الوسم: التنظيم

مافي أحلى من التنظيم..

المطبخ..

غرفة الملابس..

غرفة الأشغال اليدوية..

الرفووف..

الحمام..

ملطوووووووش

الغاليات حبيت تشاركوني بشي من نظامكم أحب أعرف بعض الاجوبه لأسئلتي في الترتيب والتنظيم والتوفيق بين العمل في المنزل وغيرها من امور ؟

اول شي احب أسئل هل ترتبين البيت بمساعدة أحد ؟ أم أنك تعملين بمفردك (مثلي يعني )

ما هو النظام المستخدم في الترتيب ؟؟ يعني بماذا تبدأين ؟؟ وما هو الوقت المخصص ؟؟ وهل خصصتي أيام وأوقات محدده لهذا العمل أم أنه يأتي عشوائي ؟؟

هممممممممممم بعد شوووو؟ ما هو المكان الذي تفضلين البدايه في ترتيبه ؟؟ اتمنى ذكر الاماكن من الاهم للأقل أهميه مع ذكر السبب ؟؟؟؟؟

واذا كنتي ترتبين غرفة النوم بماذا تبدأين ؟؟

وهل تتخذين أسلوب محدد وأدوات محدده في التنظيف ؟

أرجو مشاركة الجميع فهالشي بيساعدني بحياتي وتنظيمها على الأقل وجزاكم الله خير :1 (30):

مرات بروحي ومرات الخدامه بس اغلب الاحيان بروحي .
انزين انتي ترتبين الغرفه بس اللي تخصج والا الغرف الثانيه بعد :1 (31): اعترفي

عن نفسي نحن عندنا خدامه , بس الله يخليج يالستلها

على الوحده وخاصة في مسألة التنظيف,

عليها تنظيف البيت كله ما عدا غرفتي , فأحب أتفنن فيها

بروحي , أول شئ أبدا طبعآ بالشبريه , أحس إذا كانت مرتبه

توحي بأن الحجره مرتبه, بعدين الكبت وترتيبه من أختصاصي

وأنتي بكرامه حمام غرفتي بعد من أختصاصي ( ماخليتي للخدامه شئ)

غرف عيالي غالبآ تكون نظيفه ومرتبه , لأني دووم أزن على راسهم

غرف النوم للنوم مب للعب , ,انا مسويتلهم غرفه للتلفزيون , تقريبآ

يلستنا دووم فيها , واللعب والأكل فيها.

التنظيف يكون يومي في الصباح , عشان تحسين بالنشاط

والميلس مانستعمله دوم , عشان جيه أخلي تنظيفه كل عشرة أيام

تقريبآ, المطبخ تنظيفه يومي , وينمسح مرتين باليوم

بس كل جمعه يكون التنظيف عميق شوي , ننظف الخزائن والسدات يعني نطلع

كل شئ وننظف داخل..

الأدوات المستخدمه المكينه (المخمه) والكعد بو التواير إللي له بروش حق المسح

علشان يكون سهل في الحركه…………….

تدرين انا ما اتقبل ان خدامه تدخل بيتنا لأنها أول شي غريبه وثاني شي انا ما برتاحه بتصرفي ولبسي بالبيت وغير هذا بتنرفزني وبتخليني اعصب عليها وبصراحه هالايام الخدم مب منهم امامن وما تدرين شو البلاوي اللي تسويها وبعد بتربطني وقت الطلعه لا اني ابيها تطلع معاي وتخرب راحتي مع اهلي ولا اني ابيها تيلس بروحها علشان ما تطبق المثل ان غاب القط العب يافار

خدامتنا بس حق الشغل , تنظيف وغسيل وكوي وطبخ

مب كل شئ عليها الطبخ ,بس عيالي لالالالا وألف لالالا

مول مالها خص فيهم, بس تكون وياهم واطالعهم يوم

يطلعون يلعبون برع في الحوي ,.

