التصنيف: التجارب والحلول المنزلية

التجارب والحلول المنزلية

عندي سجادة حرير اقدر اغسلها في البيت منو جربت؟؟ الله يحفظكم لاتبخلون علينا

عندي سجادتين حريرابا اغسلهن في البيت حد يقول عادي حد يقوول بتخترب لازم بالبخار؟؟ فديتكككككككككككككككككككككككككككككككن طلبتكن منومجربه..ولكم اصدق الدعوات..

انا عندي و الصراحه ما انتبهت عالسالفه و يوم ولدي جب الحليب غسلته بالماي العادي والله اختررررررربت و تمت مبقعه .. عقب انتبهت انها حرير و تخترب .. و ان شاءالله اذا رجعت البيت بصورها لج ..

اكيد بتخترب حرام تخربينها وديها اماكن غسل السجاد لان لكل سجاد طريقة في الغسل خاصة الحرير ما يتحمل

انا عمتي كان عندها زوليتين حرير وخلت الشغالات يغسلونها
والله لو شفتيها ولا جنها زولية حرير…

بتخترب الغالية

انا عندي حرير وغسلتها كم مره ولا ختربت انا غسلتها بيدي

وكبيت كلوركس بعد ولا ختربت بس افركيها ببروش ناعم وبتجاه واحد افركي يعني كأنج تمشطيها

واغسليها بصابون فيري وبشطف حطي داوني ونفس الحركه كأنج تمشطيها وبعدين بنفس الأتجاه لفيها

وشريها عالجدار ومن تنشف مشطيها ببروش ناشف

ان شاء الله يكون الشرح واضح

مشكوووورات فديتكن شكلي بخاااطر وبجرب على وحدة

افضل وارخص مكتب يجيب سيلانيات في راس الخيمة

السلام عليكم
بنات ضروري بدي مكتب يجيبلي خدامة سيلانية ويعطيني ضمان 6 شهور اذا في
وشو ارخص مكتب
مشكورات

للرفع

لرررفع

كلهم اسعارهم فوووةق واذا حصتي رخيص خبريناا

اختي الكريمة الاجابة على سؤالج موجوده على هذا لرابط

http://forum.uaewomen.net/showthread.php?t=850474

عود بالشيرة

السلام عليكم ورحمة الله وبركاته

اليوم يبت لكم خلطة بالعود من حرمة تسويها , أنا بصراحة ماجربتها , بس هي تقول أنج إذا جربتيها ماراح تتركينها .

وهاذي رسالتها :

السلام على الجميع

تراني اليوم جايبه لكم خلطة عود

بس والله ومن دون مدرح روووووعه

واللي بيشم ريحتك بينهبل

لما تتبخري بها تصير ريحتك باااااارده حيل

انا ريحتي مميزه بالعود

~~~~~~~~~~

المقادير

1 ـــ هاتي عود خام ( خشب ) اصلي نوع جيد ( حتى تطلع الخلطه حلوه)

2 ــ سكر ( عادي سكر الطبخ ) نسويه شييره غليظه

3 ــ عطر من النوع الغالي اللي انتي تحبيه ( فرنسي او عطورات عربيه حسب رغبتك)

4 ــ اناء فاضي ممسوح بالزيت
~~~~~~~~~~~~~

الطريقه

اول شي حطي العود الكميه اللي تبيها ( وافضل انك تاخذي شوي للتجربه )

في اناء ( فنجان اللي نحط فيه الجلي او مشابه له )

المهم اي مقاس بس يكون العود ضعف السكر

ضعي الماء والسكر على النار حتي يغلظ قوامه (مثل شيرة اللقيمات)

ويصبح غليظ …
اسكبي العود عليه وحركيه على نار هادئه

بتشوفي ان السكر مسك في العود وصار لونه ابيض

طفي النار بسرعه

اسكبي المقدار في الاناء الممسوح بالزيت

وسكبي عليه العطر ( وهو حار) ثم غطيه بفوطه لمدة ليله كامله او 6 ساعات

ثم احفيظه في الاناء الذي تريد يه وتبخري به ودعيلي

ملاحظه:

اذا الشيره ماء يعني موغليظه ترى الخلطة بتخترب وما بتضبط

على فكره ها الخلطه تنفع للعود المدقوق بعد.

