االسلام عليكم
لما سرنا السعوديه ريلي سار ييب اكل وحصل معطعم يمني ويابه منه عدت اصاف ومن بينهم حلو او عصيده مصنوعه من سح وورقاق او سميد وسمن وشكله في النهايه شرات العجين
الصراحه من ذاك اليوم وانا اتوحم عليها وما اكلت منها الا شوي لانها متروسه سمن وانا ممنوعه من الدهون
كل ما اقول حق ريلي اسال المطاعم اليمنيه اذا يبيعون منها ما يطيع يقلي شو اقلهم ما عرف اسمه
ياليت الى نعرف الاكله تعطيني الطريقه واسمها واكون شاكره لها
السلام عليكم أختي
أتوقع الأكلة يلي تقصدينها أسمها فتة التمر,, ممكن تلاقينها في كل المطاعم اليمنية لكن طريقتها وايد سهلة
كل يلي بتحتاجينه هو: خبز جباتي, تمر, سمن يمني بس لو ماعندك عادي اي سمن ينفع ولو ان اليمني نكهته هي يلي تحلي الأكلة.. كمية الخبز والتمر والسمن يرجع لحسب الذوق, كثري التمر لو تحبينه حلو, او قللي التمر لو ماتحبينه حلو وايد, وكذلك السمن خففيه لو ماتبينه دهني وايد او زوديه لو تحبينه دهني
سخني الخبز في التوستر او المايكرويف, تاخذين التمر وتطلعين النواة, تحطينه في الخلاط مع الخبز, خليه ينضرب في الخلاط مع اضافة السمن المذاب بالتدريج لين يتفتت الخبز مع التمر ويصير عندك خليط متجانس… وصحتين… اتمنى تجربينها وتعطيني رايك انشاءلله
اختي الاكله الي طريتيها هي فتة تمر مثل ما تفضلت الاخت دودة قز، انتي من بوظبي تقدرين تلقينها في مطعم اليمن السعيد وبعد مطبخ الجزيزه اذا ما كنت غلطانه الي مجابل سور البحريه في النادي السياحي،،، وهي فعلا اكله لذيذه مغذيه بس مو كل يحبه
فته التمر يمي يمي
دوم الاهل يسوونها
بس ماانصحج بخبز براته
خبز تسوينه على التاوه او الصاج يسمونه ملوح او لحوح
اها
بخبر ريلي اول شي يسير ايبها من المطعم واذا طلعت نفس الي اكلتها بيرب اسويها وبحط لكم الصور عشان اتجوف صح اسوبهاولا غلط
بس ما توقعت يكون فيها الخبز لحوح او جباتي لانه دسم
ومشكورات خواتي على الوصفه
وعيدكن مبارك
لا حول ولا قوة إلا بالله
أستغفـر الله وأتوب إليه
سبحـــــــــــــــــــان الله
الحمـــــــــــــــــــــــدلله
لا إلـــــــــــــــــه إلا الله
الله أكبــــــــــــــــــــــــر