السلام عليكم
كيف حالكن يا خوات
انا والدة من أكثر من أسبوع
بعملية قيصرية
ابي أعرف كيف اعتني بنفسي في الأربعين
يعنس الأكل و الشرب
و متى اقدر اربط يطني
عطوني نصائح لمن مرت بالموقف
السلام عليكم خليجيه حبيبتي والف مبروك على البيبي بوي والحمدالله على سلامتكم ..
عن العمليه للاسف ماتقدرين تربطين بطنج حاليا .. ولا رياضه طبعا .. بس امشي شوي شوي عشان ترومين تشدين حيلج وحاليا عليج بالمشروبات اللي تناسب هالفترة مثل الحبة الحمرة والحلبه وغيره من المشروبات الساخنه والماي شي اساسي عشان مايصيرلج امساك لانه بيتعبج بالعمليه ..
وهاي الاساسيات بهالفترة لين ترومين تتحركين براحتج مال شهرين باذن الله .. واذا بغيتي شي انا حاضرة .. والف مبروك مره ثانيه ^_^
الحمدلله ع السلامه. انتبهي من اي اكل يسبب غازات لانه بطنج بيتم منتفخ فتره طويله ابتعدي ع البقوليات والدقيق الاسمر والكوسه والملفوف وفي الليل عقب مايوخرون اللصقه حاولي تهوين بطنج والبسي قطن ناعم خفيف ولا تقعدين فمكان حار خلي الجو معتدل والبسي دلاقات من البرد
ولو قدرتي عقب الاسبوعين من الولاده تشربين مره منقعه في ماي والله مابتلتهب العمليه وبتنشف بسرعه مجرررب كثير
تسلمون خواتي على الرد
ماقصروا الخوات واللي عندها زود مابتبخل إن شاء الله
ممنوع تربطين او تاكلين وتشربين شي مثل الفلفل ممنوع عليج بالعصاير وترتاحي كثر ما تقدرين بس انتي عمليتج كيف ليزر او خياطه
وحاولي تبتعدين عن الغازات عليج بالعصاير واﻻكﻻت المفيده اﻻدويه المعالجه للجرح قوي نفسج انا اذكر كانت عضﻻتي مرتخيه ولما تحركت صرت احسن وممنوع رياضه لين 6 شهور
وطبعا هذا اللي سويته وكنت اتبع كﻻم النت طبعا مواقع طبيه او كتب وكﻻم الدكتوره
الله يقومك بسلامه ان شاءالله…