مشـــــــــــــتكوره الغاليه

دومج مــــــا تيبن الا الزين ……….

تسلمين والله

مشكوره على الخلطه

برد عليكم عقب مااجربها
وانشاء الله تضبط عاد

مشكوره الغاليه على الطريقه واللي تجربها تخبرنا

مشكوره حببتي
ولي تجربها تخبرنا

مشكورة الغاليه

حد جرب .

بنات حد جرب مكينة الكوفي؟

للرفع

احيد مرة امى اشترتها بس ماعرفت تستخدمها بس كانت ماكينه كابتشينو

انا يوم كنت اروح صالون كوكون في العين عيبني وايد الكابتشينو مالهم جان اروح واتخبرهم عن المكينه مالتهم ورحت وخذت شراتها من جاشنمال , وعقب يوم يبتها للخدامه ما عرفت تسويها ..جان اوديها الصالون عند الفلبينيه الي تسوي الكبتشينو وعلمتها …والحين ميه ميه كل يوم الصبح كوب كبتشينو …

انا شريت المكينه بس ماقتنعت فيها
بالمختصر ماعيبتني

مشكووووووووووووورة أختي

فن وابداع في الفواكه والخضار

شحالكم عزيزاتي شوفوا اليوم شو يبتلكم من افكار رووووووعه للتفنن بالفواكه والخضار

والصراحه الي مسونها مبدع

واخليكم مع الصور

ها شو رايكم حلوين

روعه اللى مسويها فعلا فنان واصابعه ذهبيه
تسلمين الغاليه على الصور

المشاركة الأصلية كتبت بواسطة ريم الوضح
روعه اللى مسويها فعلا فنان واصابعه ذهبيه
تسلمين الغاليه على الصور

يسلم غاااااااااااليج حبيبتي

ما شاء الله على الذوق وحسن الاختيار تسلمين أختي الغالية وعلى فكرة الحين اسبوع المأكولات بتشوفون العجايب في المراكز التجارية في دبي اجازة سعيدة

المشاركة الأصلية كتبت بواسطة غبيشة
ما شاء الله على الذوق وحسن الاختيار تسلمين أختي الغالية وعلى فكرة الحين اسبوع المأكولات بتشوفون العجايب في المراكز التجارية في دبي اجازة سعيدة

مشكوووووووووووووره يا عيوني

مشاء الله انا لو ايلس سنه اجرب ما بعرف اسويها

مشكوره الغلا

المشاركة الأصلية كتبت بواسطة بـنـت الأيـاويـد
مشاء الله انا لو ايلس سنه اجرب ما بعرف اسويها
مشكوره الغلا

تسلمييييييييييييييييييين حبيبتي والله المحاوله تولد الابداع بس عاد احنا متعايزين

وين بحصل غساله ونشافة ضروري

السلام عليكم ورحمة الله وبركاته

ابغي نفس هالغساله وين بحصله وتقريبن كم سعرها وهل هي نشافه تنشف الثياب عدل يعني فيها هوا حار اشل الثياب واربعهن واحطهن في الكبت

للرررررررررررفع

اول مرة اشوفها ^_^
شكلها حلو

شفتها فى كوست لس فرع المينا أبوظبي ..وسعرها 3000

موفقة

ربي يوفقج أختي


قال تعالى:*{"وَالَّذِينَ يُمَسَّكُونَ بِالْكِتَابِ وَأَقَامُواْ الصَّلاَةَ إِنَّا لاَ نُضِيعُ أَجْرَ الْمُصْلِحِينَ*"* }

*[سورة الأعراف ]

مشكورات خواتي على الرد

نصائح وأفكار^^

نصائح وأفكار


1- لري النباتات المنزليه أثناء غيابك وعند سفرك , أحضري إناء واملئيه بالماء وضعيه قرب النبته,
اصنعي فتيلا من القطن , ضعي طرفه في الإناء واغرسي طرفه الآخر في تراب النبته , وبهذ
تضمنين انتقال الماء بشكل مستمر وتدريجي من الإناء إلى الوعاء الذي يحوي النبته.

2- للأقتصاد بالكهرباء ضعي صندوقا صغيرا في المطبخ , واجمعي به غرامة من العملات المعدنيه
الصغيرة من كل فرد يترك وراءه نور الغرفة مضاء وهي خاوية.

