الله يخليكم ابا رايكم فالموضوع

السلام عليكم

لا تردين النصيب عشان إنتي تبين تمتنين… النصيب إيي مرة مرتين مو أكثر.. بعدين بتقولين يا ليت اللي ما كان… وأصلا إنتي إذا وافقتي ما بتعرسين بين يوم وليلة.. يبيلج شهور امتني على كيفج… عادي…. أنا بحط لج نظام لو تبين أو بعطيج الأكلات اللي تمتن وتخليج تربربين…. بس النصيب حرام تخلينه يتريا أو تأجلينه عشان سبب واهي مثل هذا….

انتي اتشوفين جيه يعني والله مااعرف
وتسوين خير طرشي الوصفات اذا تقدرين ومشكووووره

ما شاء الله عليج هذا هو المطلوب الحين عرسي واستانسي الوحده من تعرس تتمنى ترجع نفس قبل انا عن نفسي اقولج توكلي على الله وحلاتها الوحده الضعيفه كل شي تلبسه حلو عليها

واشحقه ما تعرفين لو إنتي ما تعرفين عيل منو بيعرف…. لازم تعرفين ألحين إنه جي..
هههههههههههههههههههههههههههههههههههههههههه…

وايد عندج أكلات تمتن أولها الأفوكادو يسد الصراحة…
لو في الأسبوع مرة تشربين أفوكادو شوفي فشهر واحد شلون بتصيرين… معكرونة كلي لج… المانجو والموز… هذيل كلهم يمتنون… واطفحيلج تمر كثر شعر راسج… على الصبح بالذات.. منها بركة ومنها تغذية ومنها مليان سكر… ولو تبين زيادة فالج طيب… بس والله حرام تردين النصيب عشان تمتنين ناس يتمنون الضعف.. سبحان الله الآدمي بطبعه طماع مو راضي عن نفسه… بس لا صدقيني إني بضعفج أحلى إذا متنتي بتقولين ليتني كنت ضعيفة ورضيت باللي كان قبل…
هههههههههههههههههههههههههههههههههههه… ومو بس أنا أشوف جي.. كل البنات بيقولون لج حرام تأجلين عشان سالفة المتن…. لين تعرسين بيكون جسمج أوكي.. إنتي يبيلج كم شهر لين تعرسين…

يعني انتي انخطبتي و لا تخططين ليوم بتنخطبين ؟؟؟

ما اعتقد هذا سبب لرفضج
انا يوم معرسه كان وزني 43 وطولي 167 يعني عصا
بس كل شي كان اوكي الحمد لله

مشكووورين عالردود رفعتوا من معنوياتي بصراحه