الوسم: الرقاد

السلام عليكم ورحمه الله وبركاته

يبالج اختي اتكلمي مشرفه الباص وقوليلها وضع بنتج وان شالله خير

المشاركة الأصلية كتبت بواسطة عنوود

يبالج اختي اتكلمي مشرفه الباص وقوليلها وضع بنتج وان شالله خير

وانا معاها في راي

لا تسكتين وانتي خوفي بنتج وقوليلها
اذا نمتي في الباص مرة ثانية ما بتوصلين البيت
لازم الوحدة اتمي صاحية

ديري بالج لانه مره خوويه رقد ونسوه في الباص وراعي الباص رد بيته وكملنا يوم ندوره وبلغنا المخفر وتخيلي الولد نش ونزل من الباص في منطقه ثانيه وتم يمشي يمشي لين واحد في الشارع شله ووداه المخفر
يعني ربنا ستر

بنت اخوي عمرها 6 شهور امها متلعوزة في رقاده بخبركم كيف
ترقد 2 بليل وتقوم 11
بعدين ترقد العصر تقريبا ساعة او ساعتين بس
حرااام احس رقاده شوية
وامها خاطرها تعدل رقدها ساعدونا نخافها تتعود ع السهر
بلييييييز لا اطنشون محتاجين المساعدة؟؟؟؟؟؟؟

الغاليه خل تحاول أترقدها الظهر على الاقل ساعه وتخليها واعيه على الاقل لين الساعه 10 أو 11 وترقدها يوم يومين على هالحال عقب بتتعود روحه المسأله مش صعبه بس هي مسألة تعود وسمووووووووووووحه

اختي هـاي ياهل ماتقدرين اضبطين ارقادها لان في الفتره هاي تعاني من الغازات اللي في بطنها .. يعني يوم بتجوفينهـأ راقده عادي ,, واليوم الثاني رقادها متقطع ,, وانا عيالي من عشر شهور يبتدي رقادهم يعتدل ,,

احس ما تقدرين اتنظمين رقادهم هل وقت
لانه ولدي نفس الحاله و جربت اني ما ارقده الى الوقت اللي انا ابي

بس للأسف يتم الياهل متنرفز و وقت الرقاد ما يرقد خلاص

والله ياخواتي انا عيالي من عمرهم 40 يوم واحاول ارتب لهم رقادهم
ان بعد الساعه 12 خلاص مافي يلسه …

والمسأله يبالها صبر لان الياهل مب في يوم وليله نقدر انغيره لازم انعوده على روتين معين ..
ان من بدلنا ملابسنا وغسلنا وبدلنا البامبرز معناه وقت الرقاد
وسكرنا الليت وشربنا الحليب يعني خلاص نرقد احينه

أنا رآي من نفس رأي الأخت zoomyat لأن الياهل من هو صغير تعودينه …على روتين معين ..

والله يعينها

للاسف اني اعاني اكثر من حرمة اخوج..!
بنتي ترقد ع الساعة 6 الصبح.. طول الليل سهر وماشي رقاد..
حاولت اني ارقدها بسرعة بس ما رمتلها..
الله يعينا عليهم..

السلام عليكم خواتي,
ولدي ما ادري شفيه فالليل موووول مايرقد ساعة وحدة متواصلة لازم كل شوي انش و اعطيه اللهاية ولا الحليب. احس انه يكون يوعان فالليل مع اني ااكله زين بس شو الحل والله تعبت وانا حامل بعد يعني هلكت!!!! والمشكلة الثانية انه يرقد عدالي وتعود علي وانا ابا اعوده يرقد فالمنز لأنه خلاص كبر ماشاءالله. هل بقدر اني اعوده ولاصعب لأنه كبر؟ و شو تأكلون عيالكم فالليل عشان يشبعون و ماينشون يبون حليب كل شوي؟؟
بليييييييز اللي عندها فكرة تفيدني.
الله يحمي عيالنا امين.

هلا الغلا ماعرف كيف افيدج
انا ولدي عمره سنه وخمس شهور ..يحب يرقد حذال ابووووووه ..من يوم اصغير متعود؟؟بس اذا ابا ارقده بسريره عادي بعد يرقد ؟؟بس ابوه اتعود لازم لما يرقد لازم يحطه احذاله..ومرات احذالي عادي ..
وبخصوص الاكل انا ولدي طبيعته ماياكل بس اذا شر

والله شرات ولدي ولين الحين مب قادره اعدل ارقاده تعبت منه

روح وليد مشكورة الغالية عالرد انا اول شي بسويه اني بييب المنز عدالي وبجرب ارقده والله يهديه ويرقد لوول..

