السلام عليكم ورحمه الله وبركاته
مشكلتي هي اني تعرفت ع شخص من فتره تقريبا بيني وبينه 8 سنين هو الشي عادي يعني لكن جي اهتماماته ابدا مش نفسي يعني ما يحب وايد يرمسني وجي اغلب وقته دوام وربعه واهله يوم اساله يقولي انا مالي فهالسوالف انا اعصب عليه وهو يحاول يسوي جي عشاني انا ومب مقتنع فيه يوم اساله وجي يقولي انا اهم شي عندي سمعتي واخاف عليج وما ارضى لج هالشي انا لو بتم وياج بكون حاط هدف فبالي وهو الزواج اما لعب بنات وجي لا .
ردي له كان ان انا بعد مابا العب وجي لكن مابا احط امل ع شي يمكن ما يستوي قال لازم نسعى يعني انا كيف بسعى انا بنيه لو اهلي قالوا لا ورفضوه انا شو بيكون موقفي . ودوم اسمع امي تقول لي بدايته غلط نهايته تكون بعد غلط هالشي مخوفني من هالموضوع لكن هو واحد والنعم فيه يعني ما يحب يلعب ولا شفت منه الا كل خير قالي فكري فالموضوع وانا بعطيج هالفتره تعرفين فيها طبعي عدل وانا اعرف طبعج ولو حسيت ان ارتحنا لبعض بي وبخطبج.
انا احس ان توني صغيره على العرس بحكم انه هو اكبر وبسن زواج فيوم اقوله لا يتحراني ابا العب او شي جي وخايفه من لي بيصير لو اهلي قالوا له من وين يعرف البنيه ما بيقولون والله والنعم فيه ياها من الباب لا هم بعد من النوع لي وايد يشكون وانا مابا اطييح من عينهم بسبه هالشي وهو يقول اني عيبته وجي وما يبا يلعب ويبغي يستقر خلاص .فالحين شو اسوي اتم وياه ولا ابتعد عنه ؟.gif "12 (46)")
تمت الموافقة
اختي كلنا تزوجنا ولاعرفنا طباع أزواجنا إلا بعد الزواج
بعدين كلامه تفهمي طبعي ومدري ايش
ترانا في مجتمع إسلامي هذه الأمور دخيلة علينا
اللي له النية الصادقة للزواج يعرف الباب
أختي ما في داعي للسؤال !!! يبا يتزوجج يتقدم وخلاص ! سالفة تعرفي طبعي وأعرف طبعج هذه لا من دينا ولا عاداتنا ولا من أعراف العرب وأخلاقهم . وأنت إذا تبيه قولي له تقدم وإذا ما تبيه أعتذري منه واقطعي علاقتج به نهائياً .
هلا وسهلا خيتي الامر ومافيه انك صغيره وخاليه البال وجاء ابن هالحلال وتعلقتي فيه شوي
والمده اللي تعرفتو فيها على بعض كافيه
وانتي الان امام امرين
حاسه انه مناسب لك يتقدم لك
حاسه انه مو مناسب خلاص هنا ينتهي كل شي اللي قاعد تسوينه مب زين لك ولا لأهلك وسمعتك فوق كل شي واذا حسيتي انه مناسب استخيري والله يوفقك ويكتب لك الزوج الصالح اللي يسعدك
حبي
هذا عنده عشره غيرج يرمسهم وقاعد يقطع عمره عشان ينسق الوقت بينج وبينهم
صدقتي يعني ان خايف عليج
لو يباج جان ياااج
لو انتي تحبين الافلام الرومانسيه ومستعده اتضيعين وقتج وعمرج خلج
ولو انتي تبين عمرج ودري
مليييييييييينا من جذب هالشباب
صارو واضحين
دام سنه سن زواج
خلاص اكييد بيكون مستعيل ع الزواج والاستقرار
وابصم لج ع عشر ان عنده علاقات ومسوي علاقات قبلج
اللي يقولج ناخذ وقت عشان نعرف اطباع بعض هذا مجرب ومخلص ويا غيرج
لان البريء واللي ما عنده سوابق ما بيقولها ما بيعرف يتصرف معاج اصلا
بالتوفيق
وبعدين تعالي هو ما قال بيي بيتقدم لج
هو قال اذا ارتحنا لبعض بيي بتقدم لج
في فرق
يعني يالس يجربج مال تجارب انتي
المشاركة الأصلية كتبت بواسطة طيف الغربة 