هلا خواتي
قدر الله ما شاء فعل
و عسى أن تكرهوا شيئا و هو خير لكم
بس بخبركم السالفة
المفروض قبل ساعة ونصف انكون في مطار دبي استعدادا للمغادرة لفيينا في تمام الساعة الثانية صباحا تاريخ 24
امرتبين الجنط ويا الياهال وامخلصين اول مرة انخلص من يومين الياهال مشتطين
و كل الياهال عندهم الفيز الا انا وريلي و بنتي الصغيرة فدخل الفيز من اسبوع و اشوي تقريبا 13 يوم واليوم الخميس سار يستلمهم الصبح اتخيلو هب امخلصات و يلس يحاول مني و مناك و اهني و اهناك لين الساعة 3 و لكن لا مجيب و طبعا صكروا و القهر ان السالفة كلها اختربت
اولا التذاكر قالو خلاص ما ينرد بيزاتنا و لا نقدر انغير التاريخ لانه ثابت ع قولتلهم والسالفة هاي خبرني راعي المكتب من قبل
ثاني شي خصموا المبلغ كامل مال حجز يومين في فندق فيينا
ثالث شي السيارة خصموا مبلغ المقدم كامل من المبلغ و كنسلوا الحجز
رابع شي الفندق اللي حاجزين في زيلامسي اخذ مال الغاء حجز اول يومين اهناك
الصراحة قهر يعنى احنا نستقبل الضيوف من مختلف العالم بفيزا من المطار و في اقل من سويعات و احنا نتذلل للسفارة بليا فايدة ما شي تعاون
الصراحة المفروض وزارة الخارجية اتسوي شي و لا و انقول للي في السفارة طيراتنا اليوم و بتروح علينا التذكرة اتقول نوت ماي بروبلم
هب قهر و الله الياهال فوق راسي ماما متى بنسافر و متى بنسافر
اللهم لا اعتراض بس حرام المبلغ يضيع هدر جيه لا في قانون و لا شي و التذاكر مبلغهم هب اشوي احنا 7 افراد اتخيلو قيمة التذاكر لفيينا
الله المستعان
(وعسى ان تكرهوا شيئا وهو خير لكم)
سبحان الله استوت النا هالسالفه بالصيف حد من قروبنا ماخلصت فيزهم وسبحان الله حد سار وحد ماسار
ومثل ماقلتي لاقانون يضبطهم ولا شي
صدق يقهرون
بس التذاكر كيف تروح عليكم كلها ؟؟؟؟ نحن رجعولهم التذاكر بس ناقص من كل تذكره تقريبا الف درهم
واللي غير التذكره عادي بعد يدفع فرق الف وشي ويحجزوله حاولي ويامكتب السفريات يحجزلكم او يردلكم البيزات
وربي يعوض عليكم خير
اختي انا نفس السالفه صارت مع حميي
بس مال مكتب السفريات غير له يوم السفر لكن زاد عليهم شوي
صج قهر لو انا جان دموعي ١٠/١٠/١٠ ههههه
يالله هاي خيره لكم
أموااج و عشق طاهر
مشكورات ع المرور و رفع المعنويات
لا ما يردون شرات العربية ما يردون البيزات يلست ادور طيران رخيص في زحمة العيد و راعي المكتب قال لي من البداية ما يستوي كنسل و لا تغيير قلت اوكيه بس الظروف استوت جيه الله يجازيهم ع كيفهم و بيزاتنا و نتذلل لهم
الله يرزقنا الجنة يا رب
حبيبتي وعسى أن تكرهوا شيئ وهو خيرا لكم واااااااايد يصير هالموضوع
بس والله قهر حسيت اني انا الي ما سافرت الله يعوضج خير
غاليتي مكتوب لج من السما قبل لا ينزل الارض
دفعه بلا يمكن كان صابكم مكروه لا قدر الله
بالعكس قولي الحمدلله يالغلا
وتوكلي على رب العالمين
والله بيعوضكم بسفره احلى واحلى ^_^
يمكن هاي تكون خيره الكم
قولي الحمدلله على كل حال
بس اسمحيلي اقول انكم انتو الغلطانين
اول شي الفيزا مسوينها وايد متاخر وانتو تعرفون الزحمة في السفارة واصلا السفارة وايد تاخر عكس مكاتب تخليص المعاملات
يعني انتو سرتو وحجزتو تذاكر غير مسترجعه و الفيزا مش ضامنينها
كيف جيه
المرة الياية اول شي تخلصون امور الفيزا وبعدين تحجزين
والحجز الغير مسترجع معروف انه فيه مخاطرة لان لو استوى عليكم شي او حبيتو تغيرون او تكنسلون خلاص يروح عليكم الحجز
المشاركة الأصلية كتبت بواسطة seemaa2022 
