السلام عليكم بنات .. كيف حالكم ؟ عساكم بخير … للي عندهم خبره شو تنصحون وحده بتملج قريب …شو نصايحكم ووصاياكم ؟ و شو حدود العلاقة مع الزوج في هذه الفترة ؟
اذا ملجتي عادي ممكن ترمسين بالتيلفون بس مب وايد يمل منج عطيه مجال عسب يكتشف اشياء يديدة فيج بعد العرس
ممكن تعزمينه في البيت بين وقت والثاني بوجود الاهل وياهم وهو بعد نفس الشيىء
ممكن تظهرين وياه بس لازم حد من اهلج وياج او اهله
لكن لاتنفردين ابدا واياه رواحكم لو ملج عليج وما ادري حسب العادات عاد في ناس ترضى وناس ماترضى الا بعد العرس وبرأي هو الاحسن
لا تعودينه على التيلفون وايد
لا تعطين وتاخذين وايد في الكلام من الناحية الرومنسية ،
لا تكثرين من الطلعات وايد ،
كلامي فيه شوية صرامة بس هذا لمصلحتج 
والله يوفقج
بالتوفيق
وعليكم السلام ورحمة الله وبركاته…
الله يوفقج الغالية… صراحة انا احس ان اهم شي في وقت الملجة ان اتبينين له شخصيتج وتتعرفين ع شخصيته عسب تتعودون وتاخذون ع بعض… صح ان مرات يصير سوء تفاهم بس هالشي عاديلان هالشي بيساعدكم ان اتعرفون بعض اكثر… وبيي يوم بتضحكون ع هاليوم…
ولا تخشين عن ريلج شي أبدا… ولو غلطتي بشي او سويتي شي ما يعجبه قوليله لان بيحب يسمع منج…
وموفقة ان شاء الله…
و عليــــكم السلام و الرحمه
مأني مب مالجه ولا عندي خبره …بس عندي خبره من ناس فاهمين فهاي الحياه
طبعا تكلمينه لكن ما بين فتره و فتره ولا طولين وياه وايد( أذا أهلج راضين)…عشااان يتوله عليج أكثر و أكثر ..
و حاولي دايما من تسكرين عنه تخلينه راضي عنج و مب متكدر مزاجه..
ولاا تتغلين وايد و تتطلبين ..ترى الحنه واايد تسوي مشاكل ( بيقول من أولها تتشرط و تحن..عيل بعد العرس شو!)
و أذا فخاطرج شي معين ..اطلبيه بطريقه حلوه..و حتى لو بطريقه تضحك..عشان
تهونين عليه و يوافق ..!! بس لا تستغلين طيبته ترى مب زين…
و أهم شي الصراحه بينج و بينه ..ترى الريايل يحبون الحرمه اللي تصارهم .. ( عشان يصارحونها)
و بين أسبوع و أسبوع..أذا هو طلب يشوفج وافقي و طبعا بموافقت أهلج ..و حاولي تراوين أنج متولهه على شوفته مثل ما هو متوله على شوفتج
و بعد لا تخلينه يطول الزياره..
و أفضل ترمسينه عن أمور الزواج و المستقبل ( اللي بينكم) مثلا :- عن الأشياء اللي تحبينها فشخصية الريال ..ألخ ( ففترة الملجه) ..أما بعد العرس خبريه عن حياتج كلها بعد ^_^
و الله يوفق كل البنات المسلمين يا ربي
تقبلي رأي حبوبه و مروري المتواضع
أختج ميااوه
الغالية الله يوفقج
بقولج على سر الريال مثل اليهال اتي اترمين اتغيرين فية كل شيء
نصيحة من اختج في الله عليك بقرأة الكتب عن الزواج والزوج وخاصة تحفة العروسين