الوسم: الايجارات

بنات بغيت اسأل عن اسعار الايجارات في مردف او مزهر او مناطق الي هناك ..

والله و انا بعد قاعده ادور!!

اخواتي العزيزات ممكن تقولولي كم هو المعدل لايجار شقة متواضعة غرفتين نوم و حمام واحد في كل من الشارقة او دبي و لكم جزيل الشكر[/SIZE]

اهلين اختي على حسب موقع الشقه الي تبينها وعلى حسب العماره لو كانت يديده فبيكون سعرها اغلاء عن الجديمه يعني على حسب المناطق وانا بصراحه اجوف الاجارات وااااااايد مبالغه فيها عندنا في دبي اما بخصوص الشارجه اول كانت ارخص من دبي الحين صارت تقريبا نفسها يعني اذا على طلبج غرفتين وصاله ومطبخ وحمامين في دبي مب اقل من خمسه وأربعين ألف سنوي هذا اذا مب اكثر والسمووووحه الله يوفقج للأرخص

كيف هي فرص العمل بالدوحة و الايجارات هل هي مرتفعة حبيباتي؟
ارجو بنات قطر يساعدون بمعلومات

مرحبا لو لقيت شقه من طابقين تحت حجرتين وصاله وحمامين الله يعزكم ومطبخ
وفوق حجره نوم وحمام وبلكونه كبيره
كم بيكون لمت الايجار ف الباهيه مع الكهربا والماء

تنفع تكون ب 150 الف ولا عسب عقد دوام ريلي بيوافقون اللجنه ولا

اختي هذه موب شقة هذه فلة من طابقين بس صغيرة نحن امس اجرنا فلتنا في الرحبة هي تتكون من 8غرف 4غرف تحت و4غرف فوق وصالة و7حمامات وروف غرفتين يصلح حق الخدامة والكوي تعرفي بكم اجرناها 130000درهم وهي اكبر من فلتج لو بياجر عليكم ب 110او120كان زين وهي في الباهية مابتكون غالية هلكثر بصراحة
انا اشوفها غالية اقصاها 100وبس حالها حال الشقق الحين ياجرون الشقة في الرحبة الباهية 65واذا الشقة كبيرة ب 70 ولا اكثر ما تحصلين حدياخذها

إذا بغيتي فيلا في خليفة ( ب ) ممكن أفيدج

للرفع

السلام عليكم ياخواتي سبق قبل ثلاث شهور
حطيت موضوع اني مب لاقيه بيت اسكن فيه انا وعيالي بسبب ارتفاع الايجارات الجنوني في بوظبي وحنا بدل السكن عندنا متدني بس ستين الف لفينا الدنيا ودورنا في كل مكان بس بايجار ستين الف يضحكون علينا مال المكاتب يقولون عاوزه شقه بستين الف يقول انا عندي استيديو بسبعين ايه رايك شو نسوي حتى خارج بوظبي ماحصلنا شي مناسب شوروا علينا خواتي اخاف ايي يوم اشوف نفسي في الشارع انا وعيالي حد عنده واسطه في لجنة خليفه انا سمعت يسوون استثناءات من القرعه ، لانه ملينا من كثر مانقترع ولاترسي علينا ولاقرعه ، او حتى اريد حل مناسب لمشكلتي ويزاكن الله خير

انا اعرف ان السكن ارخص بواايد في بني ياس لو ترومين تعيشين في بني ياس

والله يعينج

الله يكون بعوووونج يالغاليه كل شي ارتفع مادري من وين بنيييييييييب هالبيزات جنه تحتنا بترول عسب الايجارات تزيد

حاولي ادورين يالغاليه والله ما بينساج ان شاء الله توكلي على الله والواحد لازم يدور عسب الاجر بعد من عند رب العالمين يالغاليه والله ماينسى عبيده يالغاليه ان شااء اله تلقيييييييييييييييين البيت اللي بخاطرج ويسر امورج يارب

ما اعرف شواقولج…غير الله يفتح لج ابواب الرزق….
حاولي ادورين ناس ياجرون في بيتهم…يعني جاسمينه …على الاقل بيكون مقدور عليه ..واستخيري …الله يفرج همج

الله يعينج ..

الحال من بعضة ..

لله يهونها عليييييج وعلى اليميييع ياربي

يزاااكن الله خير خواتي على الردود اختيه حتى بني ياس صارت غاليه وبسبعين وستين جديم ومايستاهل وانا اريد اسكن في بوظبي لانه دوام ريلي والعيال مدارسهم في بوظبي مضطره اسكن في بوظبي في لجنه خليفه الايجارات رخيصه بس المشكله بالقرعه وانا سمعت القرعه يتلاعبون فيها الموظفين بالرشاوي يرسون القرعه بعشرة الاف درهم واحنا ناس نخاف الله مانبا نرتشي وننطرد من رحمة الله لاتنسوني من دعواتكم يالغاليات انه بسرعه ربي يفرجها علي

خواتي ابغي افتح صالون في دبي

للرفع

ان شاء الله تلقين يالغلا
شيكي على الوسيط والاعلانيه او شوفي عن طريق المكاتب

مشكوره اختي انا ادور الحين وان شاء الله احصل

شحالج اختى نزلى اعلان فى الجريده بخمسين درهم وبيتصلون فيج سماسره مال عقارات وبيطلعون لنج محل من تحت الارض _____ وشكرا

ان شا الله بنزل اعلان بس بعد فتره لاني موصيه ناس يدورولي واخاف ايجيني ازعاج من الاعلان

وان شاء الله اذا في حد من البنات جنبها محل او شافت مكان تدلني وشكرا على درودكم

ان شاء الله تلقين موفقه