الوسم: الحفظ

عندي مشكله ويه ولدي ..
مشكلته مايـركز ولا يحفظ لعوزني وايد , هو صف اول ابتدائي ومب حافظ الاحرف الهجائيه ..
كل ماعلمته وقلت له عيد قال نسيت او ماعرف
بتخبل منه موووووول مايحفظ ولا حرف حتى الارقام يتخربط فيها
شو اسوي ويااااااااه
قلت بعرضه ع دكتور بس ماعرف اي دكتور ينفع لحالة ولدي ؟؟

ختيه كانت موووول ما تحب الدراسة تعالي بس قوليلها درسي يا وييلج منهاااا

لحد ما اتفقنا وياها اذا يابت نسبة ودرست بنشتريلها كل اللي تبااااه

قسما بالله صارت من نفسها الحيين تدرس ما شاء الله علييييها لا حد يقوللها ولا شي رووحها تعرف مصلحتها ^_^

انتي اتعرفييين انه كلن يبا مصالحه وأكييد ولدج عنده شي معين في باله وده فييه

انتي قعدي ويااه وسألييه شوو اللي خاطرك فييه بس ما عندك اياه؟؟

واذا جاوبج اوعدييه اذا درس وياب نسبة تشترينه له ^_^

انتي اوعديه اذا نجح ودرس بتشترين له هديه او الي يباااااه ..

صف خامس وأمه عيزت عنه يحليلها

إذا عندج خوات خليهم يذاكرون له صدقيني راح ينفع

مثلا لو كانت بصريه اربطي لها الحفظ بالصور والرسم ..
ولو سمعيه اقرأي لها ياه وسوي لها قصة مشوقه ..
ولو حسيه خليها تكتب الي تحفظه ..

الين تخلصين معاهم

وانتي تحفظينها عيشي مع المطلوب حفظه – ايه حديث – نشيد- وسوي حركات بايدج واشارات لانها يوم بتسمع وبتحفظ ذكريهابالحركة المطلوبة باشارة من ايدج

ولاتنسين بعد الحفظ الاول حتى لو شوي تعبان كافئيهم وسوي عمرج فرحااااااااانة لانهم حفظوا

وعطيهم شي مثل حلاوة وطبعا لاتنسين البوسة والحضنة

وعقب يوم بتحفظ خبري اخوانها او ريلج واي حد في البيت انها حافظة وخليها تسمع جدامهم

ولالالالالالالالالالالالالالالالالالالاتحبطينها وتقولين لها انتي ما تحفظين بسرعة وانا تعبت

لالالالالا شوي شوي بتحفظ وبترتاحين

والله ييسر لهم الحفظ

خواتي طلع قرار ان ماشي
حفظ للعربي او الدين للصفوف الثانويه يعني في الامتحانات ماشي اكمل لو اكتب القصيده او الايه او احديث

وسالت عن الصف السادس طلع نفس الشي

بس ابي اعرف الصف الرابع والخامس نفس الشي

طبعا هذا في ابوظبي

ما ادري عن الباقي

اللي تعرف تخبرنا

شو اسوي له علشان يحب الحفظ

لا تبخلون بمساعدتي

إن شاء الله أفيدج أختي

عن تجرية بالنسبة للطلابي كنت أطبع لهم قصة أعطي الطالب كل يوم ورقة من القصة تناسب سنه

بيكون هو فيه فضول يبا يعرف تكلمة القصة فما تعطينه الا باليوم الثاني لين تنهين القصة

أنصحج تدورين له قصص تناسب سنه ، ما تكون طويلة يا دوب في الصفحة أكثر شي 5 سطور حلو لو كانت مدعمة بالصور و تكون الكلمات عليهن تشكيل عشان يقرأ قراءة صحيحة

يتدرب عليها في البيت من ناحية القراءة ، والاملاء لو قرأ صح أعطيه نجمه ،و أكون مسوية لوحة النجوم لين يكمل خمس نجوم اعطيه هدية ونفس الشي الاملاء

أم الحفظ أكون يايبة نوع من الحلويات أقول له اذا سمعت صح بعطيك منها ، مثلا السورة مجزئتنها 3 جزاء ،كل جزء حلاوته غير هذي لسور اللي آياتهن 15 مثلا

الحفظ لازم تجزئين له

أم أنتي كولية أمر أنصحج أن ولدج ما يروح الدكان ولا يأكل الحلاوة الا أذا حفظ

اربطي إن الحلويات مكافأة لك لما حفظت وقريت ، والهدايا كذلك فلا تشترين له شي بتاتاً في وقت الدراسة شي الا أذا حقق هذا الشي

بخصوص الحساسيه استمري على علاج الدكتور ولو حسيتي انها ما منها فايده روحي الصيدليه خذي كريم كيناكومب ممتااااااااز لحساسيه الحفاظ .. و ممكن تحطيلها نشا لانه ممتاز عن تجربه سواء حطيتيه بروحه ترشينه مثل البودره او ممكن تخلطينه مع زيت زيتون

للمساعدة على زيادة الذكاء والحفظ يمكن عمل الآتي

يؤخذ قدر مثقال حصا لبان ذكر + مثقال سكر نبات+ ربع درهم زعفران شعر
يسحق الجميع ويستعمل على الريق بمــــــــاء زمزم

اللبان الدكر أو الذكر هو نفسه (( الكدر)) بالفارسية وهو معروف لدى العطارين وأكثر اللبان في شجر عمان وقيل أنه لا يكون إلا فيه وشجرته قدر ذراعين وثمره مر الطعم وعلكه الذي يمضغ هو الكندر . يعقر بالفاس فيظهر في مواطن العقر اللبان فيؤخذ وأجوده الذكر وهو الأبيض المستدير الحبة الذي لا ينكسر سريعا وإذا أنكسر كان ما في داخله يلزق تجدونه عند العطارين
ولا أعلم له أنثى فقط اذهب الى العطار وقله أريد لبان ذكر وستجده فورا لأنه مشهور ومتداول
أما سكر النبات فالذي يستخرج من القصب فيجمد وحلاوته أقل من حلاوة العسل نافع للمعدة إلا لمن كانت المرة الصفراء غالبه على معدته فيصبح ضارا بها لتهييجه اياها ودفع ضرره حسب علمنا البسيط وحسب ما قراءنا أن يؤخذ مع الكمون خاصة من به أسهال أكرمكم الله
أما الزعفران الشعر فهو الزعفران العادي وأجوده الإيراني ولا يوجد زعفران غيره في الأسواق ولو لاحظت لوجدته يشبه الشعر في دقته ونحافته ويوجد أيضا زيت الزعفران أو عطره .
أما الأوزان
فالدرهم =3 غرام تقريبا
المثقال = 4,286 غم
هذا والله أعلم

وقد ذكر صاحب كتاب معجزات الشفاء للتنشيط الذهني ولسرعة الحفظ:

يغلى النعناع ويوضع عليه بعد تحليته بعسل النحل سبع قطرات من زيت الحبة السوداء، وتشربه دافئاً في أي وقت، وتعود عليه بدلاً من الشاي والقهوة.. وسرعان ما تجد قريحة متفتحة وذهناً متقداً بالذكاء ولسوف تحفظ إن شاء الله كل ما تريد.. وليكن القرآن على رأس ما تحفظ.. لأنه أسمى ما نريد.