الوسم: الرشاااقة

ف هالمووضوووع بنبدا مسابقة ريجيم الثلاث اشهر لين شهر 10 باذن الله
من تارييخ 23-7- الى23-10-

والتسجيل مفتوح اليوم وباجر يعني من تاريخ 21 الى مساء تاريخ 22 -7 – (الساعة 11:59) الرجاء الالتزام خخخخ

اول شهر بكون من 23-7 – 2024 الى 23 -8 – 2024
ثاني شهر بكون من 23-8 – الى 23 -9- ((هذا اخطر شهر بكون فيه رمضان والعيد))
ثالث شهر بكون من 23-9- الى 23-10-

الرجاء من الراغبات الجادات فقط تسجل اسمها هنا وكم عدد الكيلوات االلي تبا تنزلها …
شرووط المسابقة
1-الالتزام التام بكتابة اليوميات والمروور على الموضوع
2-يقاس الوزن بعد 7 ايام من بداية الريجيم يعني كل اسبوع نوزن مرة ..
3-لا يحق للمشتركة الانسحااب نهائيا لاي سبب من الاسباب خخخخخ
والمشتركة اللي بتنسحب لازم تدفع تعويض معنوي خخ

نظام الريجيم اول شهر بكون ريجيم اسامة حمدي او أي ريجيم مناسب للعضوة .. انا عن نفسي ان شاءالله بلتزم بريجم اسامة حمدي

وبالنسبة للشهر الثاني طبعا بكون رمضان ان شالله اذا الله احيانا
وبنسوي ريجيم خاص في المشتركات معانا يحتوي على اكلات منخفضة السعرات الحرارية … (لازم نخطط له قبل بداية رمضان باسبووع ))..

والشهر الثالث بكون ان شالله ريجيم مناسب ومتوازن وان شالله يكوون الشهر الثالث بداية عهدنا بعالم الرشاقة ….

طبعا بالاضافة للريجيم بنسوي رياضة مشي+ تمارين شد الجسم + شرب الشاي الاخضر 3 اكواب يوميا .. انا سمعت انه شاي توقيين الصيني وااااايد اوكي بس مدري وين القاه ..

دبدووباات نبا تشجعيكم ونبا تواصلكم ونبا هممكم العالية

وعلى فكرة بنات في هدايا مادية للعضوة اللي بتنزل اكثر
خلاص تعبنا من المتن والمرض …