التصنيف: التنمية البشرية و تطوير الذات

خليها تتوكل على ربها

حاولي تتعرفين على عرب هناك..

واااااااااايد رياييل من هالصنف

بس يوم الحرمة تودره وتروح عنه يحن لها ويشتاق

ويروح لها ويقول إنه آخر مرة وما أعرف شو…

بس تدرين انتي شو تسوين؟؟؟

رطبي لسانج بذكر الله والاستغفار

والله عن تجربة.. الاستغفار تفتح لج أبواب والله ما تتوقعين إنها في يوم من الأيام تنفتح.. طبعاً أبواب خير..

وحاولي تفهمينه إنه لو يبا يصارخ ما يكون جدام عياله.. عسب لا تفقدين شخصيتج جدامهم..

لأنهم لو كبروا بيشوفونج إنسانة ضعيفة…

ولا تنسين الغالية.. الصدقة…

وقولي فلونة قالت..

كل هالسوالف عن تجربة..

والله من تمر علي محنة وتمر عليها شهور ما تنحل… سبحان الله من أتصدق في نفس اليوم أو بكرة بالكثير أشوف المشكلة انحلت..

والاستغفار خلاص تعودت عليه..

لأنه صدق يوم تستغفرين ربي يسهل لج وااااااااايد أمور…

وحاولي تدخلين حد يكون له رمسته عند ريلج.. ينصحه بطريقة ما يفهمه إنج انتي قلتي له…

يبين له إنه هو شايف اللي يصير..

والله يهديه لج يا رب..

ولا تتسرعين وتفكرين في الطلاق…

لأنه بيت الأبو للبنت غير عن يوم تكون مطلقة..

وعيالج لو يتربون في عز أبوهم أحسن يتربون بعيد عنه…

وعليج بقيام الليل…

وانه رايي من راي الاخت فلونه

اكتبلكم ياخواتي و انا هلاكانه و تعبانه من المرض الله ايعيني …

السالفة و مافيها ياخواتي العناد ترى ابد مب زين بس عاده منو يقول…

انا من كم يوم مريضة و تعبانه من تغير الجو ..كحة و هالسوالف رحت الصيدلية علشان اخذلي دوا..و ماقصر فيني الصيدلي عطاني الدوا و نصحني نصيحة ..الي هيه الراحة و من ثم الراحة و الراحة..فقالي وقفي التمارين الرياضية و الحركة الزايده تراها بتضرج..جان اقوله انا اصلا ماسوي رياضة و لا احب هالسوالف…و بس ليش عادة ايقولي لاتسوين رياضة ..وادشلكم فيرجين و اخذ بدال السي دي الواحد ..اربعة مال الرياضة و يوم رجعت البيت والا ادور عن سي دي خامس ..و احطيهم في الابتوب والعب لكم هاييج الرياضة…من يوجا لبيلاتييز و الله اعلم شو..لين ماهلكت..و اصبحت اليوم الصبح حالتي كسيفة و زاد عليه المرض ..والحين يالسة في الدوام و ايقولون لي روحي البيت و معانده حتى في نفسي ..يوم بيخلص دوامي بروح البيت….

خبروني حبيباتي عن تجاربكم ويا لعناد فادكم والا شراتي زاد عليكم ايام المرض و تعبكم اكثر…

امممم انا وارثه العناد من الوالده فديت خشمها ..

هههههههههه ادري شي كلش كلش الواحد ما يفتخر به ..

بس بعد .. شنقول . طبع و مانقدر نغيره < مب ماقدر .بس صعب شوي ^_^

مره سألت الوالد ربي يحفظه .. قلتله يآيبه ..كم من 100 تعطيني نسبه عناد !!

قال أنتي !!!!!!!!!!!!!!!!!!!!!!!!!!!!!!!!!!!!!!

مب وايد !!!!!!!!!!!!!!!!!!!!!!!!!!!!!!!!!!!!!!

بس !!!!!!!!!!!!!!!!!!!!!!!!!!!!!!!!!!!!!!!!!!!!!

بس !!!!!!!!!!!!!!!!!!!!!!!!!!!!!!!!!!!!!!!!!!!!!!

