هلا فديتكم مسآكم ورد
السلآم عليكم ورحمه الله وبركآته
حبيبآتي ادري انه المعلمة اللي تدرس ابتدآئي يكون تخصصها تربيه وتعليم صـح ؟؟
بس ريآض الاطفـآآل
شنـوو التخصص اللي بتدشه ^^
شكرررررا =)
تحيآتيي
تخصص رياض اطفال
التخصص يكون طفولةمبكرة
1و2و3 (معلمة فصل )
يعني تدرس تخصص تربية اسلامية ولغة عربية
او علوم ورياضيات
رياض الاطفال التخصص يكون رياض اطفال
عندنا بالسودان
الكليه اسمها علم النفس ورياض الاطفال
فديت بلــــــــــــــــــــــــــــــدي.gif "12 (15)")
واحب بلادكم.gif "12 (43)")
\
آستغفرآلله
آستغفرآلله
آستغفرآلله
//
السلام عليكم
شحالكم بنات؟
حبيت اسأل اللي ياخذون صيفي من مواد التخصص
اذا حد خذ مادة برع الجامعه بس نفس المادة يعني الموجوده فالتخصص اللي فالجامعه..ولكن من مكان برع الجامعه
هل تقبل الجامعه فيه والا شرط ندرس الصيفي عندهم ؟ و ما يعادلون المادة لو خذتها من مكان ثاني؟
للي عندها اي معلومات تخبرنا بليز ..
السلام عليكم ورحمة الله و بركاته
هلا و غلا فيكن يا بنات 
انا توني متخرجه من الثنوية و انقبلت في جامعة زايد 
لكني يوم سجلت فالموقع سألوني عن الكلية الي بتخصص فيها فالجامعه وانا طبعا توني متخرجه شدراني 
بعدني ما اخترت التخصص و لا اعرف فالسوالف 
فاخترت عشوائيا كلية 
((" الآداب و العلوم ")) 
لو تعرفن يا بنات خبرنني عن هالتخصص
شو تعرفن عنه؟؟
هل هو مطلوب يعني ينفع ولا لااء؟؟
ويستوي اغير التخصص ولا شو؟؟
و يبت فالسيبا 188 فاي لفل تتوقعن بيحطوني ؟؟
ماعندي أي علم مغيرين نظام الجامعات الله يعينكم
الله يوفقج ف دراستج
للرفع
المشاركة الأصلية كتبت بواسطة أبل7 
الله يوفقج ف دراستج
للرفع
تسلمين على الرد السريع اختي
المفروض على طول تخصص على ايامنا 170 اخر لفل اما فوق ال180 تخصص ماشي فاونديشن
هلا أختي
أول ماتدخلين الجامعة بتكونين لفل ع حسب درجة السيبا .. واذا ماعندج ايلس ترى بتمين فاللفل الين ماتيبينه
وبعدين جينيرال سنة ونص وقبل ما تخلصين الجنيرال يسون لكم مثل يوم يعرفونكم ع كل التخصصات فالجامعة بصراحة انا من هاليوم اخترت تخصصي
ف عادي لاتحاتين التخصص وراج درب الين ماتقررين شو تخصصج
تقدرين اتغيرين التخصص لين ما تدخلين كولج
ف عندج وقت حبيبتي
أريد أعرف تخصص التنميه البشريه تحت أي مسمى أو تدرس في أي كليه وهل عندنا في البلاد هالتخصص
وشكرا
اعتقد في جامعة ويلنجونج في دبي
ياترى شو إسمه بالإنجليزي
وهل هذي الجامعه معترف فيها
بس ما جاوبتوني التخصص هذا شرات الموارد البشريه يعني ما يرجع لمسمى كليه معينه مثل التربيه أو الأعمال
المشاركة الأصلية كتبت بواسطة ba6o6a الغاليه هذا التخصص مب موجود فهالجامعه
وكلها كفار وهندوس يدرسون
في تخصص موارد بشريه
التخصص الي أطريه
تنميه بشريه
حصلت اكاديميه غسمها الفرحه بس ما دري وين
في أي بلد أعتقد إنها بالكويت
السلام عليكم
صديقتي تواجه مشكله في اختيار التخصص هي حاليا تدرس مواد الأوقرو في جامعه الامارات ،، الكورس الياي بتبدا فمداخل التخصص و للحين محتاره !! اول شي قالت بتدش قانون و قالولها وايد صعب و وايد حفظ و سنوات الدراسه وايد بتطول ،، ف يوم يا وقت التسجيل سجلت ف كليه العلوم الانسانيه و نوت تدرس علم نفس و متحمسه للشي و قررت من الحين شو المواد اللي بتاخذهم الكورس الياي و رضت بالامر الواقع انها ما بتقدر تدرس قانون لانه صعب و غيره ،، بس يوم تناقشت ويا أهلها و صديقاتها أحبطوها و قالولها ماله مستقبل و ما بتحصين وظيفه ولا شي و هي محبطه و ما تعرف أبد شو تدرس و تبا تعرف الحين شو مستقبل القانون و شو مستقبل علم النفس و هل دراسه القانون صعبه لها لدرجه ؟!! ردو علي لانه فتره تسجيلها قربت ولازم تقرر و تحول من كليه لثانية و غيره
همم..