3- لإزالة اللبان "العلكة" من السجاد او اي سطح ادعكيها بمكعب ثلج ثم دعي المكعب فتره بسيطه
فوق اللبان "العلك" فذالك يسهل ازالته بعد ذلك بسكين أو بالجهه الأخرى من الملعقة.

ودمتم سالمييييين

[COLOR="Black[/COLOR]

لا تنسوني من دعائكم

[SIZE="6SIZE]

جزاك الله خيرا

شكرااااااااااااااا

شكرا عالمعلومات المفيدة

مشكووووه عالطرح حبوبه^^

مشكووووووووووره

للرفع

بنات عاااجل حل للصراصير الرجاااء الدخوول

لعوزتنا الصراصير فالبيت عزكم الله احيانا تدخل من برا اتخيلووا..مع ان ماشاءالله خداماتنا مايقصرن من ناحية التنظيف بالديتووول والكوركس يعني المطبخ غسيل يومي..والبيت داخل كل يومين,,دوم نطلب شركة تنظيف بس ماشووف فيه فاايدة وشرينا االانبوب ابو ابرة بعد ماشي فايدة
والله تعبنا شو انسوي
هل اتعرفون شركة اووكيه حق هالبلوة!______!الفزعة

فيه سم يبيعونه في اسواق الامارات تنحصبينه عند البفباف شكله مثل الابره للصراصير و النمل

انا استخدمته للمطبخ

6 شهور ما بتشوفين صرصور

الحين من 3 شهور و ما شي ولا حشره في البيت ^_^

اسمه سوبر شي ما اذكر ^_^

للرفع

المشاركة الأصلية كتبت بواسطة هوى الروح
فيه سم يبيعونه في اسواق الامارات تنحصبينه عند البفباف شكله مثل الابره للصراصير و النمل

انا استخدمته للمطبخ

6 شهور ما بتشوفين صرصور

الحين من 3 شهور و ما شي ولا حشره في البيت ^_^

اسمه سوبر شي ما اذكر ^_^

شرريته وقلت للشغالة اتحطه بكل زاووية بس بعدهم يتمشوون ع راحتهم كأن البيت بيتهم((

الغالية كنت أعاني من نفس مشكلتج بس اتصلنا بمكتب التنظيفات ويو البيت وحطوا الدواء على أطراف الأبواب ، والله ارتحنا الحين تقريبا كملنا كمن سنة واحنا ما شفناهم .. سويناه عشان بنتي كانت تحبي كان عمرها 8 شهور وكانت تحاول تلحقهم والحين عمرها 3 سنوات ونص . إذا أنتي من عيمان فالمكتب هني عندنا وبأعطيج اسمه . وما أعرف لو عندهم فروع في إمارة ثانيه ..

لا اختي انا من بوظبي بس طرشي الرقم يزااااج الله خير

في شويترام في شي على شكل محقن اسمه good Gel ب 20 درهم ها اوكي يقضي عالصراصير … يوم تضغطين على المحقن ينزل شرات المعصار " الحنا" ولونه بني بدون رائحة … حطي منه في ممرات الصراصير في الليل .. يوم بتقومين الصبح بتلاقين الصراصير رافعة ريولها ميتة هههه…
واي استفسار انا حاضرة …

فزعتكم متى تلحقين تطبخين يوم تردين من الدوام!!

اشحالكم بنات… عساكم بخير حبوبات..

سؤالي لكل موظفة وربة بيت في وقت واحد!!!

متى تلحقين تطبخين يوم ترجعين من الدوام..! وانتي لا عندج خدامة! وريلج يوصل البيت معاج!..

بالنسبة لي.. انا متأزمة!! ما أعرف شو أسوي.. ساعات ناكل خبز وجبن!! وساعات المحمرات الجاهزة مثل النجتز واخوانه!! أنا ما عندي خدامة.. ويالسة في شقة أنا وريلي وبس! ^_^!
بس ما أعرف كيف أرتب أموري وقت الغدا!! علماً بأن ريلي ما يدااااني أكل المطاعم مووووولية!!

اللي ظروفها نفس ظروفي!! اتساعدني.. وتعطيني من أفكارها.. ^_^

وأدعو الكل عشان يستفيد!

