السلام عليكم
بليز ابا حل الله يسعدكم
انا خلاص وصلت حدي نفسيتي فالارض والله
وزني وااااايد زاد وصرت اوفر عن قبل
الكل يشوفني ويتطنزون علي ويتمصخروون
صارلي فترة ادوور ورى العمليات
ابا اي عملية اسويها وارتاح من هالهم
انا توني 21 سنه حرام اعيش جيه باقي عمري
بتقولون انتي اللي سويتي جيه بعمرج
بقوللها كل اهلنا مو بس انا
حد يقولي اي مكان اقدر القى منه عملية وبسرعه
والله اني خلاص منهاااارة
انا الحمدلله مع اني دبدوبه بس جسمي مرتب
بس ابا احس اني مثل البنات الباقيات والله تعبت
احيان اقول بييب سجين وبقطع الزيادة بروحي
لو حتى بموت بس ارتاح من هالهم
الموضوع وايد ماثر بنفسيتي
ماخليت ريجيم ماسويته ابدن مانفعني شي
خلاص يا اظعف يا اموت وارتاح
نظرات ونغزات وكلام نازل طالع
الكل يقولي انتي حلوة بس لو تظعفين احسن
وقفت دراستي وكرهت اي تجمعات وكل شي
بس عشان هالموضوع والله متعبني
ويوم اقوللهم ابا اسوي عملية
يقولون لازم مراجعه ست شهور
وبعدين يممممممممكن يوافقون عالعمليه
الموضوع مسببلي احباط والله
كله حابسه نفسي وماشوف حد
صار بس حلمي اني استوي مثلي مثل غيري
يمكن البعض يشوف هالشي بايخ وعادي
بس انا تييني افكار توصل اني اقطع بعمري
بليز اللي بتتمصخر وبتعق كلمة تعور لاترد
لان بجد مو ناقصه هم فوق همي
معاناتج شبيهه بمعاناتي ..
من يووم كنت صغييره وانا دبه ..
وكل حد يشوفني يتطنز علي !! لحد ما تعقدت وااايد خصوصا من الرياييل !!
ومع كل هاا .. أحب جسمي واحسه متناسق لوول ..,,
وحااسه اني بيووم من الأياام بشووف عمري رشييقه ^^ ..
بس ما ينفع تحبسين عمرج في البيت .. هالشي بروحه بيخلي نفسيتج دااون
ارجعي للدراسه واشغلي نفسج فيها ,, وحاولي اتنظمين أكلج ..
وترا في أي نظام بتسوينه وحتى في العمليه لازم نفسيتج اتكون اوك
الدنيا ما توقف عند عقبه وحده !!
ولو عندج القدره اشتركي بمركز يوفر لج نظام غذائي+ وجبات صحيه يوميه ..
وجربي اتسوين ريااضه ويا النظام,,وإن شاء الله بتضعفين ,,
هذا كل اللي اقدر انصحج فيه ..
وإذا قررتي اتسوين العمليه ,, صلي استخاره قبل .. واتوكلي على الله وسوي اللي فيه خير لج ^^
وربي ايسر لج أمورج كلها ويرزقج باللي تتمنينه 
والسمووحه منج ,,
صباح الورد
والله تدرون ماصدق للحين ان فيه ناس تعايب ع المتن ولا الضعف
ولا هذي شعرها ناعم وهذي خشن
احسه تخلف @@
الله يكون في عونج , واضح من كلامج انه وراثي
حاولي تسوين دايت وسبورت بس صحي مب حرمان وحبوب والخ
اهم شي فديتج الارادة
تدرين انا كيف لما ابا امتن ولا اعدل جسمي عقب ماهمله
اتم اطالع صور الرياضيات ولا الممثلات <– ولو ان نصه عمليات او تركيب
بس للتحفيز واقول يا انا يا هي , منو هي الا اجنبية و…….الخ واعلق صورة جدامي
تحصلين الحماس عندي فلللللللللللل وادور التريد ميل وينه 
حياتي انتي شو هالكلام لييييييش تقولييين جييه والله ما علييج من حد حلااااااتها المربربه ودام عندج الامكانيه تسوين عمليه ليش ما تشتركين في جيم مع مدربه خاصه وتلتزمين بدايت ترى العمليه ما تاثر واايد وشو ما كان الدكتور شاطر بيتم اثرها هذا بالنسبه لعمليات الشد والتصغير بس الشفط ما ياثر واايد اذا الوزن زايد سو بيقولج مع الشفط بسوي لج قص وماعرف الشوو وغير الويع والتعب النفسي والجسدي والله حراام بتوصلين لمرحله عقب العمليه تقولين دام ها بس اللي نزل لو كنت مسويه رياضه جان احسن لي واذا لابد من التدخل الجراحي انصحج بحلقه المعده عالاقل ارحم من انهم يقصصون لج جسمج ومع الرياضه كل شي بيكون اوكييه..
غاليتي
الجمال جمال الروح والخلق
اذا انتي انسانـة على خلق ودين لازم ثقتج في نفسج تكون كبيرة ^^
بغض النظر عن وزنج
مب معيار ولا عمره بيكون معيار للجمال ..
صح لصحتج الأفضل يكون وزنج صحي ومب ضروري نحيفة
أهم شي صحتج الغالية لإن بالأول والأخير نحن محاسبين عن أنفسنـا
فأنصحج غاليتي أول شي تقتنعين بنفسج
لإن يوم بتحبين نفسج بتحبي لها الخير ^_^
وبتجتهدي أكثر في نقصان وزنج حق صحتج
وأنا أوافقج الراي أختي مب سهل الإنسان ينقص وزنه
خاصـة اذا كان الفرق جدا كبير بين الوزن الصحي والوزن الي هو فيه حاليا ..
وفي عمليات مثل ما قلتي تساعد وأهمها تصغير المعدة أو تغيير المسار ( للي أوزانهم فوق الـ 110 )
لكن المشكلة ان هالعمليات مب من مدة طويلـة يسوونها
فما يعرفون اثرها على المدى البعيد
حاولي أختي تنظمين لقروب في المنتدى أو برى
تساندون بعض في الوزن والجيم
لإن التحفيز والدعم يساعد على الإجتهاد والجدية في الأهداف
وربي يوفقج أختي ويرزقج الصحـة والعافية
لا حول ولا قوه الا بالله
ايقني بربج الغلاااااا وابعدي تعبج النفسي عنج