القانون صح إنه شوي صعب
والحفظ فييييه يعور الراس ..
وسنواته عادية فقط 4 سنوات ..
بس البنت إذا كانت حابة هالشئ
ومحطية فبالها هدف إنها تقدر تدخل هالتخصص ..
فتقدر تمشي فييه وتييب إمتيازات بعد ..
بالتوفييييييج للجميع .. ^^
اختي هي تدرس لنفسها ولا عشان غيرها؟
خليها تثق انه حتى لو دخلت مجال له مستقبل
وهي مب حابتنه ما بتتقبله ف كيف بتتحمل
طول سنوات الدراسه؟، قوليلها تصلي استخاره
وما خاب من استخار اذا ارتاحت لتخصص معين
وحابتنه تدخله وتدرس شي تحبه وبتتوفق فيه
ان شاء الله
يعني اختي مااعرف شو اقول
اول شي هل هي جيده بالحفظ؟! يعني تحب تحفظ
القانون كثيييييير قوانين ولازم تحفظينها بالتكه وتكوني جيده في اللغه العربية لان اي كلمه تحسب عليكي
كمحاميه
ثاني شي المحامي لازم يكون عنده فهم لامور الحياه
يعني ماينفع تكون محاميه وماتعرف تدافع او تتكلم او عندها فهم
في ناس يقولون المحاماه بس حفظ
بس مب صحيح يوم تشتغل بتلاقي اشياء ثانيه امامه
ياما محامين الناس العاديه احسن عنهم عشان افهم منهم
وهم بغباء بس!
علم نفس ممكن تصير مدرسه علم نفس يعني تدرسه وتاخذ ماجستير فيه وتدرسه في المدارس
وين المشكله
وتسوي بحوث تصير اخصائيه نفسيه
يعني له مستقبل
ويعبر عن شعور الناس والمجتمع
يعني مب ضروري الحفظ فيه بس الفهم
مثلا اعطيكي مثال لي
انا كنت احب ادرس تكنولوجيا بس الرياضيات صعبه علي
ولكن اصريت وتخرجت
عادي وجبت مجموع مب بطال وحققت حلمي
هذا التخصص له مجالات واسعه
بس التوفيق من الله
للحين مالقيت وظيفه!
مب معناها التخصص مطلوب معناه الواحد بيتوفق
السلام عليكم
شحالن بنات؟
ابي اعرف شو الجامعات الي تدرس هندسة بترول غير جامعة الامارات
و الوظائف الي تخص هالتخصص كلها في بوظبي ولا شىء بعد في دبي؟
والنسبه صحيح ان لازم فوق ال85 ولا؟
للللللللللللللللرفع
موفقه الغاليه.. اختج @مبدعه@
السلام عليكم ورحمه الله وبركاته
شحالكم ؟؟
ابا كل بنت في جامعه زايد تكتب عن التخصصات الي موجوده في الجامعه ..
وتشرحلنا شوي عنها ..
انا حابه ادراه اعمال .. بس ما عرف وايد عنه ..
توني نزلت موضوع ابي اعرف عن ها تخصص
للرفع
up
up
up
مرحبا خواتي
تفضلوا هذا موقع الجامعة .. تقدرون تشوفون التخصصات الموجوده وافرعها
http://www.zu.ac.ae/html/colgacad.html
شوفي الغاليه الوحده هيه وميولها ..
مثلا : انا من صغري واقول بدرس بزنس ( ادارة اعمال)الخ .. والكل عارف هالشي .
الحمدالله تخرجت ودخلت الجامعة وبعدني حاطه في بالي بدرس بزنس .. طبعا هم في البدايه قبل ما تتخصصين
لازم تاخذين introduction to 2 majors اخترت بلاا شك بزنس وايدوكشين لانه يرفع الجي بي ايه ..
المهم بدت الدراسه بسسس الصراحه ابدا مارمت اكمل البزنسس احس انا كنت حاطه في بالي شي وهو شي ثاني ..
والحمدالله استخرت بين البزنسس والاعلام ( العلاقات العامه) وربي وفقني في الاختيار والحين وااايد مرتاحه بلا هم الحفظ والامتحانات.. لانه Public relation and creative advertising( تخصصي بالانجليزي) يعتمد ع بسس تسليم البروجكت في الوقت المحدد وفيه تقريبا ماده ART ومادة Graphic ومن هالتخصص شخصيتي واايد تغيرت للاحسن طبعا .. والحمدالله باقيلي هالكورس بسس دراسه والسمستر الياي بتخرج .. !! ادعيلي بالتوفيج 
وفالج طيب جان بغيتي تعرفين عن اشياء ثانيه اختي
مرحباا الغاليه
الاخت خوو ما قصرت
وانا تخصصيه بزنس + آي تي
والحمدالله مرتاحه والحينه انا ف الانترشب
اختي kho ما شاء الله ما قصرت والله ^_^
وبالتوفيق يارب للكل
مشكوره اختي kho
ما قصرتي
كلميني عن الديزاين .. ؟
السلام عليكم ورحمة الله وبركاته
شحالكم ؟
أنا اخت لازم اسم ^^
بغيت أستفيد منكم بخصوص تخصص e- business
كيف دراسته تكون وعن شو وهل دراسته ممتعه
وبنفس الوقت وين أقدر اتوظف بشهادته .
