خواتي أنصح كل وحدة فيكم قادرة على الحج ماديا وجسديا إنها ما تتردد
ولا تقولين أنا صغيرة وبعدين بحج
محد يضمن عمره صدقيني نصيحة من أخت تحبكم في الله
بالنسبة لي كانت وصية والدتي قبل ما تموت إني أحج السنة
لأنها تعرف اللي كان مانعني هو رعايتي لها
الوالدة توفت من شهرين ونص – الله يرحمها ويغفر لها
ومن وقتها لين اليوم جاسني اكتئاب واحباط و كل الأمراض طلعت فيني
ضغط عالي- كوليسترول-وسكري- بالإضافة لمشاكل الهرمونات والله
يعافي الجميع آلام بالقلب – وأورام بالصدر والحمدلله على كل حال
صدقوني أنا ما تكاسلت عن الحج بس عيالي كانو ورا بعضا وصغار
وأمي كانت مريضة بالقلب والفشل الكلوي وأنا اللي أراعيها فكان صعب إني اتركها
بس الحين وبغض النظر عن الألام اللي فيني وكم مرة حاول الشيطان إني أكنسل
حجتي السنة ويوسوس لي بإني مب قادرة على المشي فكيف بالحج
بس صدقوني أنا توكلت على الله وربي بيكون معاي ، ولو مت في هذاك المكان
بتكون أحلى موته .
خواتي حطيت هالموضوع علشان اللي ناويه فيكم الحج تتوكل على الله ولا تخافون
على عيالكم الله خير حافظ لهم ، وصدقوني سنة عن سنة الواحد يكبر ما يصغر
والإنسان ما يضمن عمره ، ولا تنسوون بر والديكم ، هلا هلا ببر الوالدين
أقسم بالله العلي العظيم ما في شي يعوض الام لا عيال ولا زوج ولا فلوس ولا مال
كل شي عندي الحمدلله بس أمي مب موجودة ولا قادرة أسمع صوتها وكلامها
ما عدت أحس بطعم الدنيا ولا بطعم الأكل وحاصرتني الأمراض من كل صوب
أنا مؤمنة بقضاء الله وقدره وإن الموت حق بس ما لقيت علاج لي من توفت أمي
غير إني أسير الحج ، إن شاء الله ربي يبرد على خاطري ويلهمني الصبر فيها
عندي كلام كثير والدمعة خنقتني
دعواتكم خواتي لي بأن الله يشافيني ويرفع عني البلاء
دعاء المسلم لأخيه المسلم في ظهر الغيب مستجاب
و
الله يعافيج ويشفيج أختي .. توكلي على الله .. والله بيحفظلج عيالج .. وان شاءالله ما عليج شر .. هذا كله من الحاله اللي انتي فيها .. يوم بتسيرين الحج وبتدعيلها.. بيخفف عنج ربج كل شئ .. بس عليج باليقين انه هذي دنيا فانيه .. صح نحنا متعلقين فيها .. وهذا اللي يخلينا نمرض يوم نفارق أحباءنا..حزنج على امج .. لازم ما يخليج تمرضين .. خلج عايشه كأنها وياج .. كيف ؟ انوي ان كل ما تقومين به من أعمال صالحه انما هو امتداد لها والأجر لكما جميعا .. وولد صالح يدعو له .. الله وياج حبوبه .. ونلتقي على صعيد عرفه ان شاءالله..
أسأل الله العظيم رب العرش العظيم أن يشفيج
أسأل الله العظيم رب العرش العظيم أن يشفيج
أسأل الله العظيم رب العرش العظيم أن يشفيج
أسأل الله العظيم رب العرش العظيم أن يشفيج
أسأل الله العظيم رب العرش العظيم أن يشفيج
أسأل الله العظيم رب العرش العظيم أن يشفيج
أسأل الله العظيم رب العرش العظيم أن يشفيج
الله يعافيج اختي ويرفع عنج البلاء ويفرج همج ويرحم والدتج ويصبرج على فراقها
زين ما سويتي يوم نويتي الحج صدقتي اختي الانسان مب ضامن عمره والله يعينج عالطاعه ويسهل امورج ويبلغنا الحج ان شاءالله
الله يشافيج يارب
قولي ((يارب ان حبسني حابس فمحلي حيث حبستني))
الله يعينج ويشفيج ويلهمج الصبر على فراق امج الله يرحمهاويغفر لها
الله يعافيج ويشفيج أختي .. توكلي على الله .. والله بيحفظلج عيالج .. وان شاءالله ما عليج شر
