الوسم: المشكلات

خواتي العزيزات

ربيعتي تمر بمرحله انتقاليه في حياتها,,,والقرار كل يوم يصعب بالنسبه لها,,,حبينا ناخذ بنصايحكم في هالموضوع

ربيعتي متقدم لها شاب..مواصفاته زينه….يشتغل شغله مرموقه

لكن فيه عيب واحد…..لكن هالشي من سنين

كان يشرب

والله هداه يقولون وتاب

والكل الحين يمدحه

والحين هو تاب وصلاته محافظ عليها

هي طبعا اتصلي استخاره دايما وموكله أمرها لرب العالمين

لكنها تخاف ان الناس يعايرونها او هالشي يأثر على حياتها عقب

تخاف انه يرجع يشرب….الكل يأكدلها انه مايشرب وتاب وهالشي مستحيل انه يصير لأنه اتأدب واتعاقب قبل وكان طايش وغلط والحين هو تاب

المهم هي ماتعرف شو تقول للي خطبوها,,,والولد وأهله متمسكين فيها

ولحد الحين ربيعتي وأهلها يسإلون عنه لكن اخوانها مب طايعين وهي تحس مرتاحه له وتبا توافق لكن تخاف تندم

بنات ادعولها الله يوفقها……ادعولها تقوم بالاختيار الصح وماتظلم عمرها

اللي عندها نصيحه لاتبخل

اللي تعرف ناس تابوا لاتبخل عليها بالنصيحه

الله يوفقها ان شاء الله ويكتب لها الخير ويرزقها بالزوج الصالح اللي يستاهلها

ادعولها خواتي أرجوكم

مشكلتي ريلي مديون ونريد نشتري بيت ومافي حل حتى لو تريينا 10 سنوات مابنقدر وعندنا عيال— مافي حل غير انا امول البيت عن طريقي يعني الدين علي
ولما اتصلت البنك قالولي لمدة 15 سنة تدفعين 5125وبيخلص القسط طبعا بنك اسلامي

قلت لريلي شورايك بالايجار قالي يا نشتري ولا لا انا ماريد اعق فلوسنا عالايجار ماشي فايدة

بتقولولي صلي استخارة صليت وايد ومحتاااااااااااااااااااااااارة واااااااااااااايد

انا استشرت وايد من ربعي قالولي لا تمولين الريال هو الي يشتري البيت مو الحرمة بس البيت باسمي لاني انا بموله وريلي مايقدر حتى لو بعد 10 سنوات دينه كبير

ريلي يقول نعيش في بتينا نعززين ولا ايجار باي وقت يطلعونا

والله راسي يعورني من التفكير شو اسوي؟؟

ريلي يقولي على هالغلا باجر البيوت بدق اسعارها فوق المليون ولا انا ولا انتي بنروم نشتري بيت؟؟

شو اسوي والله بغيت اراءكم فديتكم

صديقتي

مشكلتها زوجها مدمن حبوب مخدرة

السلام عليكم ورحمه الله وبركاته ….
كيف الحال اتمنى ان يكون الجميع بخير وصحه وسلامه …..انا عندي مشكله وتردددددددددددددددددددددددددددددددددددددددت كثيرا قبل ان انزلها ولمن مابغيت غير دعوه طيبه منكم ….انا عمري 37 سنه غير متزوجه وموظفه وحالتناالاجتماعيه جيده جدا ولا ينقصنا شئ الحمدلله والشكر …….تقدم لخطبتي من حوالي 18سنه شاب اكبر عني 4 سنوات …وكان الرفض من قبل الاهل بحجه انه ليس لديه شهاده ثانويه …ولكن من اجل ان يقبلوا به ذهب واكمل دراسته الثانويه …وتخرج بنسبه جيده وتقدم وكان الرفض لان ليس لديه شهاده جامعيه …واغترب 5 سنوات خارج الدوله وحصل على الشهاده الجامعيه ورجع …وتقدم وكن الرفض بحجه انه ليس لديه وظيفه …مع العلم انه من عايله معروفه بالدوله وعنده اللي يعيشه العمر كله بدون وظيفه ….على العموم ذهب وقدم في مكان والحمدلله توظف ..وتقدم مره اخرى وكان الجواب لا ….ومن 8 سنوات كله الجواب لا لالا انا وصلت لهذا العمر ولم اتزوج حتى الان بدون سبب مقنع مع العلم ان ابي متوفي من 20سنه تقريبا …والذي يرفض هو اخي بدون وجه حق الكل كلمه من اجل ان يغير رايه ولكن مصر على عدم الموافقه انا وااااااايد تعبت بمعنى الكلمه عندما اشوف بنات اخواتي كلهم متزوجين وعندهم عيال واصغر عني بكثييير …أقول في خاطري وأدعي علييييييه ان الله مايسامحه ان وصلت لهذا العمر ولم اتزوج وحرمني من كلمه ماما يعني الواحد شو يبغي غير الستر من هذه الدنيا …انا مب طالبه غير الستر يعني الستر صار حرام يعني بصراحه في اهل هم يخلون بناتهم يسلكون الدرب الخطأبتصرفاتهم الحمقاء …..انا مامدح الريال لكن بشهاده الجميييييييييييييييييييييييييييييييييييييييع انه ريال ونعم وحافظ القرآن الكريم ؟؟؟
بتقولون ليش محد كلمه ..الكل كلمه الكبير والصغير وكل اعيان المنطقه كبارالسن وقالوا له حرام تخلي أختك لحد الآن …وكل رده كيفي حر بأختي …مايحترم حد أبدا أبدا أحس انا واااايد متضايقه ومحد عالم بحالي غير الله انا ماابى غير الستر ماابى اسلك درب الحرام …يعني يغمضني عمري اللي راااااح على الفاضي من اجل عناد …هو ميسوي ابدا سالفه حق حد ……انا وايد فكرت اروح المحكمه وارفع عليه قضيه عضال ولكن متردده وايد تربيتي ماتسمح لي لكن يوم اشوف عمري رااااح اموت قهر من اجل كلمه أحس عمر متعلق من اجل كلمه نعم …..سبحان الله مأقول غير ان الوحده اللي ماعندها أب صدق تضيييع عند الأخوان …..الواحد عياله غير مب مثل أخته …
أنا وااااااااااااااااااااااااااااااااااااااااااااااااا اااااااااااااااااااااااااااااااااااااااااايد في خاطري بس حبيت أفضفض شوي وماأبغي غير دعوه طيبه منكم والله يفرجها علي وعليكم يارب