85% و فوق ^_______^

العناد واايد يأثر في حياتنا
انا فقدت ثقتي بناس بسبب عنادي
و فقدت بعض الصداقات بسبب عنادي
و تعكر جوي و جو بعض القريبين مني بسبب عنادي

بس مع ذالك .. في شي طيب يجمعنآ جميعا ً ^_^

بنات انا حابه اتكلم معاكم عن موضوع من فتره وانا افكر فيه الى وهوه فئة البدون

من قريب رمست بنت وتعرفت عليها انسانه في قمت الذوق والاحساس ادب واخلاق والكل يشهد في تربيتها هي وخواتها وخوانها الشباب ……. انا يوم رمستها والله ماكنت اعرف ان هي بدون وقول هالبنت ماعنده اهموم او مشاكل …..ومره حسيتها متقدره ومهمومه سألتها افلانه اشفيج احسج مب انتي الي اعرفج قبل …..قالتلي لا والله ابد مافيني شي ،…….. بعد ماأصريت عليها فتحتلي قلبها قالتلي اخاف اقولج وتبعدين عني قالتلها قولي شو فيج وليش هالرمسه وانتي اتعرفيني عدل قولي افلانه الي في خاطرج قالتلي والله انا بدون قالتلها انزين شو يعني قالتلي مايعني شي بس والله محد حاس فينه خلاص تعبنه انعيش في هالدنيا ونتمنه الموت ارحم من هالعيشه الي نحن عايشينها قالتلها ليش صاير شي قالت والله نحن 9 اعيال 5 شباب واربع بنات ومن غير امي وابوي …. اخواني الشباب مايشتغلون كل مايقدمون على وظيفه اقولولهم ان شاء الله على شهايدهم ويوم اعرفون ان ماعندهم جوزات ماوظفونهم ابدون الاجانب علينه نحن اهني من 40 سنه عايشين في هالبلاد ناكل من خيرها ورابين فيها بس بعدنه ماحصلنه الجوزات
اختي تشتغل بس شو راتبها 3000 درهم شو اكفي هالراتب لي 11 شخص في البيت

قالتلي محد حاس بلي نحن حاسينه لا وظيفه لا مكان عدل …. نضحك في ويه الناس عشان مانبي انحسس حد ان نحن قاصرنه شي عشان مانكسر خاطر حد عايشين في هالدنيا بكرمتنه

وقريت قصه هي الي اثرت فيني اكثر واكثر وهاي القصه واقعيه وصايره احدثها في راس الخيمه

واحد بدون فقير على قد حاله كان يرسم لوحات ومصور فتغرافي حب بنت بس هالبنت من عيله عندهم جوازات وسوه المستحيل عشان ياخذها يشتغل براتب 2500 في شغل قطاع خاص اتمنه ياخذ الجواز بأي طريقه كان كل مايسير ارجع الجوزات اقولون اتريو دوركم وفي واحد قاله اتريد الجواز ادفع 70 الف وبتحصله ابسرعه قال انا ماريد اخذ الجواز بفلوس اريد اخذه بصدار من الدوله قاله عيل اتريه ….. المهم الريال فكر ياخذ البنت واول ماخطبها من اهله شي اكيد بصدونه لان بدون البنت اتمسكت فيه اكثر وعندت اهلها وخوها وقف معها وحاول يقنع الابو بأي طريقه يوم شافها مصره قاله اوكي بس بعدين تنسين اهلج قال اخوها خلاص انا بوقف معاها لان الريال شاريها ودبر عمره وتزوجها عاشو في غرفتين وصاله وحمام ومطبخ والبنت رضت لان هي شاريه الريال الي شاريها والله رزقهم بنت سموها زينب كان اقصرون على عمارهم عشان بس بنتهم تلبس احلا الملابس وتاكل احسن اكل اشوي اشوي الريال قام ابيع لوحته الفنيه عشان يكسب رزقه … بختصار الريال كان كل حلمه ياخذ الجواز وكون مواطن ….. طلعو مره رايحين دبي يتمشون وهو سرحان وسوه حادث والله اخذ امنته الريال وحرمته وبنته توفوا ……. الله يرحمهم برحمته