ابنة الاقصي حبيبتي والله تسلميلي بس عندي سؤال كيف احط السيريلاك مع الرضعة يعني ال 210 مل كم لازم احط؟؟

انكم ترقدونهم في السرير هذا يباله صبر لانهم بيصيحون …….. الحمدالله بنتي ارقدها في سريرها من هي بيبي
بالنسبه للرقاد و عوهم من وقت الصبح يعني الساعه تسع و عقب رقاد من 2 لين 4 و عقب ماااااااااااااااشي رقاد لين 10 سووا النظام فتره و بينتظمون

السلام عليكم ورحمه الله…

حبيبتي خلي العشا عيش مصري وروب او موز وروب وكوني ميوعتنه قبل ع الاقل ساعتين هب ماكل ولا شارب شي عشان ياكل هذاكلام الدكتور….وبعدين فليل عطيه اعشاب مولوبا الدكتور قالي جي عشان هب زين تعطينه حليب وهو راقد يمص يدخل في الريه الله لا يقوله وفي نفس الوقت الاعشاب تريحه من الغازات… ولا تنسين تلحفينه عدل وبدلي البامبرز…لان كل هذي الاسباب تخليه يقوم فليل..

وبالنسبه للنوم في السرير..انا اعاني من نفس المشكله بنتي ما ترقد في سريرها الا اول الليل وعقب عندنا ما تخلينا نرقد وانا بعد حامل…الله يعينا..

بنتي عمرها 4 سنين في KG1
مشكلتها انها تحب الرقاد وايد .. مب عارفه شسويبها
فليل اخليها ترقد الساعة 7 بالكثير 7:30 و أوعيها الصبح الساعة 5:45 تقريبا ..
أسير أشلها من المدرسة ألقاها راقده ! في السيارة بترقد(20 دقيقة من المدرسة للبيت) ! بنوصل البيت .. بالغصب تتغدى تاكل لقمتين و بتقوم و تقول أبا أرقد .. أخليها ترقد نص ساعة أو ثلاثة أرباع ساعة بالكثير

الله يعينج اختي

http://www.feedo.net/MedicalEncyclop…Drowsiness.htm

يزاج الله خير يالنرجس و ما تقصرين فديتج

لازم تشوفين دكتور لازم

احس حالتها مش صح

بوديها ان شاء الله يزاج الله خير أم هزاع

خير ان شا الله
طمنينا على البنوته .. فديتها

ان شاءالله ماعليها شر

مرحباااابكم يالامهات

وينكم يالامهاات محد رد علي ):

انا نفس حالتج بالضبط ..

اما فالليل فحاولت اعودها عالاضاءة الخافته .. عشان تميز ان هالوقت هو وقت الرقاد الطويل .. بس بعد ترقدلي ساعه او ساعتين وترد اتنش

اقولكن خواتي وضحن لنا اكثر حتى تستفيدن
يعني مثل الياهل ما يرقد اذا شي يعوره!
اذا يوعان!
اذا في بطنه غازات!
هل السهر يصاحبه بكاء مثلا؟
اوكي في شي ثاني يمكن انه متعود ع الرقدة على ريول امه ؟ يعني لو حطيتيه ع ريولج ولا عدالج بيرقد؟
في شي ثالث يمكن الام من كثر ما تهز بولدها نص ساعة مثلا وهو راقد عقب تحطه يتم راقد ربع ساعه ولا نص ساعه هذي حسبي نص ونص صار الولد راقد ساعة كاملة يعني فالهسن الياهل يرقد ساعة ساعتين وينش يوعان؟؟

إن شاء الله يرزقكن المعونه و الصبر

المشاركة الأصلية كتبت بواسطة ورد النوار

اقولكن خواتي وضحن لنا اكثر حتى تستفيدن
يعني مثل الياهل ما يرقد اذا شي يعوره!
اذا يوعان!
اذا في بطنه غازات!
هل السهر يصاحبه بكاء مثلا؟
اوكي في شي ثاني يمكن انه متعود ع الرقدة على ريول امه ؟ يعني لو حطيتيه ع ريولج ولا عدالج بيرقد؟
في شي ثالث يمكن الام من كثر ما تهز بولدها نص ساعة مثلا وهو راقد عقب تحطه يتم راقد ربع ساعه ولا نص ساعه هذي حسبي نص ونص صار الولد راقد ساعة كاملة يعني فالهسن الياهل يرقد ساعة ساعتين وينش يوعان؟؟

شووو رااايكن تفصلن اكثر بالموضوع عسبت خواتكن يفيدنكن

إن شاء الله يرزقكن المعونه و الصبر

انا اقول يمكن اتعود يرقد على ريولي .. ويوم ارقد احطه حذالي يرقد بس انا اخاف نومي ثجيل
اخاف اجلب فوقه ومن غير اللحاف مرات يي على ويهه اخاف مايتنفس
مادري شو اسوي ؟؟