^_^

الــٍُــًِسلآلآمً علــٍُيكمَ ؤرحـٍُمةّ الله ؤبـٍُركـإأتهـَ ♥
♥أحلى رفع لعيونج الحلوة ♥
للـــ^____^ــــــرفــــــــ^___^ـــــع

سبحانــ اللهــ وبحمدهــ سبحانــ اللهــ العظيمــ…
أستغفركـــ ربــــي وأتـــوبــ إليكــــ

انا يوم ماكانت عندي خدامه اطبخ بالليل والظهر اسخن ويوم صارت عندي خدامه احيانا اخليها تفور لي الدجاجه حق مجبوس مثلا وانا اكمل اول ماارد يعني نص ساعه بعد مااوصل الغدا يجهز واذا بسوي معكرونه بشاميل اسويها بالليل والظهر اتدخلها الخدامه الفرن وجي اكون طبخت شي ياكله ريلي

اي مساعده انافالخدمه

يزاكم الله خير خواتي.. وبانتظار الاقتراحات الثانية ^_^

مافي حل غير انج من فليل تطبيخين وتحطينه في الثلاجه ..انا كنت حتى صالونة السمك من فليل اسويها

ويووم ارد الظهر اسوي بس العيش بسرعه يستوي تراه…

واي شي تبينه سويه من فليل وحطيه في الثلاجه حبوبه ولامابيمديكم اذا طبختي يوووم اتردين من الدوام بتتغدوون العصر^_*

ان شاء الله اللي يشتغلن مايقصرن اختي

الدجاجة ممكن تخلينها قبل ما تنامين بالماي لين يطلع الثلج وتنظفيها وتحطينها داخل كيس بلاستيك وتظل بالثلاجة تحت
وتقطعين الخضروات للوجبة اللي تبينها
علشان لما ترجعين تبدين تطبخين واعتقد ما بتاخذ نص ساعة

اغراض المطبخ مجننتني @@ادخلي الله يحفظج@@


هلا اخباركم @

انأ عندي مشكله في مطبخي طلبات المطبخ ماتخلص يومين تقريبن وريلي في سوبر ماركت
هذا خلص وهذا ….. كم مره حاولت اشتري الأغراض كل شهر وبس ماضبط معاي ومافي أحد أنا وريلي وعيالي صغاراربعه ايش اسوي بليز ساعدوني وكل وحده تقول كيف طريقتها عشان نستفيد

حاولي تشترين بالكراتين او زيدي القطع

حطي ورقة وقلم فالمطبخ وكل ماتحسين انه في شى بيخلص يعني ما بيكفيكم لين اخر الشهر أكتبيه

واشترى الاشياء اللي تحتاجينها دايما بكميات كبيرة يعني السكر خذى اليونية الكبيرة والعيش بعد والنيدو خذى الحجم الكبير…

أما المعكرونة خذى على قد احتياجاتكم والبلاليط …

حاولي تكتبين شو الاشياء اللي تبينها حتى لو كانت اشياء الحمام

بالنسبة لي اكتب كل شى اباه ولو حسيت ان في شى بيخلص اكتبة واحاول كثر ما اقدر ما انزل الجمعية الا مرة وحده فالشهر لاني ماحب زحمة …

ونصيحة روحي في الاوقات اللي مافيها زحمة علشان ما تنسين شى .. بالنسبة لي اروح الساعة 2 الفجر " أروح اشترى من سبينس" صح الوقت متاخر بس بالنسبة لي ولريلي وايد مريح….

حاولي تعرفي اكثر شي تستخدمونه لوخذي منه كميه كبيره مثلا الرز خذي كيس كبير والسكر عندج في كارفور اكياس كبار 20كيلووكذا
الله يوفقج

يمكن بشاكيرج يعطون حق حد

الله يعينج
انا ماعندي بيت بروحي وافكر من الحين كيف اظبط امور البيت

يمكن بشاكيرج يعطون حق حد<<<<<<<<<استوت معايه بشكاراتي كانن يعطنى اغراض البيت والاكل حتى صابون والفلفل وكشب حق الاعمال الي بينون حذال البيت . سنه كامله اصرف على البيت وعمال الشركة البناء وأنا في خبر خير مادري هههههههه بس الحمدلله الله كشفهن .والله يحفظني من شر الناس يارب