(( اللي جاني كفاني ))
يا صاحبي وش اللي جنيته من أرباح
يومك جرحت القلب ووطيت شاني .؟!
وش اللي استفدته من عذابي يا صاح
وش بتستفيد لو الموت عنك خذاني !!
خاف ربك كل يوم تصبحني ع جراح
لي متى ذا القلب يا قاسي بيعاني !!
واليوم ما ينفع عتابي ولا كثر الصياح
ابعـد وانا ببعـد واللي جاني كفانـي !!
.. هالقصيده كتبتها اليوم …
وانشاالله تنال اعجابكم ..
اختكم .. نبض الألم ..
وش اللي استفدته من عذابي يا صاح
وش بتستفيد لو الموت عنك خذاني
الله يطول عمرج الغاليه ولا يحرمنا من يديدج
تقبلي حبي واحترامي
ويطول بعمرج اختي سراب ولا يحرمني من وصلج ..
أسعدني جد مرورج ع كل قصيده أكتبها .. ولي الشرف اني عضوة في هالمنتدى الراقي ..
انا اكتب من ثمان سنوات وهاذي اول مرة انشر قصايديه .. كنت دايما" أحتفظ بهن لنفسي .. بس يوم دخلت هالمنتدى حسيت اني ما بحت باللي ف خاطريه لحد غريب .. واللي ريحني أكثر ان هالموقع للبنات بس ..
أتمنى خواتي ان كل قصايديه اللي نشرتهن ف قسم الشعر نالن اعجابكن ..
وتسلمين ياالغاليه سراب .. قصايدج احسهن قراب من قلبي ..
والسموحه اذا بدر مني اي تقصير ..
صح لسانج يارب ماشاء الله عليج
صح بدنج ياالغاليه ..
تسلمين يا المنصوريه … الأروع مرورج ..
يا صاحبي وش اللي جنيته من أرباح
يومك جرحت القلب ووطيت شاني .؟!
كلمات معبرة..
صح لسانج الغالية
صح لسانج على هالكلمات الغاويه
بس ان كنتي تبين نصيحتي
وان كنتي تبين تكتبين ابيات موزونه
ماله داعي تعرفين البحور وتغوصين فيها
كل اللي لازم تسوينه
تحاولين تلحنين الابيات وانتي تكتبينها
جربي هالشي وشوفي .. بتظهر ابياتج موزونه
وتراها مجرد نصيحه من اخت لاختها
ماريدج تفسرين كلامي عساس انه نقد أو أي شي من هالنوع
يامرحبا