خواتي انا عندي بنتين قبل. وماستخدمتلهم هالمصاصه او اللهايه عسب الحمد لله ما حتجتهم والحين وبفضل الله تبارك الرحمن الله رزقني بتوم بنات هالتوم مشكلتهم انهم من يرضعون من المرضعه على طول يرقدون ومن يخلصون رضعتهم مثلا او ينامون خلاص اشل عنهم المرضعه بس من اشلها واحطهم عالسرير سيدة ينشون من رقادهم مع انهم يكونون وايد تعبانيين متعبيني الصراحه وايد بالرقاد يعني عادي الاثنين يسهرون من الليل وما يرقدون لثمان الصبح والسبه انهم يبون المرضعه بخلجهم طول الوقت عسب يكونو رقود
الخين فكرت اشتريلهم هالمصاصه بس خايفه تخرب فكهم او تسويلهم غازات او تأثر على اسنانهم
الحين منو جربتها تنصحني وتفيدني ؟
أنا كنت أبى اخذها لكن ريلي ماطاع احتشرت وياه قال اللهايه أو المصاصة هاي اتخلي ضروس الياهل كل وحده في صوب ههههههههه لكن عيل بنات خالتي اشوفهم ماشالله عليهم اسنانهم شحلاتها مع انهم كلهم استخدمو المصاصة
صدقج عيون القطوة احس ما يخصه لاني ما راح اعودهم عليه لين ما يكبرون ابا استخدمها مؤقت. لين ما يعتدل رقادهم
استخدميهم فديتج وماعليهم شر عيالج
انا استخدمت اللهايه لبنتي لانها كانت تبا ترضع 24 ساعه ماشاء الله
فتره بسيطه بس لين ماترقد وماخربت ظروسها
والحين اخوها بيموت يمص صبوعه طول الوقت ههههه
مرحبا اختيه
يعلها ذلريه صالحه يا ربي
تبين الصج انا عندي بنتين
وحده ست سنوات ووحده اربع سنوات
والاثنتين عطيتهن مصاصات (( لهايه )) وعاادي اسنانهم حلوين ولا فجهم اخترب
للعلم بنتي العوده لين ما كملت اربع سنوات وهي تاخذ لهايه بعدين بروحها ودرتها
والصغيره كملت 7 اشهر وودرتها بروحها
انتي بس عطيهم بعد ما ترضعينهم ويكونون شبعانين علشان يرقدون
بس يوم يقعدن لا تعطيهن لهايه
واهم شي لا تتعاييزين تشوفينهم ساكتين حاولي كل شي ترضعينهن علشان ما يضعفن
اهم شي تشبعين البنات
لانه لو المصاصه في حلجهن ما بيصيحن حتى لو يوعانات علشان جيه
اول شي اللي تسوينه ما تخلينهم يوعانات لو تشوفيهن ساكتين عطيهم حليب
وبعد لا تنسين تعقمينهن وتبدلينهم المصاصات وحاولي تعلقينهن في ملابسهن اذا تخافين يطيحن في الارض
وبالتوفيج فديتج والله يرزقج الله فيه الخير
انا شراتج وعطيتها وارتحت وحتى ارقادها اعتدل لاتحاتين اعطيهم
والله يحفظهم ان شاء الله
طيب جربي المرضعه العجيبة…يقولون لهايتها زينه ما تخرب الاسنان ..
و اذكر مرة شفت بالصيدلية لهايه مكتوب عليها انها ما تسبب تسوس اسنان …
عني ما جربت و لا افكر اجرب …و الله يعينا اجمعين ..