تعرفون متى حصل التوطين يوم اتوفه …..كتبوا في الجريده المواطن افلان توفى في حادث سيارة

انا كتبت عنهم لان والله شاله همهم يعني ليش مايتعملون مثلنه اشغلونهم وعالجونهم شبااااااب مثل الورود الي اشوفهم من الهم اقول ان اعمارهم في الاربعين والخمسين ماقدرين يشتغلون ولا يتزوجون
يعني شو اسون يجتلون اعمارهم ……. بس ماقول …..غير الله يوفقهم ……. وان شاء الله يصدر حكم بتوطينهم اقريب عاجل غير اجل

حبيت أطرح هذه المشكله وهي بالاخص مشكلتى أنا سيدة متزوجة منذ فترة طويلة تقريبا 8 سنوات ولي منه 4 أطفال وهو رجل محترم ولكن به صفة بشعة وأي صفة هذة ألا وهي صفة البخل فهو بخيل جدا نعم حاولت بكل الطرق أن أكذب نفسيى وألتمس له الأعزار ولكن وجدت إنى أضحك على نفسي فهى صفة متأصله فيه وجدت نفسي تمر عليا الأيام والسنين بدون أن اشتري لبس أوطقم واحدمع العلم إن جسمي يتغير نتيجة الحمل والرضاعة ، حتى البيت كل شيء خاص بالبيت لازم أن نتشاجر عليه حتى يحضره مع العلم إنه قادر ماديا وعنده المال و متأكد إنه ضروري ويا بنات وجدت شئ مهم جدا إن الإنسان البخيل لا يكون بخيل في المال فقط وإنما في العواطف والحاسيس والكلام نعم الكلام فإنى تمري عليا ايام ولا أتكلم معه وأجد إنى لم أحادثة منذ أيام أيعقل هذا؟؟؟؟
فكرت كذا مرة في الإنفصال ما بينى وبين نفسي ولكن وجدته إنه ليس حلا ماذا أفعل ب 4 أطفال كيف اعيش فإنى لا أعمل مع العلم إنى خريجة بكالوريوس إدارة أعمال وأجيد الكمبيوتر فكرت في العمل ففوجئت بالواقع المرير وهو المرتبات المنخفضة في حدود 1200درهم أو الدوامين حتى الساعة 9 مساءا !!!! فسألت نفسيى لو إشتغلت ب1200 درهم سوف ينفقوا قبل ان أستلمهم !!!الحضانة للطفل تطلب 300 درهم وأكثر وأنا عندى طفلين صغيران غير البترول للسيارة غير إنى سوف أقصر في عملي المنزلي غير متطلبات الوظيفة ولو قررت أن اعمل لمدة دوامين من سيجلس مع الأطفال وطبعا هو سيرفض.
بل سيرفض العمل من اساسه والله لقد تعبت من هذه الأمور عندى أحلام ومشاريع كثيرة ولكن كلها تحتاج المال وأنا لا احتكم على 10 درهم !!!

ماذا أفعل هل اطلب الطلاق أم أرضى بهذا الزل والهوان؟؟؟؟؟؟

لازم تكلمينه مره مرتين وثلاث . .
يعني بطريقه جاده وهاديه بنفس الوقت

قوليله ما يصير اللي قاعد تسويه . . . الناس تلاحظ هالشي
وانت الله مب مقصر عليك ليش تستبخل بالعيشه علينا . .

ما يكفيه انه بخيل عواطف ومشاعر

الرجل ما يستقوى إلا يوم يشوف ضعف المرأه

ما اقولك عصبي وهدي الدنيا ع راسـه

بس بيني شخصيتك . . وإنك زوجة وام عياله وهو من واجبه ان ما يقصر
باللي عنده . . .

لو عنده اخوان . . كلميهم . . لا تستحين . .
الوضع اللي فيه اكبر من اننا نخجل من طلب حقنا والمساعده

الغاليه ،، ادعي الله ان يسخره لج ولعيالج ..

مهما كان هذا زوجج ،، وابو العيال …

اكثري من الاستغفاااار ،، وادعيله في كل صلاه وكل قيام ..

–
–