هلا خواااااااااااتي العزيزات…
اليوم عندي كلمة وبغيت أقولها لكم…
بصرااااااااااااحة وبكل أمانة… أنا شفت الكاتلوج مال العروس 2024 اللي نازل مع زهرة الخليج…
وفعلا مستغربة من المكياج… أبدا مايعكس الذوق العام … وفعلا تضايقت من اللي شفته.. حتى بأمانة… أول كلمة قلتها في قلبي…
حتى هذا الفن الراقي "فن التجميل" صار وسيلة للكسب المادي فقط… بالرغم من إنه لا يمكن أن يكون إلا إبداع x إبداع…
والله حسيت بالقهر من الممكيجات وما أقدر أسميهم خبيرات،، لأن الخبرة والموهبة أبعد ما تكوون عنهم.. حسيتهم ما خذين كم دورة وبدأو يمكيجون بدون أي فهم للذوق العام.. يعني الموضوع بس دورة علشان تتعلم بعض الأساسيات وتضحك على العالم…
أنا اللي أعرفه إنه في واااااااااااايد بنات ياخذون دورات بس اللي تبرز منهم يمكن وحدة أو ثنتين ( من إجمالي 10 أو 15 ) والسبب إنه المكياج فعلا فن ومش سهل الوحدة تتعلمه إذا ما أمتلكت الموهبة وحس الإبداع… على الأقل تعرف كيف ترسم بالآيلاينر وتعرف كيف تنسّق بين الألوان وما تحط ألوان متنافرة…
ما أريد أذكرأسماء بس فعلا في ممكيجات البنات مدحووووهم لكني للأسف بعد الكاتلوج اكتشفت إنهم مجرد ممكيجات ومستحيــــــــل أسميهم خبيرات "مع احترامي لهم" وعندي قناعة إن في النهاية الزين يفرض نفسه…
والله يشهد إني قلت في قلبي إذا هذا مستوى المكياج اللي ينعرض والله والله وثم والله… إني إذا مدحت أي خبيرة تراها مش بس خبيرة لكنها وبجدارة ماكييرة..
وأنا صدق أحب الماكييرة اللي تفهم نفسيتي وتعرف شو اللي يناسب ملامحي.. وأهم شي تعرف كيف تبرز جمالي من خلل ألوان ورسم يريحني أنا إذا شفته قبل لا يشوفونه الناس علي… مش تحط لي شي يخليني إنساتة ثانية وتطلعني من نفسي بصورة لا تعكسني أبدا…
هذا يا بنات من قهري وأتمنى تتفاعلون معاي وتردون على موضوعي
والله يوفق الجميع