اهااا زين عيل شفتي وضحتي انه متعود ع الريول او الرقاد عدااالج
ما عندي بصرااحة خبرة فالموضوع لكن اتوقع لو تخترعين له بعض الحيل مثل:
لما ترقدينه تشيلينه بشوي شوي ولما تحطينه فسريره ما ترقعين به حتى ما يحس بفرق المكان
ولما توضعينه فالسرير لا تشلين يدينج عنخه بسرعه تمي قابضتنه " اذا كنتي منومتنه ع جنب" حطي يدج على يدينه وحده على ريوله ..بحيث يحس عمره ان بعدج حاضنتنه بس بشوي شوي تقبضينه مش بقو يا حليله اوكي
بعدين شلي يد بشوي شوي ثم شلي يدج الثانيه بعد بشوي شوي
اوكي هذي حيله
الحيله الثانية نفس الطريقة يوم بتحطينه فالسرير..وانتي منومتنه ع جنب حطي عداله شي مثل لعبه من القطن او وساده خفيفة جدا مثل مال اسرت اليهال وحطي وحده من يدينه ع اللعبه او الشي اللي جنبه عشان يتحراج انتي لووووووول..بس اهم شي انه ما يكون الشي كبير الحجم عسبت ما يصير ع الياهل ولا يحجب التنفس عنه وانتو سلوم

الله يكون في عونج غناااتي

الحقوني بنات قمت من الرقاد وجسمي كلي عافانا الله ملدغ مثل الدبابير وحكة شديدة في كل جسمي
ما أعرف ليش؟وما قدرت أرقد
في نفس اليوم زارتنا حرمة المغرب، وأهلي يعرفون عنها أنه فيها عين، وهم متأكددين من هالشي،
المهم رحت المستشفى والدكتور قال لا زم تترقدين بس أبوي مارضى، الحين شو أسوي ويا الحساسية والحكة الشديدة، أنا مو متأكدة من الحرمة، بس يمكن فراشي فيه شي،عشان أنا ديما بعوض يلدغني باليل،

الله يعينج .. شي غريب

ماعندي فكرة الغالية.. الله يشافيج بس المفروض كنتي تترقدين فالمستشفى يمكن يعطونج ابرة او شي.. لان الي فيج يمكن حساسية مب قرص بعوض والله اعلم

ما يصير دام الدكتور قال تترقدين لازززززززززم تترقدين كيف يعني ابوج ما رضى؟؟ مب خايف عليج والا شو تقصدين؟؟؟

الله يحفظج ويشفيج حبوبه بس لازم تروحين للمستشفى

حبيبتي هذي عين أنا صارلي هالموقف مرتين فحياتي ومن يومها كل ما اتصير عدنا مناسبه ولا شي أمي تقرى علي لأني بيضى ومليانه وايقولووون حلوه<<<أونها ما تبا اتقول عشان ما ايقولون خقاقه.. واستوالي نفس الوصف اللي وصفتيه أول ما قعدت من النوم.. الله ايعينج بس دوم امسحي جسمج بماي مقري عليه وان شاء الله بيخف..

انا بعد جسمي كله اثار سلع الدبابير ما ادري شو السبب يمكن من الجو

الله يشفيكم يارب رقووا أعماركم واتمسحو وكمان استيشيروا دكتور يمكن بعد تكون حساسيه واللي تقدر تجيب مية البحر وتتسبح منها تلاثة أيام يكون بعد أحسنوبالشفاء ان شاء الله

السلااااااااااااااااااااااااااااام عليكم ورحمه الله وبركاته

انا ولدي كان واايد يتحرك ويوم وصل السنه ختله السرير العود والله ب1100درهم والله ما نام فيه خخخخخخ

تعرفين ماراتحات الا يوم فرشت له دوشج (المرتبه )ع الارض تكون مريحه ويجلب والا اخاف عليه
احينه فديت عود وينام في سريره

امممم

والله ياحبيبتي ياليت حد يفيدنا أنا روحي عندي نفس مشكلتج ومحتاره ويوم لقيت موضوعج على طووووووول دخلت .. إنشاء الله العضوات يفيدنا ..

المشاركة الأصلية كتبت بواسطة روزمري

امممم

انا من لما كان عمره 4 اشهر نقلته على سرير اللي من مذركير الكبير >> او العادي يعني

وتم فيه لما صار عمره 3 سنوات ونصف قام لما يتقلب بالليل يضرب فيه خخخ فشريت له الكبير على شكل سيارة
والحين ينام فيه

حبيبتي كيف إلي تقصدينه أي سرير من مذركير ؟؟؟؟؟؟ ياليت لو تحطين صور فديتج …

انا ماخذه لبنتي سرير عود كلفني فوق 5 آلاف مع الكفر وستارة من بابازآند ماماز من بوظبي والحين عمرها سنتين و3شهوروتنام فيه وهو يتبطل ويمكن تحويله لسرير بدون حواجز او انج تخلين حاجز واحد

فيه الحباسة ممكن تنفع ويايه
الله يحفظه…………..

