.pdf

(2)

Instruction Form (For all Nationals)
استمارة الأوارق المطلوبة

هذي فيها مجموعة أسئلة عن تاريخ سفراتكم وغيره، سهله من ورقتين وكلها اختياري
http://de.vfsglobal.ae/pdf/Instruction.pdf

(3)
Declaration of Health Insurance( For all Nationals)

هالمستند إقرار بوليصة تأمين، بس توقعون عليها وتنضم مع أوراق الطلب
http://de.vfsglobal.ae/pdf/Declarati…ce0403.pdf

(4)
Declaration Letter
مستند تعهد بأن كافة المعلومات المرفقة صحيحة
http://de.vfsglobal.ae/pdf/Declaration.pdf

(5)
وأخيرا،، تطبعون هالورقة :
General requirements “Schengen Visa – Category C”
فيها جدول الأوارق المطلوبة، كل اللي عليكم تسوونه أنكم تحطون صح في المربع أنه هالورقة موجودة، وبعدين توقعون في الصفحة الأخيرة.

http://de.vfsglobal.ae/pdf/130529_AD…Gcc_230613.pdf


مستندات إضافية ومهمة

وهني اكتملت الأوراق اللي تعبونها، وعليك دعم طلبكم بالمستندات التالية:
1. صورتين شخصية (وفق المواصفات)
2. نسخة من جواز السفر
3. نسخة من حجوزات الفندق والطيران
4. رسالة عدم ممانعة سفر Consent Letter للأطفال تحت سن 18 سنة
5. تأمين صحي (هالورقة تسوونها عند أي مكتب سفريات Travel Insurance )
أو تروحون ثقة ضمان وتطلبون ورقة التغطية الطبية نحن سوينها عبر مكتب السفريات وخذوا 75 درهم للكبار و30 للصغار.


تحديد موعد المقابلة وتقديم الطلب

الموعد يتم عبر الموقع، دشوا هالصفحة وتقدرون تسوون موعد لمجموعة من 4 أشخاص كل مره، يعني لو كنتوا 10 أشخاص، كل أربعة لهم حجز في نفس الوقت مثلا 10:00 و أربعة أشخاص موعدهم 10:15 وهكذا.

بس طبعا تقدرون تروحون كلكم مع بعض وتخلصون أوراقكم مع بعض.

https://www.visaservices.firm.in/Jva…ppWelcome.aspx


يوم المقابلة في مركز طلبات الفيزا

في أبوظبي مكانهم بناية الأبراج الساطعة، حذال الخالدية مول
نفس بناية مصرف الشارقة الإسلامي، طابق 25
اضغط هنا للخريطة

طبعا تروحون هناك وبالدور، يستلمون طلبكم ويدخلون الأوراق وعقبها يأخذون بصماتكم والإجراءات المعتادة، بعدها يخيرونكم استلام الجواز عن طريق امبوست أو تستلمونها من المركز نفسه، ولكم الحرية.

نحن فضلنا نستلمها من عندهم، وفي ساعات محددة لاستلام الجوازات الأحد – الخميس من 3 – 5
ويطرشون لكم مسج عند اصدار الفيزا، ومدتها 5 سنوات.

والمعلومات إضافية موجودة في الموقع الرسمي http://de.vfsglobal.ae/

أتمنالكم رحلة سعيدة
ودعواتكم لنا بالخير

أتمنى يفيدكم الموضوع، بس ولا رد!

مشكورة أختي جزاك الله كل الخير أنا سويت الفيزا من فترة والحمدلله سافرت

مشكورة عزيزتي،،

جزاج الله خير اختى الغالية استفد من المعلومات..

العفو
وتسلمين ع مرورج الطيب

جزاج الله خير اختى الغالية استفد من المعلومات..

سؤال خبيرات السفارة

لا سرنا الصين لازم سفارة؟؟؟؟؟

واليابان؟؟؟؟

وشكرا

ما فهمت شو قصدج بالسفارة حبوبة ؟

يمكن تقصدين الفيزا ؟!

للأسف ما عندي فكرة و ان شاء الله البنات يفيدونج

بس الافضل انج تتصلين على سفارة الصين و اليابان و تسئلينهم

ايوااااا الفيزاااا لو يحتاجووووووووووووون

هي انا رحت اليابان.. لازم فيزا…

السفارة الامارتيه بمصر

اخواتى كيفكم
محتاجه حد يساعدنى عاوزة الموقع الالكترونى للسفاره الاماراتيه بمصر

بســــــــــــــــــــــــــــــــــــــــــــــــ ـــرعـــــــــــــــــــــــــــــــــــــــــــــ ــــــــه يا بنات تكفون

وجــــــــــــــــــــــــــــــــــــــــــــــــ ــزاكم الله خيـــــــــــــــــــــــــــــــــــــرا

للرفع

للرفع

السفارة الفلبينية والهندية والباكستانية موقعهم بأبوظبي

بسم الله الرحمن الرحيم

السفارة الفلبينية والهندية والباكستانية موقعهم بأبوظبي
وأوقات دوامهم وهواتفهم

ضروري

سبحان الله وبحمده … سبحان الله العظيم

للرفع

للرفع

الخدامة الفلبينية وتوقيع عقد السفارة

من شهر سويت فيزا حق فلبينية والمكتب خلاني اوقع على عقد 10 صفحات تابع للسفارة قالولي بس اجراءات عادية ….. منو سوت نفس الشي

ماعندي علم اول مره اسمع بهالشيءالي اعرفه المكتب للخدم يتكفل بهالامور