السلام عليكم خواتي الغاليات
عساااكن ابخييير وسهااالة

عندي مشكلة وااااايد عووودة واباكن تساعدوني فيها
واعرف انكن مااابتقصرن

بيتي اخترب بسبة وحدة المفروض انها كانت ربيعتي

ريلها صديق ريلي وريلها طلب من ريلي انه اتعرف عليها لانها وحيدة واهلها مب اهني*

المهم تعرفنا عبعض واول يوم التقينا قااامت تشتكي من زوجة زوجها الاولية ومن مشااكل بيتها وجي*
وقتها عرفت انها وحدة ما عندها سوالف الا عن المشاكل وجي … وكلما اتصلت فيني اتقول لي ريلج وريلج ليش ما يسوي لج والمطوع ما يسوي جي وتحرضني وااااايد ضد زوجي وانا للاسف كنت يوم اتضايق من شي ولا عندي مشكلة اشكي لها همي ومشاكل

الحينة المشكلة ويييين ؟؟

سلمكن الله ريلها استوت له مشكلة مادية ودش السجن
فطويلة العمر شو سوت قامت طلعت رقم ريلي واتصلت له وقالت له اباك اتساعدني وريلي مسجون وما عندنا بيزات ومن هالكلام

انا ريلي يا وخبرني وقال لي ان في وحدة ربيعتج امكلمتني بصراحة انا انصدمت كيف ربيعتي اتكلمه

عقب لما شرح لي الوضع قلت خلاص مب مشكلة

المهم طويلة العمر خذت شو تبا وساعدهم ريلي ماقصر بس ما وقفت السالفة اهني
الريال قام كل يوم والثاني من كلمته هاييج يقول لي انتي كلمتي منو اليوم ؟ انا مقصر وياج ؟ ليش تشتكين عند الناس علي انا ما اثق فيج وكلام وااااايد والريال واااايد تغير علي*

المهم عرفت انها بعدها اتكلمه واتخيلو اتقول له كل الاسرار اللي انا خبرتها

وبعد انا يوم تتصل لي اتقول لي اشياء تحصل فبيتي اونه من باب النصيحة بس هي ما تعرف هالاشياء الا اذا خبرها حد فعرفت انه هو مخبرنها

المهم انا من تاكدت من الخبر اتصلت فيها وقلت لها فلانة جيف حالج وجي وسالتها قلت لها هل انا اذيتج فشي قالت لاا قلت لها انزين ليش تاذيني جان تغير نبرة صوتها واتقول لي ليش تتهميني ( انتبهوا انا اصلا بعدني ما قلت لها شالسالفة )
المهم قلت لها لو في شي انا قاليلة لج ليش خبرتي ريلي قالت انتي اصلا واااايد اشياء امخبرتني عن شو تتكلمين بالضبط

قلت لها انتي كلمتي ريلي وما قلت شي وبدال ما اتكلميني انا او ريلج يكلم الريال قمتي كلمتي ريلي ولا بعد اتسولفون ويا بعض عني قلت لها هاي وقاحة بصراحة

جان اتقول لي بتصل في ريلج وبخبره*
قلت لها شولج خص فريلي انا وياج بيني وبينج مشكلة شو دخل الرياييل فالسالفة

جان اتقول لي انتي وحدة مااعندج ثقة فنفسج وخايفة من ريلج وبندت علي التلفون

هيه واتقوللي مافيج اخلاق وترفعين صوتج علي ومافيج ادب

المهههههم طلعتني انا الغلطاااااانة

عقب ما بندت طرشت مسج اتقول لي انا خبرت ريلي وهو بيتفاهم مع ريلج وما ابغيج اتكلميني ولا تتصلين فيني مرة ثانية وانا رديت عليها قلت لها صدق انج قليلة ادب انا شو ابا فيج اكلمج ليش

