بنت اخوي عمرها 6 شهور امها متلعوزة في رقاده بخبركم كيف
ترقد 2 بليل وتقوم 11
بعدين ترقد العصر تقريبا ساعة او ساعتين بس
حرااام احس رقاده شوية
وامها خاطرها تعدل رقدها ساعدونا نخافها تتعود ع السهر
بلييييييز لا اطنشون محتاجين المساعدة؟؟؟؟؟؟؟
الغاليه خل تحاول أترقدها الظهر على الاقل ساعه وتخليها واعيه على الاقل لين الساعه 10 أو 11 وترقدها يوم يومين على هالحال عقب بتتعود روحه المسأله مش صعبه بس هي مسألة تعود وسمووووووووووووحه
اختي هـاي ياهل ماتقدرين اضبطين ارقادها لان في الفتره هاي تعاني من الغازات اللي في بطنها .. يعني يوم بتجوفينهـأ راقده عادي ,, واليوم الثاني رقادها متقطع ,, وانا عيالي من عشر شهور يبتدي رقادهم يعتدل ,,
احس ما تقدرين اتنظمين رقادهم هل وقت
لانه ولدي نفس الحاله و جربت اني ما ارقده الى الوقت اللي انا ابي
بس للأسف يتم الياهل متنرفز و وقت الرقاد ما يرقد خلاص
والله ياخواتي انا عيالي من عمرهم 40 يوم واحاول ارتب لهم رقادهم
ان بعد الساعه 12 خلاص مافي يلسه …
شوفي اختي ..
احينه البنت تنام الساعه 2 صح؟
خل اختج اليوم اتجرب اتجدم وقتها ساعه يعني الساعه 1 اتبدلها واتجهزها حق الرقاد
لازم اتسوين لها نفس الروتين يوميا من تبديل ملابس غسيل وتبدلين بامبرز وكل شي
والبنت تكون جاهزه للرقاد … عطيها الحليب وعالشبريه والام بعد لازم تنام وماتسهر
لان اذا الام تسهر الياهل شي طبيعي بيسهر لانه بيحس ان امه مب وياه ..
اتم اسبوع كامل على نظام واحد … من الساعه 1 البنت جاهزه للرقاد
طبعا اول يومين بتتعب لان البنت مب متعوده ترقد هالوقت بس بتتعود شوي شوي
بعد اسبوع اتجدم الوقت ساعه .. فبتكون الساعه 12 واتسوي نفس الروتين بالضبط …
وان شاء الله بيتعدل رقادها ….
والمسأله يبالها صبر لان الياهل مب في يوم وليله نقدر انغيره لازم انعوده على روتين معين ..
ان من بدلنا ملابسنا وغسلنا وبدلنا البامبرز معناه وقت الرقاد
وسكرنا الليت وشربنا الحليب يعني خلاص نرقد احينه
أنا رآي من نفس رأي الأخت zoomyat لأن الياهل من هو صغير تعودينه …على روتين معين ..
والله يعينها
للاسف اني اعاني اكثر من حرمة اخوج..!
بنتي ترقد ع الساعة 6 الصبح.. طول الليل سهر وماشي رقاد..
حاولت اني ارقدها بسرعة بس ما رمتلها..
الله يعينا عليهم..