الصراحه انا مشكلتي مع ولدي عمره 8 شهور ، المشكله اني ماعرف ارقده ….
يعني يوم نيي حزة الرقاد ..اكون مغيره البامبرز ومشبعتنه والبسه ثياب مريحه حق الرقاد …بس الحبيب يصحصح ويقوم ويلعب وحشره وانا ما اقدر ارقد اذا ولدي مب راقد ….كل يوم لازم قبل الرقاد يصيح ربع ساعه وينبح صوته ويتعب وينهد حيله من الصياح عشان يرقد او اني انجبر اسهر وياه الين 4 عشان مانحشر حد..بصراحه ابي مساعدتكم لأني انا وريلي نداوم وسالفة الصياح مسوية توتر …دوم ريلي يقولي ( لين متى بتمين جذي ماتعرفين حق ولدج)

شوفي حبي يوم بتروحين الدوام الصبح خل يوعونه من وقت عشان الظهر يرقد وياااج شوي ؟؟
وعيه العصر ولاتخلينه مول يرقد ؟؟على حزه ارقاتكم بدليله ملابسه ورضعيه وبيرقد من التعب حبي ؟؟صدقيني البيبي ع التعووووود

ترقدين ولدج من 6 ل 7 و تقولين ما يرقد بالليل؟؟

لا ترقدينه من بعد العصر عشان ايي الليل و هو يبى الرقااااد من خاااااااااطره ^_^

المفروض ما ترقدينه المغرب ولازم الياهل يرقد واحسن وقت الظهر لين العصر وعقب لا ترقدينه خليه واعي لين الساعه 10 فليل جي بيتعدل رقاده

رقديه من 5 ل 6 …
انا جي كان ولدي .. بس ولدج بعده 8 اشهور صعب التحكم في رقاده …
وبقول لج منالاخر الياهل ما يتعدل ارقاده الا عقب سنه …

وانا اعرف صعبه جدا انج تتحكمين برقاد ولدج في هالعمر

صح لازم مايرقد المغرب.. الياهل يرقد تقريبا 11 ساعه فليل يوم بينش الصبح يباله يتم واعي تقريبا 4 ساعات وبروحه بيهلك عقب.. بيحتاج يرقد ساعه ونص لين ساعتين.. وبعين مايرقد مول لين فليل.. انتي تحكمي بهالوقت جدميه او اخريه على حسب دوامج ولازم ماتخربين وقته في الاجازات .. انا جيه اشوف اختي اتسوي!

صح لازم مايرقد المغرب.. الياهل يرقد تقريبا 11 ساعه فليل يوم بينش الصبح يباله يتم واعي تقريبا 4 ساعات وبروحه بيهلك عقب

السلام عليكم ورحمة الله وبركاته،،

اتوقع شفت شرات هالمخده في ماماز اند باباز بعد
تسلمين الغاليه

اللهم إن في تدبيرك ما يغنينا عن الحيل وفي كرمك ما هو فوق الـأمل ، وفي حلمك ما يسد الخلل ، وفي عفوك ما يمحوا الزلل ، فاللهم تولنا بولايتك وأكرمنا بكرمك وعاملنا بحلمك واعف عنا بعفوك

ااااه من فترة الحمل جدا جدا متعبه

للرفـــــــــــع

مشكورة حبيبتي لاني فعلا فعلا بديت اعاني فالنوم بروح مذر كير وماماز اند باباز ان شاء الله احصل منها

هاااا ماماز وباباز وين ان شاء الله انا في الشارجه

هلا الغاليه

يالله ربي يخليه لج وتذوقين نفعه

الغالية الياهل ما يكبر إلا إذا رقد
بس أهم شي إنج ما تقطعين عنه الحليب
والياهل عادي ينام 20 ساعة في اليوم خاصة فأول الشهور
الله يخليه لج ويحفظة من كل شر

اعتقد انه عادي .. بس اذا مرت 4 ساعات و هو راقد وعيه و رضعيه .. الدكتورة قالت لي جي و العهده على الراوي :d

تعرفين احسن لج ماتوعينه اذا راقد.. بس يوم بينش تمي رضعيه مب لازم يصيح..

احسبي كم مره رضع فاليوم وشوفي عدد الغيارات..

الغاليه ها شي عادي احيدني في الاربعين … كان ولدي ينش الساعه8 الصبح .. ساعه 10 السبحه ورضعه يرقد لين العصر ….شي عادي لو كان يووعان بنش روووحه خخخخخخ كان امايه تنازعني وعيه بسرقه اليووووع ….

الغاليه اليهال من يكبرووووون برحه بيتعدل ارقااااااااااااااااااااااادهم ….

عادي لا تخافين