مرحبا الغلا…
أمس كنت قاريه موضوع علجرانيت ووحده من الاخو ات كتبت عده خطوات للاختبار…
أول شي خذي لج قطعه وحده سامبل..
ارسمي عليها وخليه شوي وعقب شوفي هل ينشال الحبر..؟؟
ثانيا صبي عليه عصيير وكلوركس وخليها شوي وجوفي اذا بيتأثر…
ثالثا…اخدشيها بخاشوقه أو مفتاااح وجوفي… طبعا اذا ما تحملت ما بتتحمل الاثاث فوقها ينجر…
اخيييرا غرقيها ليله بسطل ماي ان بقعت عقبها تراها بتشؤب ماي ويتنكسر عقب…
ومن تجربه اهلي واختي تراهم خذوا لبيوتهم جرانيت راس الخيمه><<<راك>>>>
وما شاء الله اشحلاته رغم اليهال والركيض…
هذا غير ان سعر المتر ب60 وشوي تقريبا
وبعد يا اختي فكري الميزانيه اللي بتصرفيها عالارضيه الغاليه وعقبها بتغطي المكان بالزوالي بتكون ضايعه…
يعني استثمريها بالاشيا الثانيه للبيت…
وربي يوفقج..