الوسم: الدختر

بنات والله مب عارفة شو اقول او اكتب ضاربتني ضيجه بس ما اقول الا مايرضي ربنا ..السمنة وما ادراك ما السمنة انا وزني فوق المية بنات لاحظت اني من فترة اتعب اتعب وايد يوم اسير مكان حتى لو مسافة قصيرة انفاسي تقطع وحالي حال دوم تعبانة احس قلبي ضرباته احيانا غريبه مرات يدق بسرعة ومرات كانه بيوقف المهم سرت الدختر وخبرتهم بالاعراض الي عنديه طلبوا فحوص ومادري شو المهم .. ييت ارجعهم قالوا ليه انتي يا امي تعبانه والسبب هالوزن المرتفع انتي لازم تسوي حميه قلت لهم انا ماخليت شي ماسويتها لين ياست قالوا لا انتي غصب اتسوينه ومب اسبوع ولا شهر ها مدى الحياة لانج اذا استمريتي جذه بتموتين انا انصعقت قلت ليش تفول عليه انته قال ها اللي شفناه من النتايج انتي قلبج مابيتحمل اكثر والصراحة نعطيج من عشرة لخمسة عشر سنه حياة!!!!!!! خييييييييبه ليششششششش قال لي ها اسلوبج في العيش غلط في غلط وزادن عليها الحمال والولادة خذت من صحتج وايد؟؟؟؟ وامر الموت بايد الله سبحانة بيي اي وقت والمسلم لازم يتم طول عمرة مستعد لهاللحظة ..
تبغون الصدق انا ما احاتي نفسي والله الا احاتي عيالي فديتهم من لهم لو استوى لي شي بعد الله..والله حاله انا السمنة عندي وراثية وزاد عليهن نوعية الاكل اللي ينقصه وايد اكل صحي ماداني الخضار ولا الفواكه كل عيش وخبز استغفر الله بس فعلا ليش ماننتبه لاكلنا ونتبع اللي خاطرنا فيه فديتكن بنات انتبهن لنفسكن عسب مايستوي لكن شراتي احينه سكر وكليسترول وشوي ضغط ها كله عندي انا اقول ها عادي واستوى لامايه قبلي فديتها انا والسبب هالسمنة يابة وراها كل طوايفها من امراض وعلل الله يحفظن منها ومن توابعها .

اتحذرن بنات ولا تتركن انفسكن تسحبكن معها للهاوية الروح والجسد امانه بس ما ننتبه الا بعد فوات الاوان..

قلت لهم انا بفكر يومين وبرد لكم .. تعرفن شو كنت اسوي هالليومين والله اني كنت ارتب غرفتيه وكل شي واحضر نفسي للاسوء يمكن يشرف الموت ع غفلة وانا ماتجهزت ..استغفر الله الموت يوم ايي مايستاذن مخلوق امنت بالله.. الشحوم متيمعه ع الكبد والاحشاء الداخليه عقولة الدختر قلت انزين سوو عملية شيلوهن قال مايستوي بتموتين تراج عنبوة استغفر الله الا كله بالوية وينك والذرابة دختورنا الله يهداك هوة يفكر يصدمني عسب اتصرف واخذ الموضوع بجدية .. بس انا والله مافكرت بعمريه برايني بس احاتي اليهال لاحول ولاقوة الا بالله ..

شو العمل وشو اسوي محتارة ياربي استغفر الله العظيم اخاف اهمالي لصحتي وتركيزي ع صحة عيالي كان ماخذ كل تفكيري .. نسيت او اتجاهلت انه صحتي من صحة عيالي

الله الله بنات لاتنسون وتسوون شراتي واتهملن صحتكن اتراهي امااااااااانة لاتفرطن فيها.. لاتقولن بنسوي ريجيم شهر او اقل او اكثر لا انتن سون نظام حياة ومب اي حياة حياة صحية بكل ما للكلمة من معنى ..اكلنا مب صحي كله يعتمد ع السكر الابيض والدقيق الابيض والملح وهاي كلها سسسسسموم والله

اتمنة تستفيدن من حالتي وانا باذن الله بحاول امشي ع ننظام صحي للحياة مب عشاني بس .. لا عشان عيالي ربي يحفظهم كلهم ..ويحفظكن بناتي وخوات.

اختكن ذهيبة

ادعوالية فديتكن بالثبات ع دينه وحسن الخاتمة

بس الغاليه كلنا لازم نفكر في الموت لانه لازم بيي يوم وسايرين عن هالدنيا..

بس انتي لازم ما تفكرين فقبرج.. فكري فنفسج لازم تبدين تسوين رجيييييييييييييم..

رجييييييييييييييييييييييييم لازم رجيييييييييييييييييييييييييم..

والله لازم تنتبهين تنزلين وزنج.. انا وياج وبشجعج وبقوي ارادتج..

بس الغالية الصراحة الوزن فوق المية يسبب وايد مشاكل صحية ..

نصيحة .. ابدئي غيري نمط حياتج .. ما اقولج سوي ريجيم .. بس خففي من أكلج ..

أمسات أخت ريلي شافت وحده تقول هاي تشبه وحده اعرفها .. قلت لها يمكن اختها قالت لا ما عندها خوات ..

وعقب هي يت سلمت ..

ما شاء الله عليها كان وزنها 127 .. واحينا وصل 80 في أقل من سنة ..

تقول بس خففت من اكلها وصارت تمشي كل يوم قد ما تقدر .. تقول مرات تمشي حول الساعتين وما تحس .. ما شاء الله عليها ارادتها قوية ..

والله لو تشوفينها ما تقولين هاي كانت متينة وضعفت ..

الغالية .. فكري بصحتج مب بس عشان عيالج .. عشانج انتي .. عشان ما تتأذين بالأمراض الله يكافيج شر هالامراض ..

والله ان شاء الله يسهل عليج .. وتبشرينا باخبار حلوة ..

ربي يحفظج ويخليج لعيالج ويخليهم لج ..

إذا الله كاتبلج شيء بيصير

بس بعد و لا ترموا بأنفسكم إلى التهلكه

من اليوم تروحين تسجليين في نادي و الا اقولج هاتيلج مدربه في البيت عشان ما تتعايزين

و روحي عند دكتورة تغذية و سويلج رجيم يريحج

على فكرة انا سمعت عن مكان تشتركين فيه و يبولج اكل لين البيت ريوق و غدا و عشا

اكلهم صحي و قليل الشعرات الحرارية و نظيف و يشبعج يعني ما يحرمونج

انا خالي عنده سكر و كلسترول و هالمطعم يبوله كل يوم الاكل ووايد يمدحهم

و الحين صحته وااايد احسن عن قبل

اختي ابدا لا تهملين عمرج ترا يالج و ريلج ما عندهم حد

الله يخليج انتبهي حق عمرج