وقلت لها اذا لم تستحي فاصنع مااااشئت

المهمم بعدها بشوي والا ريلي امطرش لي مسج طووول وعرض ياربي من قريته وقف قلبي( ريلها طرش مسج حق ريلي اونه شوف حرمتك شو اتقول عنك ). شفتوا النذالة

واااايد خبروه اشياء مب صحيحة وزااادوا فالرمسة وااايد والفوا واايد

المهم ريلي امصدقنهم وقال انا مالي يلسة وياج وثاني يوم سافر خارج الدولة وانا مب عارفة وين سار واتصل له ما يرد وويوم اساله انت وين يقول لي مب شغلج وانتي وحدة جذابة والله ينتقم منج وواااااايد اشياااء

المهم يا بنات انا في حالة صدمة قوووووية من اللي ما تتسمى ومن ريلي وقمت ماا اثق في حد
وريلي ناوي يطلقني ومب عارفة شسوي ولا وين اسييير

وما اقدر اخبر امي لانها مب اهني وبضايقها عالفاضي والوالد متوفي الله يرحمه

خبرت اخوي لامني قال انتي الغلطااانة انج اتخبرينها

والمشكلة اني انا انكرت وقلت حق ريلي انا ما خبرتها ولا شي وهو متاكد لانه في اشياء محد يعرفها وهم نقلوها حقه

شو تنصحووني الله يخلييييكم ولا تنسون تدعووون لي ان الله ينصرني عليهم

وسؤال وايد امحيرني ليش هالحرمة جي سوت فيني ؟؟؟؟؟؟
وااااايد منصدمة منها
الله المستعان وسااامحوني عالاطالة

ربي اني مغلووووبة فانتصر. * * *

مشكلتي انه انا في فترة الملجة ولاحظت انه زوجي شخصيتة وااايد ضعيفة .. هو واايد طيب و مايحب يزعل حد .
اي حد يطلب منه شي يسويه على حساب راحته.. واي حد يطلب منه فلوس يعطيه ومايهمه اذا الشخص بيرجعهم او لا
اقوله هالشي غلط يقولي عادي يعني انا شو باخذ وياي من هالدنيا والفلوس وسخ دنيا
اقوله كلنا مابناخذ ويانا شي بس مانتصرف بهذي الطريقة
حسب ماالاحظ من الي يصرفه على الناس مااتوقع يتبقى شي من راتبه.. ورانا بيت وعيال وفالهزمن ماحد ينفع حد
ومااريد ايي يوم نحتاي فيه حد
واايد مواقف بينتلي انه اهله وربعه يستغلوه مادياً.ويتحكموا فيه بعد.. وهذا الشي يقهرني.
تكلمت وياه مرة وزعل مني قالي انتي تعتقدي اني مب ريال وشخصيتي ضعيفه!!!
وقالي اني كرهتج .. بس بعدين اعتذرلي
بس انا ماقلتله انه شخصيته ضعيفه .. قلتله ماحب حد يقرر عنك وانت تنفذ
وتناقشنا واخر شي قالي انتي كلامج صح بس هذا طبعي من وانا صغير وعشانج بغير نفسي بس بعد العرس يوم بتكوني وياي فبيت واحد
بس قلتله اريدك من الحين تتغير قالي ان شاء الله
بس ماشي فايده … ورجعت تكلمت وياه اكثر من مرة بس ماشي تغير
قلتله هالشي بيسبب لنا مشاكل بعد الزواج خاصه اني من النوع الي ماحب حد يتحكم فيي ولا يتدخل فشي يخصني ابدا
واكيد مابيرضيني انه حد يتحكم فيه وبيسبب مشاكل بينا
قالي لاتخافي ماحد بيتدخل فيي بعد الزواج
مااعرف شو الحل وياه تعبت منه .. وفكرت اني انفصل عنه ولمحتله انه هالمشكله ممكن تخلينا ننفصل
قعد يصيح وقالي لاتخليني ولاتقولي هالكلام مرة ثانية انا مااقدر اعيش بدونج
مب عارفه شو الحل وياه
طبعا لاحظت بعدين انه تغير من بعد هالموقف لانه قبل كان يقولي انتي اهم وحده عندي ومابسمح لحد يزعلج

قالي هذا طبعي والي بقدر عليه بسويه والي اشوفه صح بسويه.. عجبج هالشي زين ماعجبج مشكلتج واسمحيلي
وماصار يتكلم وياي وايد ولا يطرشلي مسجات مثل قبل ويوم يتصل كله ساكت
وقبل كان يوم بيسير مكان يخبرني الحين مايخبرني
وحاولت وياه اعرف شو فيه .. قالي مافيي شي انتي تتوهمي
وايد اشيا تغيرت فيه

انا شكيت انه يمكن يكون حد طلب منه يعاملني بهالطريقة