هيه بعد أختي بعطيج أفكار للكبتات ( الخزائن)

أول شئ , خلي حق كل شئ مكان مثلآ : فراشات

الشباري واللحافات لهن مكان بروحهن , أنا أحط

فراشات عيالي بروحهن , وفراشاتنا بروحهن, ولاتخلطينهن

مثلآ بالفوط أو الملابس الغير مستعمله ( الشتويه أو الصيفيه )

بعدين البوكسات (العلب ) الكرتونيه الكبيره تنفع , ترتبين فيها

الأغراض وتحطينها في الكبت , مثلآ خلي شئ حق الشيل

وشئ حق جلابيات البيتيه وشئ حق (قمصان النوم) ,,,

وانتي وراحتج, وأنا أحط الأشياء المب مستعمله أو مب

في وقتها ( شتويه أو صيفيه) أخليها في شنطه في الأستور

علشان ماتاخذ مكان في الكبت,

ونصيحه مني لاتاخذين شئ جديد لين تتخلصين

من الجديم , مثلآ الثياب لاتفصلين أ و تاخذين شئ

لين اطلعين الجديم إللي عندج, علشان مايتكود

السامان .

1 ـ لا يوجد وقت كافي لعمل كل شئ ، تقبل هذه الحقيقة ببساطه . لذا من الضروري التركيز على الأشياء الأكثر أهمية . وإذا فعلت ذلك فى كل من عملك وحياتك الشخصية ، فإنك ستنجز أكثر بحسن إدارة الوقت .

2 ـ صفى ذهنك . اهدأ . وركز على مهمتك . تجاهل أي شئ آخر . فالتوتر الزائد يجعل مهمتك تبدو أصعب مما هى عليه . يمكنك التحكم فى صفائك الذهنى بحيث لا تجعل الضغوط الخارجية تؤثر عليك . تفهم جيداً ما يجب عليك فعله وقم به فى هدوء وراحة وثقة .

3 ـ لا تحاول أن تنشد الكمال . فمن السهل أن تقع فى فخ المحاولات لجعل العمل أفضل قليلاً . لكن فى أغلب الأحيان تؤثر محاولات تحسين العمل فى النتيجة العامة ، بالإضافة إلى زيادة استهلاك الوقت والمجهود بدون داعى .

4 ـ تقبل عيوب إنتاجك لأنها طبيعة بشرية . فمن الغير مفيد لوم نفسك . وعندما يقل معدل إنتاجك فإنك تحتاج للتوقف وإعادة التفكير . لا تفكر فى محاولاتك الفاشلة السابقة ، تقبلها لأنها ببساطة طبيعة البشر . واصل عملك .

5 ـ تعامل مع مكان عملك كموقع للإنتاج . هيئ ذهنك للتفكير فى مكتبك كمكان لإنجاز المهام ، فكر باستمرار بهذه الطريقة ، وستجد نفسك أكثر إنتاجاً كلما تواجدت هناك . خصص مكان آخر للأعمال والأحداث والأنشطة الأقل أهمية . وأجعل مكان عملك حصرياً للأنشطة الأكثر أهمية .

التنظيم

Aـ هيئ مكتبك لتقوم بأداء عالى وكفء. الكثير من الضوء الطبيعى بقدر المستطاع، مساحة فارغة كافية على المكتب ، كرسى مريح ، وأى شئ تحتاجه لأداء المهمة المطلوبة على أكمل وجه .

Bـ ضع كل شئ فى مكانه . فى نهاية اليوم ، أفرغ مكتبك وارجع كل ملف أو مستند لمكانه المعهود . بهذه الطريقة ستجد كل شئ فى مكانه عندما تحتاجه فى المرة القادمة .

Cـ قبل أن تبدأ المشروع ، أحرص على توفر الأساسيات أجمع كل المواد التى تحتاج إليها مسبقاً . بالنسبة للكاتب قد تكون هذه المواد مجموعة أبحاث . وبالنسبة لعامل البناء قد تكون أدوات ومواد البناء التى يحتاجها . جهز ما تحتاجه مسبقاً لتندمج بالعمل دون انقطاع حتى تكمل مهمتك .

Dـ تفادى تكديس الورق فوق مكتبك . أحفظه لتعرف مكانه بالضبط . وقلل عدد مرات استخدامك لكل ورقة .

