التصنيف: الحلويات

بسكويت شاي (اي نوع مفضل)
كرتون كامل دريم ويب (4 أكياس)
1 قشطة
1 كريم كراميل
حليب بودرة 4 ملاعق
جلي الفراولة
4 حبات رمان

الطريقة:

يغمس البسكويت في الحليب
و يوضع في البايركس على طبقتين
ثم توضع بقية المقادير في الخلاط ثم تصب فوق البسكويت و توضع في الثلاجة لتبرد و تكون متماسكة
ثم ننثر حبات الرمان على الوجه ثم يصب فوقه الجيلي و يوضع في الثلاجة

[IMG][/IMG]

المقادير:

باوند كيك ابيض وكيك ككاو ( يعني نوعين ابيض واسود )

المقادير:

قيمر

وكريمة

وجبنة فيلادليفا

وكارميل البودر والاسود الي معاه مادري شسمه

ونص كوب سكر بودر

نايلون او ورق شمع على حسب الي يتوفر عندكم

تقطعي الكية 18 قطعة

بعدين تقطيعها بالطول عشان تصير صغيرة

المقادير نخلطها مع بعض كل المقادير الي فوق ماعدا الكيك طبعا

القيمر والفيلادلفيا والكريمة والكراميل والسكر الناعم

بعدين نحط الخليط

بعدين نحط الكراميل الي يجي مع الكريم كراميل فوقه

اخر خطوة نحط الكيك الباقي فوق

بعدين نسكر الكيكة بالنايلون او الورق الشمعي

حطيه بالفريز شوية
طلعيه واقلبي الطبق ولازم يكون كبير علشان يطلع شكله حلو

وهالطريقة اللي تقصدينها

]

وهالشكل النهائي قبل ماتحطين الكيك عليج

حبيت اضيفها عشان تكون الفكرة واضحة

يالله بسم الله خلونا نبدأ:
المكونات المطلوبه : طبعا ما راح احدد الكمية لانها مب محدده انتي على كثر شو بتسوي حطي المواد أوكي . يلا نبدأ.

نحتاي بسكويت ماري ( تعرفونه ) دواير مال الشاي.
نحتاج نشا – ونحتاج جلي اي نوع تحبيه بس أحلى شي الفراولة أو الكرز.
بس هاي المواد شفتوا شلون سهلة …..
الحين نبدأ ..
نييب السكوت ونصفه في صحن التقديم ويكون صحن عميق شوي وبعد هذا نييب النشا طبعا يكون مسواي ( ما عرف شلون اوضح يعني يكون جاهز للأكل خخخخ ) وتصبون النشا فوق البسكويت وترجعون مرة ثانية وتحطون طبقة بسكوت وتصبون عليها نشا وهكذا لييين عدد الطبقات الي انتوا تخبونها طبقتين ثلاث اربع على حسب ما تحبون ….
بس آخر طبقة لازم تكون من النشا .
بعدين تحطونها بالثلاجه لين يجمد النشا أوكي ….
ولين يجمد النشا روحي سوي الجلي وخليه يبرد برا مب بالثلاجه بس ذوبيه بماي حار وبندي الغاز وخليه … بعد ما يتجمد النشا صبي الجلي فوق النشا ورحعيه مرة ثانية الثلاجة وخليه يجمد بس على فكرة خلي الجلي غليظ شوي يعني جلي وايييد وماي شوي خخخ وخلي الجلي لين يجمد وجي راح يصير عندج سنافر حلوةةةةةة عبارة عن طبقة بسكويت ونشا وجلي أحمر … تقدرين تقطعينها مربعات صغار …

ملاحظات مهمة :
انتبهي لا تصبين الجلي على النشا وهو حارلانه راح يخرب عليج طبقة النشا .
لما تصبين الجلي فوق النشا صبيه من مسافة قريبة وما يكون مركز على مكان واحد عشان ما يسوي حفرة في الطبق.
بإمكانكم انكم تحطون كذا طبقة جلي مب شرط الطبقة الاخيرة بس . بس عاد عباله قعدي حطي بالثلاجة وطلعي واتري لين يجمد النشا والجلي هذا اذا حبيتي اكثر من طبقة ..

جربوها وخبروني النتايج وبالهنا والعافية على قلوبكم …………
دعواتكم بظهر الغيب ………..