بنات اخبركم اشوي عن نفسي انا بنت قريب الثلاثين اشتغل مدرسة روضه وعندي عايله احبوني واخافون علي من نسمة الهوى ولله الحمد
بتسألون وين مشكلتي ؟ مشكلتي اني لما كنت صغيره صادني ضعف في السمع فأضطريت اني اركب سماعه طبية
المهم اني احس بالنقص من هالناحيه فقمت احط حرتي بالأكل واتم آكل لحد ما احس اني بنفجر
صدقوني بنات قدام هلي اضحك واتقشمر بس بيني وبين نفسي احس اني مهزوزه في داخلي وايد حساسه واقل شى أاثر فيني
ما ادري ليش انا جديه بس شسوي هذي شخصيتي
اتصدقون بنات صايره مهمله في كل شئ
في جسمي لأن صاير فوق الميه
في اهتمامي بشكلي يعني لا اهتم بلبسي ولا شعري ولا شئ
بنات ودي اتساعدوني شلون اقوي من شخصيتي شلون أشيل من مخي كل هالأفكار
بنات حاسه أني مالي أي قيمه في الحياة
بيني وبينكم حتي الزواح محد طق بابي غير ولد عمي وفيهألف عله وعله ورفضته
بنات بلييييييز ساعدوني لأني حاسه حالتي قاعد أتزيد يوم عني ويم وبالأخص شراهتي في الأكل
وثانكس مره ثانيه
الطب تطور الحينه وعن الاقل حطيلج نظام غذاي تمشين عليه وليش تحسين بالنقص بالعكس حالج حااال اي بنت وان شااا الله تتيسر أمورج
اهم شي تقوين ثقتج بنفسج وشوفي غيرج اللي حالهم مليون مره اسوء وقولي الحمدالله وعيشي حياتج واستانسي واستمتعي
حبيبتي فقد السمع احسن من فقد النظر
وفيه سماعات داخليه يعني الوضع عادي
انا عن نفسي عندي عين ما اشوف منها نظرها ضعييييييييييييييييييييييييييييييف
قلت باعمل ليزر قالوا القرنيه ماتتحمل لأنها ضعيفه يعني النظاره بتبقى علي وحتى الشكل مع الوقت يختلف
قولي الحمد لله على كل حال فيه ناس تفقد اجزاء من جسمها اهم من السمع
اهتمي في حالش وانسي هالسالفه والله يوفقش
فدييتج الحمدلله ع كل شى
وليش تحسي بالنقص عادى ها الشى انتى اللى تيبه لنفسج وبعدين انتى انسانه ناجحه المفروض تكونى فخوره بنفسج
لا حول ولا قوة الا بالله
ربي يعينج