Eـ استفد من كل المصادر القيمة التى أمامك . يمكنك الاعتماد على حدسك الخاص للوصول إلى ما تحتاج ، دون تضييع الوقت فى البحث ومن الأفضل الاستعانة بسكرتير للبحث عن المعلومات . أشياء مثل الأرشيف الحكومى والإنترنت والدليل التجارى قد تكون ذو قيمة كبيرة كمصادر للمعلومات دون تضييع الوقت . استخرج هذه المصادر

المشاركة الأصلية كتبت بواسطة aashiqa

منظم الادوية وايد عجبني شفت وحدة ويانا فالحج عندها قالت مستشفى فالبحرين عطاها هالعلبة

شايفه منه في دايسو =)

تعلمت من اختي اذا بغيت اذوب الثلج بسرعة من اللحم او الدجاج احطهم في قدر ماي عادي مع شوية ملح وبسرررررعة يذوب تقريباً نص ساعة او اقل

لان زوجي دايماً مستعجل واذا طلب شاي لازم يكون جدامه في ثواني فماكان حل جدامي الا اني احط الماي في الغلاية الكهربائية واصبه في الدلة اللي على النار

اذا ببدل للطفل حفاظته وانظفه بالمناديل وقت اكون برع البيت احط حفاظة نظيفة تحته وهو لابس القديمة،، افتح القديمة بدون ماشيلها وانظف بالمناديل واترك المناديل داخل الحفاظة، اخلص،، اطوي الحفاظة القديمة واحطها في كيس جمبه وتكون الحفاظة الجديدة موجودة بس اسكرها،، عشان السرعة وعشان مايتبول البيبي علي في وقت التبديل

الملابس الحريرية واللي فيها شغل والعبايا والشيل كلهم بشامبو العبايا الوردي وانشرهم يجفون طبيعي بدون ماستخدم النشافة واكويهم بالبخار ماعدا العبايا لازم الكواية

تعلمت من امي وقت سفراتنا تغسل ملابسها الداخلية وقمصان النوم الخفيفة بنفسها (وماتعطيها للفنادق) بشامبو الشعر اللي في الفنادق نظافة وريحة*( تستحي يشوفون الرجال هذي الملابس)

تعلمت من امي دايما تحط مفرش الحماية ( قطني وفي منه احجام على حجم السرير وينغسل) على الماتريس قبل ماتفرش السرير عشان اذا حد كب عصير او رجع او حد من اليهال تبول او حتى ايام الدور والنفاس فمايتوسخ ( الدوشق او الماتريس) لان تنظيفه جداً صعب وحتى لو حاولتي تنظفين سطحه تتسرب السوائل لداخله

من مجلة تعلمت تنظيف الزجاج والمرايا باوراق الجريدة ابيض واسود مع منضف الزجاج يعطي لمعه شديدة وبدون وبر

الشموع ضرورية في الحمام خاصة وقت يكون عندج ضيوف او عزيمة اولاً منظر حلو وثاني شي تمتص الروائح الغير مرغوب فيها بس اهتاري اللي حجمهم صغير ومعاهم حامل او حماية من تحت عشان ماتسير حرايق (مرة حطيت شمعة على البانيو ونسيتها وسارت حريقة في الحمام!!!! ماكنت ابد اتوقع ممكن تسير حريقة في الحمام وطبعاً البانيو اختفى والسيراميك تساقط على الارض ههههه الحمدلله ان احنا نجينا

تعلمت من وحدة لبنانية في صالون وقت عن عندها عزومة تجهز اللي تريده في صواني وتخليه في الثلاجة اليوم اللي قبل او الصبح وقت العزومة تدخله الفرن بس

المشاركة الأصلية كتبت بواسطة الوردة الجورية

من مجلة تعلمت تنظيف الزجاج والمرايا باوراق الجريدة ابيض واسود مع منضف الزجاج يعطي لمعه شديدة وبدون وبر

انا بعد تعلمت هالشي .. بس من الوالدة …

ما شاء الله عليج يا الوردة الجورية … في اشيا وايد حلوه ذكرتيها … وبالذات كيف انذوب الدياي واللحم المجمد … بجرب وبشوف …

1- البوفيه ؟ من وين اخذه من العين " شرايكن ب محل بينونه للأفراح ؟ وكيف اسعارهم ….

ولا هارديز حق اليهال اذا بييون البيت كد حد يابتهم وكيف كان تنظيمهم للحفله …
أو ابغي اي محل كد تعاملتن وياه بس اسعارهم تكون زينه والاكل طيب مع خدمه

2- الحين انا ابغي اخذ طاولات وكراسي حق العشا بعدد الضيوف بس اكلم منوه ؟.. اي محل يقدر يوفرلي هالشي للي تعرف؟

بنتظار ردودكن

ما تشوفين شر أختي

انا صار لي نفسج وكل مرة أخذ حبوب تنزل الدورة لانها مب منتظمه واعتقد اللي عندج بدايات الدورة لا تحاتين

شربي لج قرفة وان شاء الله بتنزل