لاني محتاره مابين هالتخصص وبين Business Administration
فاللي عنده خلفيه عن هالتخصص يفيدني .
والسمـــوحـــه .
هو عباره عن تخصص تجاره الكترونيه .. حلو لكن غير رائج بالدوله .. انصحج بادارة الاعمال
اذكر المس كانت تقول اللي محتارة بين البزنس والآي تي تدخل هالتخصص ..
وان شالله البنات يفيدونج اكثر ^^
لوول ..
اول ماقريت هالتخصص تذكرت واحد كان يشتكي من هالتخصص ..
طبعا هو متخرج .. ويوم بغى يتوظف مالقى وظيفه مناسبه تناسب مجال دراسته ..
وحليله الحينه بيكمل ماستر عشان يغير تخصصه .. لأن مب معروف هالتخصص وايد في الامارات ..
انصحج تختارين الثاني
خليج عالبزنس أحسن لج
تتوظفين في اي مكان وكل مكان
حبايبي التخصص ماشي باقي عليه وانا محتارة وايد 
يوم قلت ابا HR (موارد بشرية) قالوا لي الدولة مليانه هالتخصص
ويوم قلت بختار(فاينانس) الي هو المالية , قالوا لي اذا شاطرة فالرياضيات احدريه خخخخ
انا ميييييح فالMath بس ماشي حالي يعني اقدر ان شاء الله
هاه شو رايكم شو اختار تخصص حلو يناسب اي بنت و اي موظفة
التخصص في كلية التقنية
ارجو من بنات التقنية تفيدوني
وشكرا لكم كلكم
حبوبه لو الدوله مليانه التخصص HR جان ما درسوه في الجامعات ؟؟
والفاينس والاكاونتن مطلوبات وايد
وما ادري انا مش مجالي بزنس فما اعرف
بس يعني انتي ما يهمج كلام الناس اصلا
عليج باللي مقتنعه فيه
نفس اللي يقولون لج هاه ماله مستقبل بس هوه له بس الناس تشوف اشياء بنظره ع طرف ما تتوسع وتعرف شو هوه اصلا
للرفع
الاكاونتنج والمانجمنت وانتي والخير رباعة ….
انا ماخذه مانجمنت كتخصص فرعي وعجيييييب ^_^
الــ HR مطلوووووب لان في اغلب الوظايف وافدين
والفايننس مطلووووب
السلام علييييييييكم ورحمة الله وبركاته
شحآالكـن سيدآات الامارات ؟!؟
اليوم حبيت آستفسر عن عشقي وغرآمي ..تخصص ( علوم سياآسيه )
يآناس والله انا احب هالتخصص وشخصيتي وايد مناسبه له وانا وايد احب السياسه واحب اتفلسف بها الاموور استآنس صرآحه ..ومن صف اول ثنوي افكر اني ادرس هالتخصص ..
بس المشكله الي معقدتني ..ان الي اعرفه مافي جامعات تعطي هالتخصص الا الامارات ..او اني اسافر بعثه ..الحين انا فالعين مابدرس ويين بسآفر >< ..
طبعا انا بشكل عام ماحبيت جامعة الامارات من الي اسمعه >< ..وانا مستبعده المكان واسبوع كامل بعيد عن هلي والخ ..ومن يومي ماأفكر بها ابد ..
فكرت واخترت وقررت اني ادرس فالتقنيه اداره واعمال صح اني احب هالتخصص بعد ..بس اكثر شي ميوولي للعلوم السياسيه اااااااااااخ عووقي هالتخصص …
والحين ..خاطري اعرف ..:
شو الجامعات غير العين تعطي تخصص علوم سياسيه ؟
وبالنسبه للبعثه ..يمممكن اختار وادرس بالخارج ..تنصحوني بها الشي ولاا ؟
والي درست هالتخصص ..ممكن تقول لنا عن تجربتها ؟
ودعوآاتكم لي بالتوفيييييييييييييج والنسبه العاليه ..واني ادرس التخصص الي يكون خير لي ..
هلا دهن العود ^^
جامعة زايد تعطي هالتخصص .. عندج في دبي / وفي بوظبي
وعن سالفة السكن .. ترى السنه اليايه بيفتحون عندنا السكن في بوظبي لان الجامعه بتكون يديده ع السنه اليايه
والله يوفقج حبيبتي
للـــــــــــرفـــــــــــــع
مشكووره درة دار زايد ماتقصرييييييييييييييييييين فدييتج ..
وجامعة عيمآان ؟؟ حد يعرف عنها شي ؟؟
يزاج الله خير اختي هند ع الرفع ..رفع الله مقدآرج ..
جامعة زايد شي حبوبه