بسم الله الرحمن الرحيم
هالموضوع عبارة عن رد لإحدى الخوات بغت تغير من اللون المألوف وهو (الأحمر) المميز لليالي الحب والغزل وكان اختيارها للون الأخضر وحبيت أساعدها في الأفكار والديكورات السريعة والذكية وحتى تستفيد أكبر كمية من البنات من تعبي فيه نزلته بصفحة منفصلة وطبعا الموضوع حصري لنادينا الغالي
/
/
علقي فوق طاولة الطعام نبتة مثل اللي في الصورة وضيفي لها ليتات من عند أي محل أنوار ووزعيها عليها بتناسق عسب تكون شرات الثرية
صور لبعض المائدات حق العشاء
طبعا انتي غيري الألوان كله أخضر شموع وورق التيشو والصحون بس الملاعق خليها ستيل أحلى
وانثري ورد جوري طبيعي مايل للأخضر على الطاولة
لاتنسين المفرش يكون أخضر حلو شرات هذا
أو يكون من لونين أحمر وأخضر شرات هذا
انتي ضيفي اللي تبينه وعندج وايد خيارات
هب شرط أكل صيني إنتي براحتج سوي سلطات مكونة من خضار (خس وخيار وفلفل رومي وذرة) وسلطة فاكهة من اللون الأخضر (كيوي تفاح وشمام أخضر) عصير أفوكادو
عندي فكرة مميزة محد بيسبقج فيها اشتري قفص عصافير حلو وناعم ولونه يكون أبيض ومعاه الستاند اللي يتعلق فيه شرات الصورة
وحطي فيه زوج من طيور الحب ولا تنسين تزينين القفص بالأخضر والنبات حسب ذوقج وإذا حبيتي تخاطرين اشتري ليت من ايكيا من النوعية اللي تكون نازلة من السقف وعلقي القفص مكان الليت وضيفي الليتات عليه وتكون ليتات خفيفة طبعا مال الزينة وزيني القفص بنبات أخضر وشوفي كيف صار عندج ثرية مستوحاة من الطبيعة
الله يعز القارئ ايي للحمام طبعا ما تحتايين توصية وزعي شموع معطرة بأحجام وأشكال مختلفة ولونها يكون أخضر في كل جنبات الحمام وحطي مزهرية زجاج أخضر وداخلها وردتين باللون الجوري الأبيض والحمر رمز الحب والنقاء واشتري مثل اللي في الصورة من أي محل رخيص
ووزعي عليها كل شي أخضر عندج من منتجات وشامبوهات وليفة وعطور
وممكن تفرشين الأرضية بمثل هذي الأرضيات الخفيفة تحت المغسلة وعند الدش
وحطي لج مناشف حلوة باللون الأخضر وأفضلها نفس اللي في الصورة يعني يكون فيها لون أبيض سواء مخططة أو مشجرة تضيف حركة فيها
وجان تبين تغيرين ستارة الدش يكون أفضل طبعا باللون الأخضر الفاتح حتى ما يستوي المكان غامق
الحين انتي يا عسل البسي فستان فيه شك بسيط ومهم جداً يكون قصير أو إلبسي تنور خضرة غامج وتوب اخضر فاتح وكعب (الله يعزج) اللي فيه خيط تنلف حول الريول لين الركبة والتسريحة خليها فوق مع خصل نالة برقة على رقبج وشوية قدلة دلع
وغرفة النوم الحين ما تتوصين فيها مفرش أخضر ناعم وشيلي كل شي على التسريحة وحطي بس عطورج ولشناتج اللي لونهن أخضر بسسس وغيري شوية في ديكور الغرفة مثلا..
اشتري براويز من أيكيا اللي تكون خشب عادي رخيصة مثل هذي
واضبغيهن باللون الأخضر الغامق عند أي نجار دقيقتين وعلقيهن في حجرة النوم فوق الشبرية شرات هالصورة
اشتري كوشات خضرة ووزعيها ع الأرض وفوق السرير وخلي ألوانها درجات الأخضر
وآخر حركة وهي ذكية وايد وتغير بشكل الغرفة سيري عند محل ديكور واشتري عنهم لاصق ملون عبارة عن فواصل ورق جدران ولصقيه على نص حيطان حجرتج بحيث تفصلين الطوفة نصين مثل ما تشوفين بالصورة
وخلاص ابدي الحين في الإنجاز وأظن هالليلة الغالية تستاهل 
ممكن تغيير الألوان حسب الرغبة وإضافة نكهات مميزة وخاصة حسب الأذواق
هذا العرض والشغل من تعبي الخاص وما أحلل لأي وحدة تنقله دون ذكر اسمي
حلوين
روووووووعة
تسلمين ع الافكار الحلوة
تسلمين الغلا ع الافكار الخطيرة
ماشالله افكار حلوه ,,,
يسلموووووووووووووووو عالافكار
يسلموووووووووووووووو عالافكار
المشاركة الأصلية كتبت بواسطة LU_LU 
